ខេត្តបាត់ដំបង ៖ បិទវគ្គហ្វឹកហ្វឺនវិក្រិត្យការនឹងបើកវគ្គលំហាត់បាញ់គ្រាប់ពិត ដើម្បីលើកកម្ពស់សមត្ថភាពគុណភាពរបស់កងយោធពលខេមរភូមិន្ទកាន់តែមានកម្រិតនឹង រួមចំណែកអនុវត្តន៍ការងារកំណែទម្រង់ស៊ីជំរៅតាមរយៈការងារហ្វឹកហ្វឺនរៀនសូត្រដែលជាចំណែកមួយបង្កើនបានសក្តានុពលក្នុងជួរកងទ័ពទាំងចំណេះដឹង ចំណេះធ្វើ និងបានប្រែក្លាយអាជីពជាកងទ័ពពិតប្រាកដ ។ នេះជាការលើកឡើងរបស់លោកឧត្តមសេនីយ៍ទោ ឯក.សំអូន…
ខេត្តបាត់ដំបង ៖ បិទវគ្គហ្វឹកហ្វឺនវិក្រិត្យការនឹងបើកវគ្គលំហាត់បាញ់គ្រាប់ពិត ដើម្បីលើកកម្ពស់សមត្ថភាពគុណភាពរបស់កងយោធពលខេមរភូមិន្ទកាន់តែមានកម្រិតនឹង រួមចំណែកអនុវត្តន៍ការងារកំណែទម្រង់ស៊ីជំរៅតាមរយៈការងារហ្វឹកហ្វឺនរៀនសូត្រដែលជាចំណែកមួយបង្កើនបានសក្តានុពលក្នុងជួរកងទ័ពទាំងចំណេះដឹង ចំណេះធ្វើ និងបានប្រែក្លាយអាជីពជាកងទ័ពពិតប្រាកដ ។
នេះជាការលើកឡើងរបស់លោកឧត្តមសេនីយ៍ទោ ឯក.សំអូន មេបញ្ជាការស្តីទីយោធភូមិភាគទី៥ ក្នុងពិធីបិទវគ្គហ្វឹកហ្វឺនវិក្រិត្យការ១. ២ . នឹងបើកវគ្គហ្វឹកហ្វឺនលំហាត់បាញ់គ្រាប់ពិតថ្នាក់វរសេនាតូចវាយលុកសហការណ៍ជាមួយរថក្រោះអាវុធគាំទ្រ និងការពារអាកាសចំណុះ យោធភូមិភាគទី៥ កាលពីថ្ងៃទី២២ ខែតុលា ឆ្នាំ២០១៨ កន្លងទៅនេះ ។
នៅសាលាពលទាហានទី៥ (បឹងជរាជ) ស្ថិតក្នុងភូមិបត់សាលា ឃុំឈើទាល ស្រុកបាណន់ ខេត្តបាត់ដំបង និងវត្តមាន ចូលរួមមានលោកមេបញ្ជាការរងនាយសេនាធិការរងយោធភូមិភាគទី៥ មេបញ្ជាការមេបញ្ជាការរងកងពលស្នងការរងនគរបាលខេត្ត តំបន់ប្រតិបតិ្តការសឹកខេត្តមេបញ្ជាការមេបញ្ជាការរងវរសេនាតូច អាជា្ញធរស្រុកមូលដ្ឋាន និងនាយទាហានជាច្រើនរូបផងដែរក្នុងមតិស្វាគមន៍ និងរបាយការណ៍បិទវគ្គហ្វឹកហ្វឺនបណ្តុះបណ្តាលវិក្រិត្យការ១.២. លោកឧត្តមសេនីយ៍ត្រីសួន សុន នាយកសាលាពលទាហានទី៥ បានបញ្ជាក់ថា ទន្ទឹមនឹងការងាររីកចម្រើនរឹងមាំលើគ្រប់វិស័យក្នុងជួរកងយោធពលខេមរភូមិន្ទ យោធភូមិភាគទី៥បានបង្កើន គ្រប់សកម្មភាពទាំងចំណេះដឹងចំណេះធ្វើតាមរយៈការហ្វឹកហ្វឺនរៀនសូត្រដែលជាចំណែកមួយសំដៅពង្រឹងសមត្ថភាពគុណភាព កងទ័ព និងស្របតាមគោលការណែនាំដែលបញ្ជាការដ្ឋាន កងទ័ពជើងគោកបានដាក់ចេញ ។
របាយការណ៍បានឲ្យដឹងទៀតថា វគ្គហ្វឹកហ្វឺនមានសិក្ខាកាមជានាយទាហាននាយទាហានរង ពលទាហានមកពី១៦កងឯកភាពមានយោធាចារ្យ១៥នាក់ គ្រប់គ្រង០៤នាក់ បម្រើការ១២ នាក់ សិក្ខាកាម២៣៨នាក់ សរុប២៦៩នាក់ ដែលមានរយៈពេល១៥២ថ្ងៃ សិក្សាលើមេរៀនសំខាន់ៗរួមមានលំហាត់ របៀបឋានលេខា យុទ្ធវិធីថ្មើរជើងបុគ្គប្រយុទ្ធ យុទ្ធវិធីថ្មើរជើងថ្នាក់ក្រុម បច្ចេកទេសអាវុធថ្មើរជើង លំហាត់បាញ់គ្រាប់ពិត និងការងារអប់រំចិត្តសាស្ត្រផងដែរ ។ ឆ្លងតាមការហ្វឹកហ្វឹនរយៈពេលកន្លមកនេះសិក្ខាកាមទាំង២៣៨នាក់ ជាលទ្ធផលបាញ់ស៊ីបគ្រាប់ពិតអាវុធអាការល្អ១៦នាក់ ល្អបង្កួរ៣៨នាក់ មធ្យម១៦៨នាក់ និងខ្សោយ២២នាក់ ជាលទ្ធផលសរុបបញ្ចប់វគ្គសិក្ខាកាមបានទទួលនិទេ្ទសល្អ២៨នាក់ និទ្ទេសបង្គួរ៦២នាក់ និងមធ្យម១៤៨នាក់ ។
ជាមួយនឹងពិធីបិទវគ្គគណៈអធិបតីបានផ្តល់កិត្តិយសជូនលិខិតសរសើរ លិខិតបញ្ជាក់ការសិក្សានឹងបន្ទាប់ពីតំណាងកម្មសិក្សាការីបានធ្វើសេចក្តីបេ្តជា្ញចិត្តរួចមក មានមតិ សំណេះសំណាលនាឱកាសនោះផងដែរ ។ លោកឧត្តមសេនីយ៍ទោឯក.សំអូន បានសម្តែងការវាយតម្លៃខ្ពស់នឹងកោតសរសើរចំពោះភាពរឹងមាំរបស់សិក្ខាកាមដែលបានលះបង់កម្លាំង កាយចិត្តក្នុងការរៀនសូត្រហ្វឹកហាត់រហូតដល់ពេលបញ្ចប់វគ្គ ។ លោកបានលើកឡើងថា ជាចម្បងយើងទាំងអស់គ្នាត្រូវមានចំណេះវិជ្ជាទាំងចំណេះវិជ្ជាទូទៅ ចំណេះវិជ្ជាផ្សេងៗរបស់កងកម្លាំងប្រដាប់អាវុធដូចនេះត្រូវហ្វឹកហ្វឺនទាំងទ្រឺស្តី និងការអនុវត្តន៍ជាក់ស្តែង ។
ក្នុងនោះ រាជរដ្ឋាភិបាលកម្ពុជាដែលមានសម្តេចតេជោ ហ៊ុន សែន ជានាយករដ្ឋមន្ត្រី និងតាមរយៈក្រសួងការពារជាតិ អគ្គមេបញ្ជាការ បញ្ជាការដ្ឋានកងទ័ពជើងគោកបានជំរុញនឹងយកចិត្តទុកដាក់ចំពោះនាយទាហាន ពលទាហានបន្តការហ្វឹកហ្វឺនយុទ្ធវិធីផ្សេងៗ ដើម្បីយកប្រៀប លើវិស័យការពារជាតិ ។
ដោយឡែកវគ្គហ្វឹកហ្វឺនដែលត្រូវបើកបន្តសិក្ខាកាមត្រូវចេះសាមគ្គីឯកភាពផ្ទៃក្នុងសាលាយកចិត្តទុកដាក់រៀនសូត្រឲ្យបានល្អ លោកឧត្តមសេនីយ៍ ឯកសំអូន ព្រមទាំង មេបញ្ជាការមេបញ្ជាការរង នាយទាហាន ពលទាហាន នៅទូទាំងបញ្ជាការដ្ឋានយោធភូមិភាគទី៥ បានប្រកាស់គាំទ្រពេញទំហឹង ចំពោះជំហ៊ម៉ឺងម៉ាត់របស់សម្តេចតេជោ ហ៊ុន សែន នាយករដ្ឋមន្ត្រី នៃ ព្រះរាជាណាចក្រកម្ពុជាក្នុងការការពារអធិបតេយ្យជាតិ ឯករាជ្យជាតិ និងសន្តិភាពផងដែរ ។ លោកបានប្រកាសបិទវគ្គហ្វឹកហ្វឺនវិក្រិត្យការនឹងបន្តបើកវគ្គហ្វឹកហ្វឺនលំហាត់បាញ់គ្រាប់ពិត ថ្នាក់វរសេនាតូចចាប់ពីពេលនេះតទៅព្រមទាំងបានឧបត្ថម្ភដល់កម្មវិធីបិទវគ្គនូវថវិកា០១ លានរៀល និងកម្មវិធីបើកវគ្គថវិកា០១លានរៀលផងដែរ ៕
ចែករំលែកព័តមាននេះ