រាជធានីភ្នំពេញ ៖ នារីវ័យក្មេងម្នាក់ទំនងជាបែកថ្នាំបានរៀបរាប់ប្រាប់ម្លាំងមានសមត្ថកិច្ចថា (ឲ្យនាងដេកទៅលើកៅអីហើយ គាត់ថែមលើកជើងរបស់នាងនៅក្នុងឡានទៀត) ក្រោយពីរូបនាង បានហៅរថយន្តតាក់ស៊ីម៉ែត្រមួយគ្រឿងជិះពីម្តុំវិទ្យាល័យ សាមគ្គី ទៅព្រែកប្រា។ លុះមកដល់ចំណុច ស្ថានីយប្រេងឥន្ធនៈកាល់តិចបូកគោប្រាប់ថា សុំចូបន្ទប់ទឹករួចហើយព្យាយាមរត់ គេចខ្លួនមិនឲ្យលុយ ថ្លៃឡាននោះ។ ហេតុការណ៍នេះដែរបានបង្កការភ្ញាក់ផ្អើលកើតឡើងកាលពីវេលាម៉ោង៥ និង ៤៥នាទីល្ងាច ថ្ងៃទី២២ ខែតុលា ឆ្នាំ២០១៨ នៅចំណុចស្ថានីយប្រេងឥន្ធនៈកាល់តិចបូកគោ ផ្លូវព្រះមុនីវង្ស ក្នុងសង្កាត់ទន្លេបាសាក់ ខណ្ឌចម្ការមន។
តាមប្រភពព័ត៌មានពីសមត្ថកិច្ចបានប្រាប់ ឱ្យដឹងថា មុនពេលកើតហេតុ មាននារីវ័យក្មេងម្នាក់មានអាយុប្រមាណជាជាង ២០ឆ្នាំប៉ុណ្ណោះ ដែលស្ថិតនៅក្នុងសម្លៀកបំពាក់ខោអាវឈុតដៃវែង ពណ៌ក្រហម ម្នាក់បានហៅរថយន្តកាត់ស៊ីម៉ែត្រ មួយគ្រឿង ដែលបើកបរដោយបុរសម្នាក់ពីខាងមុខវិទ្យាល័យសាមគ្គី ក្នុងខណ្ឌទួលគោក និងជិះទៅព្រែកប្រា ក្នុងខណ្ឌច្បារអំពៅ។ លុះត្រឡប់មកពីព្រែកប្រាវិញនោះ នាងក៏បានប្រាប់ឲ្យបុរស ជាអ្នកបើកបររថយន្តបើកបត់ចូលទៅខាងក្នុងស្ថានីយប្រេងឥន្ធនៈកាល់តិចបូកគោ ដោយនាងបានប្រាប់ថា (នាងសុំចូលបន្ទប់ទឹកបន្តិច) ហើយរូបគាត់ក៏បានបើក រថយន្តបត់ចូលទៅឈប់ទៅតាមនាងប្រាប់។
តាមប្រភពដដែលបានប្រាប់បន្តទៀតថា ពេលដែលរថយន្តតាក់ស៊ីម៉ែត្រមួយគ្រឿងបើកទៅឈប់ដើម្បីអឲ្យនាងចូលបន្ទប់ទឹកនោះ រូបនាងមិនបានចូលបន្ទប់ទឹកឡើយ តែបែជាព្យាយាមរត់គេចខ្លួនទៅវិញ។ ដោយបានឃើញបែបនោះ បុរសជាអ្នកបើកបររថយន្តតាក់ស៊ីម៉ែត្រក៏បានរត់ដេញតាម និងស្រែកឲ្យកម្លាំងនគរបាលចរាចរណ៍ ដែលកំពុងតែឈរជើងនៅក្បែរនោះជួយចាប់ឃាត់ខ្លួននាងបានហើយកម្លាំងនគរបាលមូលដ្ឋានបានចុះមកដល់កន្លែងកើតហេតុខាងលើធ្វើការសួរនាំឲ្យដឹងរឿងហេតុផងដែរ។
ពេលដែលនោះនារីវ័យក្មេងម្នាក់ខាងលើនោះ ក៏បាននិយាយរៀបរាប់ទាំងរវើរវាយថា (ឲ្យនាងដេកលើកៅអី ហើយគាត់ថែមទាំងលើកជើងរបស់នាងនៅក្នុងឡានទៀត)។ ពេលដែលកម្លាំងមានសម្ថកិច្ចកំពុងតែធ្វើការសួរនាំ និងនិយាយបានតែប៉ុន្មានម៉ាត់នោះ ក៏ស្រាប់តែរូបនាងបានដោះអាវខាងក្រៅ និងបន្តដំណើរដើរចេញទៅបាត់ ទំនងជារូបនាងបានប្រើប្រាស់ថ្នាំញៀនច្រើនហួសប្រមាណហើយ ទើបធ្វើឲ្យមានអាការៈបែកថ្នាំ និងនិយាយលែងដឹងខុសត្រូវបែបនេះនោះ។
ក្រោយពីនារីវ័យក្មេងម្នាក់ខាងលើដើរចេញទៅបាត់ និង ដឹងច្បាស់ថា នាងជាមនុស្សបែកថ្នាំនោះ ទើបបុរសជាអ្នកបើកបរ រថយន្តតាក់ស៊ីម៉ែត្រខាងលើសុខចិត្ត បើករថយន្តរបស់ខ្លួនចេញទៅវិញដោយទាំងមិនបានលុយមួយរៀល និង មិនបានធ្វើការប្តឹងផ្តល់អ្វីឡើយ៕
ចែករំលែកព័តមាននេះ