រាជធានីភ្នំពេញ ៖ រថយន្តដឹកទំនិញមួយគ្រឿងបានក្រពឹតរួញមុខយ៉ាងដំណំ ចំណែកអ្នកបើកបរបានរងរបួសធ្ងន់ធ្ងរ បន្ទាប់ពីបើកបរបោះពួយក្នុងល្បឿនលឿន ដោយមិនដឹងថា អ្នកបើកបរខាងលើរវល់តែងាកទៅណា ឬងងុយដេកឡើយ។ ស្រាប់តែជ្រុលទៅបុកពីក្រោយរថយន្តបែនដឹកដី១គ្រឿងទៀតពេញទំហឹង ព្រមទាំងរុញរថយន្តដឹកដីនោះបណ្ដាលឲ្យធ្លាក់ផ្លូវថែមទៀត…
រាជធានីភ្នំពេញ ៖ រថយន្តដឹកទំនិញមួយគ្រឿងបានក្រពឹតរួញមុខយ៉ាងដំណំ ចំណែកអ្នកបើកបរបានរងរបួសធ្ងន់ធ្ងរ បន្ទាប់ពីបើកបរបោះពួយក្នុងល្បឿនលឿន ដោយមិនដឹងថា អ្នកបើកបរខាងលើរវល់តែងាកទៅណា ឬងងុយដេកឡើយ។ ស្រាប់តែជ្រុលទៅបុកពីក្រោយរថយន្តបែនដឹកដី១គ្រឿងទៀតពេញទំហឹង ព្រមទាំងរុញរថយន្តដឹកដីនោះបណ្ដាលឲ្យធ្លាក់ផ្លូវថែមទៀត ប៉ុន្តែសំណាងល្អ មិនបានបណ្ដលឲ្យក្រឡាប់ឡើយ។
លុះក្រោយពេលកើតហេតុភាគីទាំងបានសម្របសម្រួលគ្នា ដោយខាងរថយន្តដឹកដីសុខចិត្តជួយថ្លៃជួសជុល ១លានរៀល ប៉ុន្តែខាងរថយន្តដឹកទំនិញដែលបុកគេពីក្រោយមិនព្រមយកឡើយ និងជជែកយកតែត្រូវរៀងៗខ្លួន។ ឧប្បត្តិហេតុនោះបានកើតឡើង កាលពីវេលាម៉ោង៣រសៀល ថ្ងៃទី២២ ខែតុលា ឆ្នាំ២០១៨ នៅតាមផ្លូវអូរដឹមកប់ស្រូវ ស្ថិតនៅក្នុងភូមិស្រែរាជ្ជៈ ក្នុងសង្កាត់សំរោងក្រោម ខណ្ឌពោធិ៍សែនជ័យ។ រថយន្តដែលរងការខូចខាតព្រោះបើកបុករថយន្តបែនដឹកដីពីក្រោយនោះ ពណ៌ស ពាក់ស្លាក លេខតាកែវ ៣A-២៣៤៧ បើកបរដោយបុរសម្នាក់មិនត្រូវបានស្គាល់ឈ្មោះម្នាក់បានរងរបួសធ្ងន់បាក់ដៃបាក់ជើងព្រោះគាបជាប់ ក្នុងរថយន្តរថយន្ត។
ភ្លាមៗនោះត្រូវបាននគរបាល រួមជាមួយប្រជាពលរដ្ឋនាំគ្នាជួយគាស់យកចេញ រួចបានបញ្ជូនទៅកាន់មន្ទីរពេទ្យដើម្បីសង្គ្រោះបន្ទាន់។ ចំណែករថយន្តដឹកដីចង្កូតស្ដាំប្រភេទបែន ពណ៌ស ពាក់ស្លាកលេខ PP-1444 បានធ្លាក់ផ្លូវស្ទើរតែចូលទៅក្នុងប្រឡាយទៅហើយ។ តាមប្រភពព័ត៌មានបានឲ្យដឹងថា នៅមុនពេលកើតហេតុរថយន្តទាំង២គ្រឿងបានបើកបរស្របគ្នាធ្វើដំណើរក្នុងទិសដៅពីជើងទៅត្បូង ដោយរថយន្តបែនដឹកដីបើកមុខ ចំណែករថយន្តដឹកទំនិញបើកតាមពីក្រោយ។ លុះពេលទៅដល់កន្លែងកើតហេតុ មិនដឹងថាអ្នកបើកបររថយន្តដឹកទំនិញនោះរវល់ងាកទៅណា ឬងងុយដេកនោះទេ។
ក៏បានជ្រុលចង្កូតទៅបុក រថយន្តដឹកដីពីក្រោយពេញទំហឹង និងរុញបណ្ដាលឲ្យរថយន្តបែនធ្លាក់ផ្លូវថែមទៀត។ ដោយឡែករថយន្ត ដឹកទំនិញនោះបានក្រពឹតរួញមុខគាបអ្នកអ្នកបើកបររងរបួសបាក់ដៃ និងបាក់ជើងធ្ងន់ធ្ងរ បន្ទាប់មកត្រូវបាននគរបាល និងប្រជាពលរដ្ឋនាំគ្នាគាស់ចេញរួចនាំទៅសង្គ្រោះបន្ទាន់ភ្លាមៗដែរ៕
https://youtu.be/-BSiT3VRgAs
ចែករំលែកព័តមាននេះ