រាជធានីភ្នំពេញ ៖ លោក ឃួង ស្រេង អភិបាលរាជធានីភ្នំពេញ បានកោះប្រជុំជាមួយមន្ត្រីជុំនាញពាក់ពន្ធ័ក្រោមឱវាទ ដើម្បីត្រៀមផែនការរៀបចំព្រះរាជពិធី និងពិធីបុណ្យជាតិធំៗជាបន្តបន្ទាប់គ្នានាពេលឆាប់ៗខាងមុខនេះ ។
កិច្ចប្រជុំនេះ ធ្វើឡើងនៅរដ្ឋបាលរាជធានីភ្នំពេញ នារសៀលថ្ងៃទី២២ ខែតុលា ឆ្នាំ២០១៨ ដោយមានការចូលរួមពី អភិបាលគ្រប់ខណ្ឌ មន្ទីរនានាក្រោមឱវាទរដ្ឋបាលរាជធានីភ្នំពេញ តំណាងស្នងការនគរបាល និងកងរាជអាវុធហត្ថរាជធានីភ្នំពេញ និងមន្ត្រីពាក់ព័ន្ធជាច្រើនរូបទៀត ។
មន្ត្រីរដ្ឋបាលរាជធានីភ្នំពេញ បានអោយដឹងថា កិច្ចប្រជុំខាងលនេះ ដើម្បីប្រកាសសេចក្តីសម្រេច បង្កើតគណ:កម្មការ និងអនុគណ:កម្មការទទួលបន្ទុករៀបចំព្រះរាជពិធីបុណ្យអុំទូក រៀបចំខួបអនុស្សាវរីយ៏លើកទី៦៥នៃទិវាបុណ្យឯករាជ្យជាតិ ៩ វិច្ឆិកា និងទិវាកំណើតនៃកងយោធពលខេមរភូមិន្ទឆ្នាំ២០១៨ និងបុណ្យចូលឆ្នាំសាកលដែលប្រារព្ធធ្វើឡើងនៅរាជធានីភ្នំពេញ ជាបន្តបន្ទាប់គ្នានេះ ៕
ចែករំលែកព័តមាននេះ