ខេត្តស្វាយរៀង ៖ ប្រជាពលរដ្ឋរងគ្រោះដោយសារខ្យល់កន្ត្រាក់ ជនងាយរងគ្រោះដោយសារគ្រោះមហន្តរាយចំនួន៣២០គ្រួសារបានទទួលអំណោយមនុស្សធម៌ពីសាខាកាកបាទក្រហមកម្ពុជាខេត្តស្វាយរៀង ។
ការចុះចែកអំណោយនេះធ្វើឡើងនាព្រឹកថ្ងៃទី២០ ខែតុលា ឆ្នាំ២០១៨ ក្រុមការងារសាខាកាកបាទក្រហមកម្ពុជាខេត្តស្វាយរៀងដឹកនាំដោយលោកម៉ែន វិបុល ប្រធានគណៈកម្មាធិការសាខាកាកបាទក្រហមកម្ពុជាខេត្ត បាននាំយកអំណោយមនុស្សធម៌ចុះសួរសុខទុក្ខ និងចែកអំណោយដល់ប្រជាពលរដ្ឋរងគ្រោះដោយ
សារខ្យល់កន្ត្រាក់ បណ្តាលឲ្យខូចខាតផ្ទះទាំងស្រុង៣០គ្រួសារ ខូចខាតមធ្យម២៧គ្រួសារ (សរុប៣៧ខ្នង) ចាស់ជរា៧៤គ្រួសារ ពិការ១១នាក់ និងគ្រួសារមានជីវភាពខ្វះខាត១៧៨គ្រួសារ សរុប៣២០គ្រួសារ មកពី៦ឃុំ ក្នុងស្រុកចន្ទ្រា៥ សង្កាត់ក្នុងក្រុងបាវិត និង៩ឃុំក្នុងស្រុកស្វាយទាប។
លោកឈីវ សារ៉ន ប្រធានគណៈកម្មាធិការអនុសាខាកាកបាទក្រហមកម្ពុជាស្រុកចន្ទ្រាមានប្រសាសន៍ស្វាគមន៍និងអានរបាយការណ៍សង្ខេបអំពីសកម្មភាពឆ្លើយតបទៅនឹងគ្រោះមហន្តរាយនាពេលកន្លងមកនិងថ្លែងអំណរគុណដល់សាខាកាកបាទក្រហមកម្ពុជាខេត្តដែលកន្លងមកក៏ដូចជាពេលនេះបានឆ្លើយតបដល់ប្រជាពលរដ្ឋដែលរងគ្រោះបានទាន់ពេលវេលា។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ