ខេត្តស្វាយរៀង ៖ គ្រោះថ្នាក់ចរាចរណ៍មួយបានកើតឡើងរវាងរថយន្តបែនដឹកដីបានបុកគូទរថយន្តឡិច ស៊ីស RX300 ពីក្រោយពេញទំហឹងលាន់ដូចរន្ទះ បណ្តាលឲ្យរថយន្តឡិចស៊ីសRX300ជ្រុលចង្កូតធ្លាក់ពីលើថ្នល់ទៅបុកដើមអាកាស្យាក្បែរមាត់ទន្លេវ៉ៃគោ បណ្តាលឱ្យរងការខូចខាតយ៉ាងដំណំ និងធ្វើឲ្យអ្នកបើកបររងរបួសស្រាល។ ករណីគ្រោះថ្នាក់ចរាចរណ៍ខាងលើនេះកើតឡើងនៅវេលាម៉ោង៥និង៤៥នាទីព្រឹកថ្ងៃទី២២…
ខេត្តស្វាយរៀង ៖ គ្រោះថ្នាក់ចរាចរណ៍មួយបានកើតឡើងរវាងរថយន្តបែនដឹកដីបានបុកគូទរថយន្តឡិច
ស៊ីស RX300 ពីក្រោយពេញទំហឹងលាន់ដូចរន្ទះ បណ្តាលឲ្យរថយន្តឡិចស៊ីសRX300ជ្រុលចង្កូតធ្លាក់ពីលើថ្នល់ទៅបុកដើមអាកាស្យាក្បែរមាត់ទន្លេវ៉ៃគោ បណ្តាលឱ្យរងការខូចខាតយ៉ាងដំណំ និងធ្វើឲ្យអ្នកបើកបររងរបួសស្រាល។
ករណីគ្រោះថ្នាក់ចរាចរណ៍ខាងលើនេះកើតឡើងនៅវេលាម៉ោង៥និង៤៥នាទីព្រឹកថ្ងៃទី២២ តុលា ២០១៨ នៅលើកំណាត់ផ្លូវជាតិលេខ១ ត្រង់ចំណុចខាងលិចស្ពានហាយវ៉េ ស្ថិតនៅភូមិសាលាស្រុកចាស់សង្កាត់ព្រៃឆ្លាក់ក្រុងស្វាយរៀង។
ប្រភពព័ត៌មានបានឱ្យដឹងថា មុនពេលកើតហេតុ គេឃើញរថយន្តឡិចស៊ីស RX 300 បើកបរពីទិសខាងកើតទៅលិច លុះមកដល់ចំណុចកើតហេតុខាងលើ ស្រាប់តែមានរថយន្តបែនដឹកដីមួយគ្រឿង បើកបរស្របទិសគ្នាបានបុកគូទរថយន្តឡិចស៊ីស RX300 ពីក្រោយពេញទំហឹង បណ្តាលឲ្យរថយន្តឡិចស៊ីស RX300 ខ្ទាតចេញថ្នល់ទៅបុកដើមអាកាស្យាក្បែរមាត់ទន្លេវ៉ៃគោ រីឯរថយន្តបែនដឹកដីបានបន្ថែមល្បឿនបើកគេចខ្លួនបាត់ស្រមោល ។
បន្ទាប់មក អ្នកបើកបររថយន្តឡិចស៊ីស RX 300 បានហៅរថយន្តស្ទូចមកស្ទូចយកទៅជួសជុលដោយខ្លួនឯង ដោយអ្នកបើកបររថយន្តឡិចស៊ីស RX300 មិនបានមើលឃើញលេខរថយន្តបង្កនោះទេ ។
ទោះបីជាយ៉ាងណា សមត្ថកិច្ចកំពុងស្រាវជ្រាវរករថយន្តបង្កឲ្យមកទទួលខុសត្រូវតាមច្បាប់៕
ចែករំលែកព័តមាននេះ