រាជធានីភ្នំពេញ ៖ សពទារិកាដែលទើបតែស្លាប់ម្នាក់ត្រូវបានប្រជាពលរដ្ឋប្រទះឃើញនៅក្បែរច្រាំងទន្លេមេគង្គ ដែលសង្ស័យកើតមកស្លាប់ ហើយត្រូវបានម្តាយយកទៅបោះចោល។ ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង៥និង២០នាទីល្ងាចថ្ងៃទី២១ ខែតុលា ឆ្នាំ២០១៨ នៅចំណុចក្បែរច្រាំងទន្លេមេគង្គ ខាងត្បូងបន្ទាយទាហ៊ានជើងទឹក…
រាជធានីភ្នំពេញ ៖ សពទារិកាដែលទើបតែស្លាប់ម្នាក់ត្រូវបានប្រជាពលរដ្ឋប្រទះឃើញនៅក្បែរច្រាំងទន្លេមេគង្គ ដែលសង្ស័យកើតមកស្លាប់ ហើយត្រូវបានម្តាយយកទៅបោះចោល។
ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង៥និង២០នាទីល្ងាចថ្ងៃទី២១ ខែតុលា ឆ្នាំ២០១៨ នៅចំណុចក្បែរច្រាំងទន្លេមេគង្គ ខាងត្បូងបន្ទាយទាហ៊ានជើងទឹក ក្នុងភូមិ៣ សង្កាត់ជ្រោយចង្វារ ខណ្ឌជ្រោយចង្វារ ។
សពទារិកានោះត្រូវបានគេរុំនឹងកន្សែងរួចដាក់ក្នុងកេសស្នោបិតជិត យកទៅបោះចោល ។
ទោះបីជាយ៉ាងណា គេពុំដឹងថា មូលហេតុអ្វីនោះទេ បានជាឪពុកម្តាយយកសពកូនទៅបោះចោលបែបនេះ។
តាមនគរបាលបានអោយដឹងថា នៅមុនពេលកើតហេតុ មានអ្នកដំណើរ ឆ្លងកាត់ទីនោះក៏បានប្រទះឃើញកេសស្នោមានការសង្ស័យ ក៍បើកមើលស្រាប់តែប្រទះឃើញសពកូនទារិកា រួចរាយការណ៍ប្រាប់សមត្ថកិច្ចតែម្តង ។
តាមព័ត៌មានអោយដឹងថា សពទារិកាខាងលើនោះមានអាយុប្រមាណ៩ខែ ដែលគេការសង្ស័យថា កូននោះបានកើតមកស្លាប់ ហើយត្រូវបានម្តាយយកទៅបោះចោល ទើបបង្កអោយមានការភ្ញាក់ផ្អើលបែបនេះ ។
បន្ទាប់ពីមានការភ្ញាក់ផ្អើល នគរបាលក៏បានចុះទៅពិនិត្យសព រកពុំឃើញមានស្លាកស្នាមអ្វីនោះទេ ហើយត្រូវបានអាជ្ញាធរ សមត្ថកិច្ច និងប្រជាពលរដ្ឋនាំគ្នាកប់សពទារិកានោះនៅតាមមាត់ច្រាំងនោះ៕
ចែករំលែកព័តមាននេះ