ខេត្តក្រចេះ ៖ សេចក្តីរាយការណ៍បឋមឱ្យដឹងថា បុរសជាម្ចាស់អាជីវកម្មផលិតស្រា.សម្នាក់ ត្រូវបានតុលាការខេត្តក្រចេះសម្រេចឃុំខ្លួននៅពន្ធនាគារខេត្ត ក្រោយពីស្រាវជ្រាវរកឃើញថា ការផលិតស្រា.ស របស់បុរសរូបនេះ គឺធ្វើឡើងមិនប្រក្រតីដោយមានចេតនាប្រើសារធាតុមេតាណុលច្រើន ទើបបង្កឱ្យអ្នកទទួលទានបានពុលរហូតមានស្លាប់និងរងគ្រោះធ្លាក់ខ្លួនឈឺ…
ខេត្តក្រចេះ ៖ សេចក្តីរាយការណ៍បឋមឱ្យដឹងថា បុរសជាម្ចាស់អាជីវកម្មផលិតស្រា.សម្នាក់ ត្រូវបានតុលាការខេត្តក្រចេះសម្រេចឃុំខ្លួននៅពន្ធនាគារខេត្ត ក្រោយពីស្រាវជ្រាវរកឃើញថា ការផលិតស្រា.ស
របស់បុរសរូបនេះ គឺធ្វើឡើងមិនប្រក្រតីដោយមានចេតនាប្រើសារធាតុមេតាណុលច្រើន ទើបបង្កឱ្យអ្នកទទួលទានបានពុលរហូតមានស្លាប់និងរងគ្រោះធ្លាក់ខ្លួនឈឺ ។ គួររំលឹកថា ៖ តាមពិតស្រានេះសោះធ្វើឲ្យពុលមនុស្សស្លាប់ និងឈឺបែបនេះ
សេចក្តីរាយការណ៍បន្តថា បុរសជាម្ចាស់អាជីវកម្មផលិតស្រា.សខាងលើ ឈ្មោះ កុច សុហេង អាយុ៣១ឆ្នាំ មានទីលំនៅក្នុងភូមិដំរ៉ែ ឃុំបឹងចារ ស្រុកសំបូរ ត្រូវបានតុលាការខេត្តសម្រេចឃុំខ្លួនបណ្តោះអាសន្ននៅ
ពន្ឋនាគារខេត្ត នៅថ្ងៃទី២២ តុលា នេះ ជាប់ពីបទមនុស្សឃាតដោយអចេតនា បន្ទាប់ពីមានការឃាត់ខ្លួនមកសាកសួរអស់រយៈពេលជាច្រើនថ្ងៃ ជុំវិញការផលិតស្រា បង្កឱ្យមានអ្នកស្លាប់រួចមក ។
ប្រភពបន្តថា បុរសរូបនេះបានសារភាពថា «ការផលិតស្រារបស់គេ គឺពិតជាមានលាយនូវសារធាតុមេតាណុល ដើម្បីឱ្យស្រាមានគុណភាពខ្លាំង និងមានបរិមាណច្រើន ហើយទាន់តម្រូវការអ្នកទទួលទាន» ។
គួរបញ្ជាក់ថា ការចាប់ខ្លួនរហូតឈានឲ្យមានការឃុំខ្លួនបុរសជាម្ចាស់អាជីវកម្មផលិតស្រាសខាងលើ នេះបានធ្វើឡើង បន្ទាប់ពីមានបាតុភាពពុលមួយបានផ្ទុះជាឡើងជាបន្តបន្ទាប់ជាប់ៗគ្នារយៈ ពេល៣ថ្ងៃចាប់ពីថ្ងៃទី១៨ ដល់ថ្ងៃទី២០ ខែតុលា ក្នុងនោះបានបង្កឲ្យអ្នកភូមិយ៉ាងតិច៥នាក់ ស្រី១នាក់ រស់នៅតាមបណ្តារភូមិផ្សេងគ្នាក្នុងឃុំចំនួន២ គឺឃុំបឹងចារ និងឃុំកោះខ្ញែ ក្នុងស្រុក សំបូរ បានកើតអាការពុលរហូតស្លាប់។ មិនតែប៉ុណ្ណោះក៏នៅមានអ្នកភូមិប្រុស-ស្រីចំនួនជាង ៧០នាក់ក្នុងនោះមានស្រី១៧នាក់ផ្សេងទៀត ក៏កំពុងតែធ្លាក់ខ្លួនឈឺនិងក៏ត្រូវបាននាំមក ជួយសង្គ្រោះ។
ជាមួយគ្នានេះ អាជីវកម្មលក់ស្រា.សមួយចំនួននៅក្នុងភូមិ និងឃុំនានាក្នុងស្រុក ត្រូវបានអាជ្ញាធរចុះផ្អាកការធ្វើអាជីវកម្មផលិត និងក៏មានស្រា.សនិងស្រាថ្នាំជាច្រើនផ្សេងទៀតគឺត្រូវបានអាជ្ញាធររឹបអូសយកមករក្សាទុក។ការពុលរហូតបង្កឲ្យមានពលរដ្ឋស្លាប់និងរងគ្រោះបែបនេះ ត្រូវាបគេពណ៌នាថា មិនមែន ជារឿងថ្មីទេសម្រាប់ទឹកដីខេត្តក្រចេះ។
ដោយកន្លងមក ការពុលបានផ្ទុះជាបាតុភាពជាបន្តបន្ទាប់ និងក៏បានសម្លាប់អ្នកភូមិមិនតិចនាក់នោះទេ ។ ការពុលដែលតែងតែបង្កឲ្យមានពលរដ្ឋស្លាប់នោះ ក៏ត្រូវបានគេកត់សម្គាល់ឃើញថា បានកើតមានឡើងដូចជាពុលស្រា.ស ពុលសាច់សត្វឆ្កែ និងពុលទឹកជាដើម ។
ចែករំលែកព័តមាននេះ