ខេត្តកំពង់ឆ្នាំង ៖ ព័ត៌មានកោះសន្តិភាពទទួលបានចុងក្រោយ នៅរសៀលថ្ងៃទី២១ តុលា ថ្ងៃដដែលថា ជនដៃដល់រូបនេះ គឺត្រូវជាបងប្អូនជីទួតមួយនឹងកុមាររីរងគ្រោះទៀតផង ។ ប្រភពដដែលបានបន្តថា…
ខេត្តកំពង់ឆ្នាំង ៖ ព័ត៌មានកោះសន្តិភាពទទួលបានចុងក្រោយ នៅរសៀលថ្ងៃទី២១ តុលា ថ្ងៃដដែលថា ជនដៃដល់រូបនេះ គឺត្រូវជាបងប្អូនជីទួតមួយនឹងកុមាររីរងគ្រោះទៀតផង ។ ប្រភពដដែលបានបន្តថា នៅយប់ថ្ងៃកើតហេតុ មានយុវជនមួយក្រុមមានមនុស្សប្រមាណជិត១០នាក់ បាននាំគ្នាផឹកស៊ីនៅផ្ទះមួយផ្សេងទៀត ជិតផ្ទះកុមារីរងគ្រោះ។ លុះពេលផឹកស៊ីបានបញ្ចប់ អ្នកផឹកស៊ីបានបែកគ្នាទៅផ្ទះអស់ទៅ ពេលនោះ ជនដៃដល់ឈ្មោះ ឆុំ ពយ បានដើរសំដៅមកផ្ទះកុមារីរងគ្រោះ រួចឡើងទៅចាប់រំលោភក្មេងស្រីរងគ្រោះជាបងរហូតបានសម្រេច។
ក្រោយពេលរំលោភហើយ ជនដៃដល់បានគំរាមមិនឱ្យក្មេងស្រីរងគ្រោះប្រាប់នរណាទេ តែក្មេងស្រីរងគ្រោះបាននិយាយថា នឹងប្រាប់គេ ហើយប្តឹងសមត្ថកិច្ចឲ្យចាប់ខ្លួន។ ស្របពេលនោះដែរ ក្មេងស្រីរងគ្រោះជាប្អូនអាយុ៧ឆ្នាំ បានភ្ញាក់ហើយស្រែកយំ ពេលនោះ ជនដៃដល់បានវាយក្មេងរងគ្រោះជាប្អូនមួយដៃ រហូតសន្លប់។
បន្ទាប់មក ក៏វាយក្មេងស្រីរងគ្រោះជាបងរហូតដល់សន្លប់ បន្ទាប់មកជនដៃដល់បានយកខ្នើយសង្កត់ខ្ទប់មុខក្មេងស្រីរងគ្រោះទាំងពីររហូតដល់ដាច់ខ្យល់ស្លាប់។ ក្រោយពីសម្លាប់ក្មេងស្រីរងគ្រោះទាំងពីរនាក់ហើយ ជនដៃដល់បានលើកសពក្មេងទាំងពីរដាក់ចូលកែសដាក់ខោអាវរបស់គ្រួសាររងគ្រោះ រួចខ្ទាស់គន្លឹះ និងដើរចេញទៅផ្ទះតែម្តង។ ក្រោយការស្រាវជ្រាវយ៉ាងយកចិត្តទុកដាក់របស់ សមត្ថកិច្ច ជនដៃដល់ត្រូវបានសមត្ថកិច្ចចាប់ខ្លួននៅថ្ងៃទី១៩ តុលា ឆ្នាំ២០១៨ ដើម្បីយកមកសាកសួរតាមជំនាញ ទើបជនដៃដល់ព្រមសារភាព ។
គួរបញ្ជាក់ថា ឃាតករឈាមខ្មៅដែលសម្លាប់ក្មេងស្រី២នាក់បងប្អូន បានសារភាពហើយថា «ខ្លួនជាអ្នកសម្លាប់» ។ លោកឧត្តមសេនីយ៍ទោ ឡុច វណ្ណារ៉ា ស្នងការនគរបាលខេត្ត បានឱ្យដឹងកាលពីរសៀលថ្ងៃទី២១ ខែតុលាថា ជនដៃដល់ដែលសម្លាប់ក្មេងស្រី២នាក់បងប្អូននៅស្រុកបរិបូណ៌ ដែលធ្វើឱ្យមានការចាប់អារម្មណ៍យ៉ាងខ្លាំងនៅទូទាំងប្រទេស តាំងពីសប្តាហ៍មុនត្រូវបានឃាត់ខ្លួនហើយ បន្ទាប់ពីការសួរនាំអស់រយៈពេល២ថ្ងៃ ។
លោកស្នងការបន្តថា ការសម្លាប់ក្មេងស្រីទាំង២នាក់នេះ បានកើតឡើងពីការប៉ងរំលោភសេពសន្ថវៈមិនបានសម្រេចក៏សម្លាប់ចោលតែម្តង ព្រោះជាមនុស្សស្គាល់គ្នា ។ ជនដៃដល់អប្រិយរូបនេះ ឈ្មោះ ឆុំ ពយ ។ ជនរូបនេះ បានឡើងទៅប៉ងរំលោភក្មេងស្រីជាបង តែខណៈនោះក្មេងស្រីជាប្អូនបានឃើញក៏ស្រែក ។ ដោយសារខ្លាចបែកការណ៍ ទើបជននេះ យកខ្នើយសង្កត់ផ្តាច់ដង្ហើមបណ្តាលឲ្យស្លាប់ទាំង២នាក់តែម្តង ។
ប្រតិបត្តិការស៊ើបអង្កេតដ៏ក្តៅគគុក បានធ្វើឡើងក្រោមការបញ្ជាផ្ទាល់ពីលោកនាយឧត្តមសេនីយ៍ នេត សាវឿន អគ្គស្នងការនគរបាលជាតិ និងអភិបាលខេត្ត លោក ឈួរ ច័ន្ទឌឿន ដែលដឹកនាំផ្ទាល់ដោយលោកឧត្តមសេនីយ៍ត្រី ប៉ុល វុទ្ធី ស្នងការរងនគរបាលខេត្តទទួលផ្នែកព្រហ្មទណ្ឌ ។
បើតាមលោកឧត្តមសេនីយ៍ទោស្នងការថា ក្រោយពីមានអំពើឃាតកម្មនេះ កាលពីថ្ងៃទី២០ ខែតុលា ឆ្នាំ២០១៨ សមត្ថកិច្ចបានហៅម្តាយមីងនិងឪពុកមារបស់ក្មេងស្រីរងគ្រោះ និងជនដៃដល់ទៅសួរនាំជុំវិញករណីសង្ស័យទាំងឡាយ ។លោកបន្តថា ពីដំបូងឃាតកររូបនេះ ប្រកែកមិនព្រមសារភាពទេ តែទីបំផុតដោយសារការប្រើប្រាស់ជំនាញរបស់សមត្ថកិច្ច ជនសង្ស័យក៏បានសារភាព ។ ចំណែកឪពុកមានិងម្តាយមីងរបស់ក្មេងស្រីរងគ្រោះ មិនជាប់ពាក់ព័ន្ធនោះទេ ។
ក្រោយការសារភាពរបស់ឃាតករ កម្លាំងនគរបាលក៏បាននាំជនកំណាចនេះទៅធ្វើត្រាប់នៅក្នុងផ្ទះដែលក្មេងស្រីស្នាក់នៅ ។ សូមបញ្ជាក់ថា ក្មេងស្រី២នាក់បងប្អូនបង្កើត ត្រូវឃាតករឈាមខ្មៅគ្មានក្ដីមេត្ដាសម្លាប់រួចញាត់ចូលក្នុងហិបដែក ហើយយកទៅដាក់លើផ្ទះខ្ទមដែលក្មេងស្រីទាំង២នាក់ស្នាក់នៅរាល់ថ្ងៃ និងបង្កឲ្យមានការភ្ញាក់ផ្អើលនៅវេលាថ្ងៃត្រង់ថ្ងៃទី១៨ ខែតុលា នៅភូមិថ្មី ឃុំផ្សារ ស្រុកបរិបូណ៌ ។
សេចក្ដីរាយការណ៍ពីមូលដ្ឋានដែលដកស្រង់សម្ដីរបស់ឪពុកមាបានឲ្យដឹងថា ជាធម្មតាក្មួយស្រីទាំង២
នាក់ ជារៀងរាល់ព្រឹក តែងតែទៅផ្ទះរបស់គាត់ហូបបាយហូបទឹក និងយកគោទៅចងឲ្យស៊ីស្មៅជាធម្មតា ។ចម្លែកតែព្រឹកថ្ងៃកើតហេតុ មិនបានឃើញក្មួយស្រីទាំងពីរនោក់ទេ ទើបសាច់ញាតិនាំគ្នាដើររកគ្រប់ទីកន្លែងតែរកមិនឃើញ ។ លុះរហូតដល់ម៉ោង១១និង៣០នាទីថ្ងៃត្រង់ បុរសជាឪពុកមាក៏បានឡើងលើផ្ទះនិងបើកហិបមើល ស្រាប់តែឃើញសពក្មួយស្រីទាំង២នាក់ត្រូវគេញាត់នៅក្នុងនោះ ទើបលើកសពចេញពីក្នុងហិបមកដាក់នៅក្រៅ និងប្តឹងសមត្ថកិច្ច ។
ក្រោយការពិនិត្យនិងធ្វើកោសល្យវិច័យ សមត្ថកិច្ចបញ្ជាក់ថា ក្មេងស្រីទាំង២នាក់ត្រូវឃាតករសម្លាប់ រួចយកសពទៅដាក់នៅក្នុងកេសនោះ ដែលម្នាក់អាយុ១៤ឆ្នាំ និងម្នាក់ទៀតឈ្មោះអាយុ៧ឆ្នាំ ។ អ្វីដែលកាន់តែគួរឲ្យអាសូរនោះ គឺឪពុកម្ដាយរបស់ក្មេងស្រីទាំង២នាក់ មិនបាននៅផ្ទះជាមួយកូនៗទេ ដោយម្ដាយទៅធ្វើ
ការនៅរោងចក្រនឯរាជធានីភ្នំពេញ ចំណែកឪពុកទៅធ្វើកម្មករនៅប្រទេសថៃ ។ បើតាមអ្នកច្បាប់និយាយថា ចំពោះអំពើឃាតកម្មនេះ ជនសង្ស័យនឹងត្រូវប្រឈមមុខជាប់ពន្ធនាគារអស់មួយជីវិត ។
ចែករំលែកព័តមាននេះ