ខេត្តបន្ទាយមានជ័យ ៖ បុរសវ័យចំណាស់ម្នាក់បានចង.កធ្វើអត្តឃាតសម្លាប់ខ្លួនបង្កឲ្យមានការភ្ញាក់ផ្អើលដែលត្រូវបានគេប្រទះឃើញសពនៅវេលាម៉ោង៦និង៣០នាទីថ្ងៃទី២១ ខែតុលា ឆ្នាំ២០១៨ នៅភូមិទ្រលោកត្បូង ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ ។…
ខេត្តបន្ទាយមានជ័យ ៖ បុរសវ័យចំណាស់ម្នាក់បានចង.កធ្វើអត្តឃាតសម្លាប់ខ្លួនបង្កឲ្យមានការភ្ញាក់ផ្អើលដែលត្រូវបានគេប្រទះឃើញសពនៅវេលាម៉ោង៦និង៣០នាទីថ្ងៃទី២១ ខែតុលា ឆ្នាំ២០១៨ នៅភូមិទ្រលោកត្បូង ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ ។
តាមប្រភពព័ត៌មានពីនគរបាលមូលដ្ឋានបានឲ្យដឹងថា បុរសដែលសម្លាប់ខ្លួនមានឈ្មោះ គឹម ថន ហៅរុន ភេទប្រុស អាយុ៦៨ឆ្នាំ ជាអតីតយុទ្ធជន បានចង.កធ្វើអត្តឃាតសម្លាប់ខ្លួននៅក្នុងរោងរបស់ខ្លួន និងកន្សែងក្រឡាការ៉ូ (ក្រហម-ខៀវ) ដែលមានកម្ពស់១,៤០ម៉ែត្រពីដី ទៅកន្លែងចងចម្ងាយពីក្បែរផ្លូវលំ ក្នុងភូមិប្រវែង០៣ម៉ែត្រ ។
នគរបាលបានប្រាប់ទៀតថា ឆ្លងតាមសម្តីរៀបរាប់បំភ្លឺពីស្ត្រីឈ្មោះ ស៊ុន រ៉ី ហៅច្រឹប អាយុ៤០ឆ្នាំ ដែលត្រូវជាប្រពន្ធរបស់សពបានបញ្ជាក់ប្រាប់សមត្ថកិច្ចថា ចំពោះខ្លួនបាន គឹម ថន ហៅរុន ជាប្ដីប្រពន្ធគ្នា ដែលមានកូនស្រីចំនួន០២នាក់ ជាចំណងដៃ ការរស់ជាមួយគ្នាតែងតែមានការឈ្លោះប្រកែកជាប្រចាំ ព្រោះប្ដីរបស់ខ្លួនពេលផឹកស្រាស្រវឹង គឺរករឿងដេញវាយដេញកាប់ និងដេញគាត់ចេញពីផ្ទះ ដោយគាត់ចោទប្រកាន់ថា ខ្លួនមានប្រុសថ្មីពេលឈ្លោះប្រកែកគ្នាម្ដងៗខ្លួនតែងតែរត់ទៅស្នាក់នៅផ្ទះម្ដាយ ជាបណ្ដោះអាសន្ន នៅភូមិទ្រលោកជើង ឃុំភ្នំលៀប ។
ដោយសារតែការស៊ូទ្រាំមិនបាននៅថ្ងៃទី០៨ ខែតុលា ឆ្នាំ២០១៨ គាត់បានដាក់ពាក្យបណ្ដឹងទៅលោកមេភូមិ ដើម្បីសុំលែងលះ តែលោកមេភូមិបានហៅធ្វើការសម្របសម្រួលឲ្យយកគ្នាវិញ គាត់ដាច់ខាតមិនយក ហើយបន្តទៅដាក់ពាក្សបណ្តឹងទៅលោកមេឃុំមិនដោះស្រាយទេ ។ លុះថ្ងៃទី២១ ខែតុលា ឆ្នាំ២០១៨ វេលាម៉ោងប្រហែល៦និង៣០នាទី បានទទួលដំណឹងថា ប្ដីរបស់ខ្លួនបានចង.កធ្វើអត្តឃាតសម្លាប់ខ្លួនស្លាប់បាត់ទៅហើយ ។
ប្រភពដដែលបានបញ្ជាក់ថា ក្រោយពីទទួលបានព័ត៌មានពីករណីធ្វើអត្តឃាតភ្លាមបានរៀបចំបង្កើតក្រុមគណៈកម្មការធ្វើការត្រួតពិនិត្យលើខ្លួនប្រាណសព យើងពុំឃើញមានស្លាកស្នាមអ្វីគួរឲ្យកត់សម្គាល់ទេ ដូច្នោះសន្និដ្ឋានការស្លាប់របស់ឈ្មោះ គឹម ថន ហៅរុន គឺស្លាប់ដោយសារចង.កពិតប្រាកដមែន គ្មានពាក់ព័ន្ធរឿងឃាតនោះទេ ។ នៅរសៀលថ្ងៃទី២១ ខែតុលា ឆ្នាំ២០១៨នេះ គណៈកម្មាធិការសមាគមអតីតយុទ្ធជនក៏បាននាំយកថវិការបស់សមាគមទៅប្រគល់ជូនដល់ក្រុមគ្រួសារសពចំនួន៤លានរៀលផងដែរ ៕
ចែករំលែកព័តមាននេះ