រាជធានីភ្នំពេញ ៖ បុរស២នាក់ និងស្ត្រីម្នាក់សុទ្ធតែមានការងារធ្វើរៀងៗខ្លួនទាំងអស់ ប៉ុន្តែអ្វីដែលគួរឲ្យចាប់ អារម្មណ៍នោះ គឺអ្នកទាំងនោះគ្រាន់តែយកការងាររបស់ខ្លួនបិទបាំងនូវមុខរបរទុច្ចរិតតែប៉ុណ្ណោះ។ តាមពិតមុខរបរសំខាន់របស់ពួកគេគឺជួញដូរគ្រឿងទៅវិញទេ តែបានបែកការណ៍ត្រូវបានកម្លាំងនគរបាល ផ្នែកប្រឆាំងគ្រឿងញៀនខណ្ឌពោធិ៍សែនជ័យ…
រាជធានីភ្នំពេញ ៖ បុរស២នាក់ និងស្ត្រីម្នាក់សុទ្ធតែមានការងារធ្វើរៀងៗខ្លួនទាំងអស់ ប៉ុន្តែអ្វីដែលគួរឲ្យចាប់ អារម្មណ៍នោះ គឺអ្នកទាំងនោះគ្រាន់តែយកការងាររបស់ខ្លួនបិទបាំងនូវមុខរបរទុច្ចរិតតែប៉ុណ្ណោះ។ តាមពិតមុខរបរសំខាន់របស់ពួកគេគឺជួញដូរគ្រឿងទៅវិញទេ តែបានបែកការណ៍ត្រូវបានកម្លាំងនគរបាល ផ្នែកប្រឆាំងគ្រឿងញៀនខណ្ឌពោធិ៍សែនជ័យ និងនគរបាលប៉ុស្តិ៍កាកាប១ ចាប់ខ្លួន។ ដោយដកហូតបានគ្រឿងញៀនជិតកន្លះគីឡូក្រាម រួមជាមួយនឹងសម្ភារពាក់ព័ន្ធមួយចំនួនទៀតផងដែរ។ ការចាប់ខ្លួននោះបានធ្វើឡើងកាលពីវេលាម៉ោង២ និង៣០នាទីរសៀល ថ្ងៃទី១៩ ខែតុលា ឆ្នាំ២០១៨។
នៅក្នុងផ្ទះមួយកន្លែង ដែលមានទីតាំងស្ថិតនៅក្នុងភូមិត្រពាំងល្វា សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។ តាមប្រភព័ត៌មានបានឲ្យដឹងថា ជនសង្ស័យដែលត្រូវនគរបាលចាប់ខ្លួននោះទី១,ឈ្មោះ ឯម វិបុល ភេទប្រុស អាយុ៣២ឆ្នាំ មុខរបរជាងម៉ាស៊ីត្រជាក់ ស្នាក់នៅក្នុងភូមិត្រពាំងល្វា សង្កាត់កាកាបទី១ ខណ្ឌពោធិ៍សែនជ័យ។ ទី២,ឈ្មោះ ឡឹក ប្រុស ភេទប្រុស អាយុ៣៣ឆ្នាំ មុខរបរជាងសំណង់ ស្នាក់នៅក្នុងភូមិចម្ការស្បូវ ឃុំអង្គពពេល ស្រុកគង់ពិសី ខេត្តកំពង់ស្ពឺ។
ទី៣,ឈ្មោះ ស្រី ពៅ ភេទស្រី អាយុ២៤ឆ្នាំ មុខរបរជានារីបម្រើនៅហាងខារ៉ាអូខេ ស្នាក់នៅកន្លែងធ្វើការក្នុងភូមិត្រពាំងល្វា សង្កាត់កាកាបទី១ ខណ្ឌពោធិ៍សែនជ័យ។ មានស្រុកកំណើតនៅក្នុងភូមិអង្គង ឃុំអង្គង ស្រុកមោងឫស្សី ខេត្តបាត់ដំបង។ ប្រភពដដែលបានបន្តទៀតថា នៅក្នុងប្រតិបត្តិការខាងលើនោះ កម្លាំងនគរបាលបានធ្វើការដកហូតបាន គ្រឿងញៀនចំនួន២កញ្ចប់ធំ ដែលមានទម្ងន់ដល់ទៅជិតកន្លះគីឡូក្រាម និងមានតម្លៃខ្ទង់ពាន់ដុល្លារ រួមជាមួយវត្ថុតាងមួយចំនួនទៀតផងដែរ។ នៅពេលជាប់អន្ទាក់របស់នគរបាលនោះ ជនសង្ស័យបានធ្វើសកម្មភាពជួញដូរគ្រឿងញៀននៅទីតាំងខាងលើ ហើយត្រូវបានប្រជាពលរដ្ឋដឹង ក៏រាយការណ៍ជូននគរបាលចុះទៅឡោមព័ទ្ធចាប់ខ្លួនតែម្ដង។
បន្ទាប់មកបាននាំទៅសាកសួរនៅអធិការដ្ឋាន នគរបាលខណ្ឌពោធិ៍សែនជ័យ ដើម្បីកសាងសំណុំរឿងបញ្ជូនទៅសាលាដំដំបូងរាជធានីភ្នំពេញចាត់ការ តាមផ្លូវច្បាប់។ គួរបញ្ជាក់ផងដែរថា គ្រឿងញៀនបានបំផ្លាញអនាគត សុភមង្គលក្នុងគ្រួសារ និងអាយុជីវិតរបស់អ្នកប្រើប្រាស់ ព្រមទាំងប៉ះពាល់ដល់សង្គមជាតិទាំងមូល។ ប៉ុន្តែបើទោះបីជាមានការបង្ក្រាបតាមបែបភ្លៀងរលឹមពីសំណាក់សមត្ថកិច្ចក៏ដោយក៏មិនចេះអស់ដែរនៅតែមានការធ្វើចរាចរណ៍ជួញដូរដោយខុសច្បាប់ និងមានអ្នកទិញយកទៅប្រើប្រាស់បង្ក្រាបមិនចេះអស់ឡើយ។
មូលហេតុនេះត្រូវបានគេមើលឃើញថា ទោះបីជាមានការ បង្ក្រាបធ្វើឡើងជាប់រហូត និងចាប់ខ្លួនក្រុមសង្គមងងឹតបានជាបន្តបន្ទាប់ពិតមែន ប៉ុន្តែមិនអាចអស់បានឡើយ។ ព្រោះភាគច្រើនបង្ក្រាបបានតែអ្នកជួញដូរតូចតាចប៉ុណ្ណោះ ចំណែកឯតាំង និងមេខ្លោងធំដែលជាប្រភពចែកចាយដ៏សំខាន់ៗរកមិនឃើញ និងបង្ក្រាបមិនបានផងនោះ។ ដូច្នេះខំប្រឹងយ៉ាងណាក៏មិនអស់ដែរហើយមិនខុសពីការវែកចកឡើយ ហេតុនេះសមត្ថកិច្ចគួរតែ ស្រាវជ្រាវរកទីតាំងធំៗដើម្បីបង្ក្រាបទើបស្ងប់ស្ងាត់៕
https://www.youtube.com/watch?v=nbwozAV20kI
ចែករំលែកព័តមាននេះ