រាជធានីភ្នំពេញ៖ ក្រោយពេលបង្ហាញភាពផ្អែមល្ហែមទៅណាមកណាជាមួយគ្នាមក ពេលនេះរវាងស្រីស្អាតឃុន ច័ន្ទម៉ូនណា និងលោកសេង រតនៈ ប្រេះឆានឹងគ្នាហើយ ។
កាលពីពេល ថ្មីៗកន្លងមកមានការទម្លាយឲ្យដឹងថាចាប់តាំងពីពួកគេបែកផ្លូវគ្នាមក តារា១គូនេះក៏បាត់មុខរួមគ្នាពីក្នុងសង្គមសិល្បៈ និងកម្មវិធីផ្ទាល់ខ្លួនរបស់អ្នកសិល្បៈដែរ ខុសពីមុនតែងតែទៅជាមួយគ្នាត្រសង ។
កញ្ញាឃុន ច័ន្ទម៉ូនណា អំឡុងសាងស្នេហាជាមួយលោកសេង រតនៈ ធ្វើឲ្យបុរសមួយចំនួនខកចិត្តមិនស្ទើរទេក្នុងនាមនាងជាស្រីស្អាតមួយរូប ។ តបនឹងដំណឹងបែកបាក់ស្នេហ៍នេះកញ្ញាឃុន ច័ន្ទម៉ូនណា បានឲ្យដឹងថាវាជារឿងពិតដែលកើតឡើងរវាងនាង និងលោករតនៈ។ នាងសុំមិនបញ្ជាក់ហេតុផលចំពោះការបែកផ្លូវស្នេហ៍នោះទេ ដោយចាត់ទុកថានិស្ស័យពួកនាងមានតែត្រឹម ។ «នាងខ្ញុំមានអារម្មណ៍ពេលនេះចង់នៅម្នាក់ឯង ខ្ជិលគិតរឿងស្នេហាទៀតហើយនាំឲ្យពិបាក ។ នាងខ្ញុំមានតែពង្រឹងសមត្ថភាពចូលប្រឡូកក្នុងសិល្បៈឲ្យពេញទំហឹងដោយកំពុងតែមមាញឹកថតរឿងភាគរបស់ស្ថានីយធំមួយ និងស្ប៉តអប់រំនានា ។
ការណ៍ពិតនាងខ្ញុំ និងរតនៈ ក៏ធ្លាប់ប្រឡង ហ្វ្រេស៊ី ជាមួយគ្នា ដោយរតនៈ ជាប់លេខ១ នាងខ្ញុំជាប់ផ្នែកថតរូបស្អាត មិនជាប់លេខ១ ដូចគាត់ឡើយនៅឆ្នាំ២០១៤ ។ ក្រោយមកនាងខ្ញុំក៏ទៅប្រឡងកញ្ញាឯកផលិតផលធំមួយដោយលោករតនៈទៅប្រកួតដែរ តែមិនជាប់ដោយជាប់តែនាងខ្ញុំគឺលេខ១ ។ តាំងពីពេល នោះមកពួកយើងបានទៅណាមកណាត្រូវគេ ហៅថតសម្តែងស្ទើរតែជួបគ្នារហូត ។
ចំណងស្នេហ៍ប្រេះឆានេះជាបទពិសោធន៍មួយសម្រាប់នាងខ្ញុំដែលទុកជាការពិចារណាទៅអនាគត មុននឹងរើសបុរសណាជាគូមួយជីវិតត្រូវមើលឲ្យដិតដល់ទើបបាន »។
ពេលនេះក្រៅពីថតរឿងដុំ និងភាគ ឃុន ច័ន្ទម៉ូនណា ឆ្លៀតពេលរៀនជំនាញផាត់មុខ ធ្វើសក់ទុកជាទុនថ្ងៃក្រោយ ហើយពេលសន្សំលុយកាក់បានអាចបើកហាងល្មមមួយចិញ្ចឹមជីវិត ៕
ចែករំលែកព័តមាននេះ