រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានឲ្យដឹងថា ពេលនេះសម្តេចកំពុងតែឲ្យរដ្ឋមន្ត្រីក្រសួងការបរទេស និងមន្ត្រីមួយចំនួនទៀត ដើម្បីសិក្សារកទីតាំងទិញដីដើម្បីធ្វើស្ថានទូតនៅក្នុងប្រទេសតួកគី ។…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានឲ្យដឹងថា ពេលនេះសម្តេចកំពុងតែឲ្យរដ្ឋមន្ត្រីក្រសួងការបរទេស និងមន្ត្រីមួយចំនួនទៀត ដើម្បីសិក្សារកទីតាំងទិញដីដើម្បីធ្វើស្ថានទូតនៅក្នុងប្រទេសតួកគី ។
សម្តេចតេជោថ្លែងបែបនេះ ក្នុងពិធីសំណេះសំណាលជាមួយសមាគន៍និស្សិតនៅក្នុងប្រទេសតួកគី នៅថ្ងៃទី២១ តុលានេះ ។ សម្តេចតេជោលើកឡើងថា ការបើកស្ថានទូតនេះនិស្សិត ដែលរៀននៅក្នុងប្រទេសតួកគីអាចនឹងត្រូវជ្រើសរើសធ្វើជាមន្ត្រីការទូត តាមរយៈការប្រលងប្រជែងផងដែរ ។ សម្តេចក៏បានឲ្យនិស្សិតដែលកំពុងសិក្សានៅប្រទេសតួកគីមិនត្រឹមតែចេញភាសារតួកគីនោះទេ គឺត្រូវចេះភាសាអង់ភ្លេស ឬភាសាផ្សេងៗទៀតជាការល្អ ។
សម្តេចតេជោបញ្ជាក់ថា«សូមលោកប្រាក់សុខុន និងលោកអូន ព័ន្ធមុន្នីរ័ត្ន សិក្សាទិញអគារដើម្បីបើកស្ថានទូតនៅឆ្នាំក្រោយនេះ» ។ ជាមួយគ្នានោះដែរ ប្រមុខរាជរដ្ឋាភិបាលក៏បានលើកឡើងថា សភាពការណ៍នៅកម្ពុជា និងតួកគីទាំងសេដ្ឋកិច្ចនយោបាយមានការប្រហាក់ប្រហែលគ្នា ។ នៅប្រទេសតួកគីមាននិស្សិតរាប់សិបនាក់បានកំពុងរៀន ។ សម្តេចតេជោ ប្រកាសមិនខ្លាចក្នុងការរក្សាសន្តិភាព និងជួយប្រជាពលរដ្ឋ ដើម្បីអភិវឌ្ឍន៍ប្រទេសជានិច្ច ៕
ចែករំលែកព័តមាននេះ