ខេត្តព្រះសីហនុ ៖ សេចក្តីរាយការណ៍បឋមឲ្យដឹងថា កាលពីថ្ងៃទី២០ តុលា ២០១៨ កម្លាំងសមត្ថកិច្ចនគរបាលខេត្តព្រះសីហនុបានធ្វើការឃាត់ខ្លួនម៉ោង៤ល្ងាចថ្ងៃទី២០ តុលា ២០១៨ដល់ថ្ងៃទី២១ តុលា…
ខេត្តព្រះសីហនុ ៖ សេចក្តីរាយការណ៍បឋមឲ្យដឹងថា កាលពីថ្ងៃទី២០ តុលា ២០១៨ កម្លាំងសមត្ថកិច្ចនគរបាលខេត្តព្រះសីហនុបានធ្វើការឃាត់ខ្លួនម៉ោង៤ល្ងាចថ្ងៃទី២០ តុលា ២០១៨ដល់ថ្ងៃទី២១ តុលា ២០១៨ ម៉ោង៧ព្រឹកមានកើតឡើង១លើក ករណីចាប់បង្ខាំងមនុស្សជំរិតទាប្រាក់(រវាងជនជាតិចិននិងជនជាតិចិន)។
កាលពីវេលាម៉ោង៦និង៣០នាទីថ្ងៃទី ២០ ខែតុលា ឆ្នាំ២០១៨ មានជនជាតិចិនម្នាក់ ភេទប្រុស បានទៅរាយការណ៍នៅប៉ុស្តិ៍នគរបាលសង្កាត់លេខ២ថា មិត្តភក្តិរបស់គេត្រូវបានជនជាតិចិនមួយក្រុម ចាប់ឃុំខ្លួនទុកនៅក្នុងបន្ទប់មួយនៃផ្ទះសំណាក់តុងហ្វាង បន្ទាប់ពីទទួលបានដំណឹងនេះភ្លាម កម្លាំងជំនាញផែននគរបាលព្រហ្មទណ្ឌសហការជាមួយកម្លាំងអធិការដ្ឋាននគរបាលក្រុង បានចុះកិច្ចប្រតិបត្តិការណ៍រំដោះបានជនរងគ្រោះ១នាក់ និងឃាត់ខ្លួនបានជនសង្ស័យចំនួន៣នាក់ ។
ជនរងគ្រោះឈ្មោះ YUAN MAORONG ភេទប្រុស អាយុ២២ឆ្នាំ ជនជាតិចិន មុខរបរ មិនពិតប្រាកដ ស្នាក់នៅភូមិ២ សង្កាត់២ ក្រុង-ខេត្តព្រះសីហនុ ។
ជនសង្ស័យចំនួន៣នាក់រួមមាន ១-ឈ្មោះ ZHANG HONG ZHI ភេទប្រុស អាយុ២២ឆ្នាំ ជនជាតិ ចិន មុខរបរបុគ្គលិកអនឡាញក្រុមហ៊ុន ជីងឆៃសាន ស្នាក់នៅភូមិ៤ សង្កាត់៤ ក្រុងព្រះសីហនុ ខេត្តព្រះសីហនុ ២-ឈ្មោះ QIN RONG FEI ភេទប្រុស អាយុ ២៤ឆ្នាំ ជនជាតិ ចិន មុខរបរបុគ្គលិកអនឡាញក្រុមហ៊ុន ជីងឆៃសាន ស្នាក់នៅ ភូមិ៤ សង្កាត់៤ ក្រុង-ខេត្តព្រះសីហនុ ។
និង៣-ឈ្មោះ CAO WEN XIAO ភេទប្រុស អាយុ ២២ឆ្នាំ ជនជាតិ ចិន មុខរបរ បុគ្គលិកអនឡាញក្រុមហ៊ុន ជីងឆៃសាន ស្នាក់នៅ ភូមិ៤ សង្កាត់៤ ក្រុង-ខេត្តព្រះសីហនុ ។
ករណីនេះកើតឡើងដោយសារជនរងគ្រោះបានខ្ចីលុយពីក្រុមជនសង្ស័យចំនួន៣០០០ដុល្លារ ( បីពាន់ដុល្លារ ) ជាកាក់ ដើម្បីលេងល្បែងក្នុងកាស៊ីណូ ស៊ីងម៉ីកៅម៉ី ពេលជនរងគ្រោះលេងចាញ់គ្មានលុយសង ក្រុមជនសង្ស័យក៏នាំជនរងគ្រោះឃុំទុកទៅកន្លែងដែលពួកគេស្នាក់នៅ ដើម្បីឲ្យជនរងគ្រោះរកលុយសងពួកគេទើបពួកគេដោះលែងជនរងគ្រោះឲ្យមានសេរីភាពវិញ ។
ចំពោះជនសង្ស័យខាងលើ ការិយាល័យនគរបាលព្រហ្មទណ្ឌកម្រិតស្រាល កំពុងកសាងសំណុំរឿងបញ្ជូនទៅសាលាដំបូងខេត្តព្រះសីហនុ ៕
ចែករំលែកព័តមាននេះ