រាជធានីភ្នំពេញ ៖ ក្លិនម្យ៉ាងបានភាយចេញពីក្នុងបន្ទប់ជួលធ្វើឲ្យប្រជាពលរដ្ឋនៅក្បែរនោះមានការសង្ស័យ និងងឿងឆ្ងល់ក៏នាំគ្នាតាមដាន លុះពេលទៅដល់បន្ទប់នោះអឺតមើល ស្រាប់តែប្រទះឃើញយុវជន២នាក់បងប្អូនបង្កើតកំពុងសេពគ្រឿងញៀនយ៉ាងឆ្ងាញ់មាត់ ក៏រាយការណ៍ជូននគរបាលភ្លាមៗតែម្ដង។ ការចាប់ខ្លួននោះធ្វើឡើងកាលពីម៉ោង១និង៣០នាទីរសៀល ថ្ងៃទី១៩ ខែតុលា…
រាជធានីភ្នំពេញ ៖ ក្លិនម្យ៉ាងបានភាយចេញពីក្នុងបន្ទប់ជួលធ្វើឲ្យប្រជាពលរដ្ឋនៅក្បែរនោះមានការសង្ស័យ និងងឿងឆ្ងល់ក៏នាំគ្នាតាមដាន លុះពេលទៅដល់បន្ទប់នោះអឺតមើល ស្រាប់តែប្រទះឃើញយុវជន២នាក់បងប្អូនបង្កើតកំពុងសេពគ្រឿងញៀនយ៉ាងឆ្ងាញ់មាត់ ក៏រាយការណ៍ជូននគរបាលភ្លាមៗតែម្ដង។ ការចាប់ខ្លួននោះធ្វើឡើងកាលពីម៉ោង១និង៣០នាទីរសៀល ថ្ងៃទី១៩ ខែតុលា ឆ្នាំ២០១៨ នៅក្នុងបន្ទប់ជួលលេខ៤ផ្ទះជួលមួយកន្លែង ស្ថិតក្នុងភូមិព្រៃស្ពឺ សង្កាត់ចោមចៅ២ ខណ្ឌពោធិ៍សែនជ័យ ។
យុវជនសង្ស័យទាំង២នាក់នោះ បងឈ្មោះ ធី ដាណូ អាយុ២០ឆ្នាំ មុខរបរកម្មករ ស្នាក់នៅកន្លែងកើតហេតុខាងលើ ចំណែកប្អូនឈ្មោះ ធី វណ្ណា អាយុ១៧ឆ្នាំ ស្នាក់នៅក្នុងភូមិចោមចៅ សង្កាត់ចោមចៅ២ ខណ្ឌពោធិ៍សែនជ័យ ។
នគរបាលបានឲ្យដឹងថា នៅមុនពេលឈានដល់ការចាប់ខ្លួន យុវជនទាំង២នាក់នោះនាំគ្នាសម្ងំលាក់ខ្លួនសេពគ្រឿងញៀននៅក្នុងបន្ទប់លេខ៤ផ្ទះជួលខាងលើ ខណៈនោះមិនមាននរណាម្នាក់បានដឹងនោះឡើយ ប៉ុន្តែក្លិនគ្រឿងញៀនបានភាយចេញមកក្រៅធ្វើឲ្យប្រជាពលរដ្ឋដែលស្នាក់នៅក្បែរខាងធំក្លិនមានសង្ស័យ និងងឿងឆ្ងល់ក៏បាននាំគ្នាតាមដាន រហូតដល់បន្ទប់ជួល នោះ និងបានអឺតមើលស្រាប់តែប្រទះឃើញយុវជន២នាក់បងប្អូននោះកំពុងសេពគ្រឿងញៀន។
ប្រភពដដែលបន្តទៀតថា ក្រោយពេលឃើញសកម្មភាពជាក់ស្ដែងបែបនេះ អ្នកជិតខាងបានប្ដឹងនគរបាលប៉ុស្តិ៍ចោមចៅ២ឲ្យចុះទៅធ្វើការចាប់ខ្លួនយុវជន២នាក់នេះតែម្ដង។ បន្ទាប់មកធ្វើការឆែកឆេរ ប៉ុន្តែរកមិនឃើញមានគ្រឿងញៀនឡើយ ដោយអ្នកទាំង២ប្រើប្រាស់អស់ហើយ គឺរកឃើញតែឧបករណ៍សម្រាប់សេពគ្រឿងញៀនមួយចំនួនប៉ុណ្ណោះ។
ក្រោយមកនគរបាលប៉ុស្តិ៍បាននាំទៅធ្វើការសាកសួរ និងកសាងសំណុំរឿងចាត់ការតាមច្បាប់ ហើយជនសង្ស័យសារភាពថា ពួកខ្លួនទាំង២នាក់បងប្អូនពិតជាប្រើប្រាស់គ្រឿងញៀនប្រាកដមែន។ ដោយបានប្រព្រឹត្តនៅក្នុងបន្ទប់លេខ៤ខាងលើ ហើយនៅក្នុងខណៈពេលកំពុងសេពស្រាប់តែនគរបាលទៅដល់ចាប់ខ្លួនតែម្ដង៕
ចែករំលែកព័តមាននេះ