រាជធានីភ្នំពេញ ៖ លោកសម រង្ស៊ី អតីតប្រធានគណបក្សសង្គ្រោះជាតិបានអះអាងបានទទួលជោគជ័យនៅលើកឆាកអន្តរជាតិ ក្នុងការទាមទារឲ្យដាក់គំនាបលើករាជរដ្ឋាភិបាលកម្ពុជា ប៉ុន្តែអ្នកនាំពាក្យCPP បក្សកាន់អំណាចថា ជាការមួលបង្កាច់ ហើយមិនពិតនោះទេ ។
លោកសម រង្ស៊ី បានបញ្ជាក់ថា តាមរយៈវីឌីអូយ៉ាងដូច្នេះថា «សូមជម្រាប អ្វីដែលយើងបានធ្វើប៉ុន្មានថ្ងៃ ប៉ុន្មានអាទិត្យ ប៉ុន្មានខែមកនេះទទួលជោគជ័យហើយ ពិសេសនោះសហភាពអន្តរសភា (IPU) បានអនុម័តដាក់ទោស លើរាជរដ្ឋាភិបាលកម្ពុជា ដោយសារតែយើងធ្វើបាតុកម្មតវ៉ាទាំងអស់គ្នា » ។ លោកសម រង្ស៊ី បន្ថែមថា នៅទីក្រុងហ្សឺណែវ យើងទទួលបានជោគជ័យធំណាស់ ពីព្រោះ IPU បានអនុម័តមួយដែលទាមទារឲ្យរដ្ឋាភិបាលកម្ពុជាដោះលែងលោក កឹម សុខា ជាបន្ទាន់ព្រមទាំងផ្តល់សិទ្ធិឲ្យអ្នកទាំង១១៨នាក់ មានសិទ្ធិធ្វើនយោបាយឡើងវិញ និងឲ្យគណបក្សសង្គ្រោះជាតិដំណើរការផងដែរ ។
អតីតប្រធានគណបក្សសង្គ្រោះជាតិក៏បានលើកឡើងទៀតថា ៖«ខែមុនហើយជោគជ័យ ទីក្រុងហាសស្បួ ម្សិលមិញហើយទទួលជោគជ័យនៅក្រុងហ្សឺណែវ ថ្ងៃនេះយើងនឹងជោគជ័យ នៅក្រុងប្រុចស៊ែលហើយ» ។ លោកសម រង្ស៊ី បានអះអាងថា លោកកឹម សុខា និងលោកគឺ ជាមនុស្សតែមួយ មិនអាចបំបាក់បានទេ ទោះបីជាសំលុតគំរាមទិញយ៉ាងណាក៏ដោយ ។ ការប្រកាសទទួលបានជោគជ័យរបស់មេបក្សប្រឆាំងនេះ ដោយសារតែធ្វើបាតុកម្មប្រឆាំងនឹងដំណើរទស្សនៈកិច្ចរបស់សម្តេតេជោ ហ៊ុន សែន ពីសំណាក់ប្រជាពលរដ្ឋនៅក្រៅប្រទេសជារើយៗ ។
យ៉ាងណាក្តីអ្នកនាំពាក្យលោកសុខ ឥសាន បក្សកាន់អំណាចបាតុកម្មដែលពួកប្រឆាំងអួតថា ធំ និងមហានោះបានប្រយោជន៍ទេ ។ ព្រោះថា ដើម្បីបំភាន់មតិជាតិ និងអន្តរជាតិពួកប្រឆាំងមួយចំនួនតូចបាននាំគ្នាបន្ទរថា បាតុកម្មដែលពួកគេធ្វើនោះ គឺជាមហាបាតុកម្ម ដើម្បីចាប់បង្ខំឲ្យរាជរដ្ឋាភិបាលកម្ពុជាកែលម្អលទ្ធិប្រជាធិបតេយ្យ និងបញ្ហាសិទ្ធិមនុស្សនៅកម្ពុជា ។ លោកបន្តថា បញ្ហាទាំងនេះមិនចាំបាច់កែលម្អធ្វើអីពីព្រោះ អត់មានខូចខាតស្អីផង គឺនៅតែល្អ និងស្រស់បំព្រង ព្រមទាំងកំពុងមានសក្តានុពលអនុវត្តនៅកម្ពុជាដែលធ្វើឲ្យពួកប្រឆាំង អនាធិបតេយ្យបាក់ក្លបខ្លាចមិនអាចងើបក្បាលរួចឡើយ ។
លោកបន្តការដែលប្រមុខរាជរដ្ឋាភិបាលកម្ពុជាត្រូវបានអង្គការអន្តរជាតិធំៗ អញ្ជើញឲ្យចូលរួមប្រជុំកំពូលជាបន្តបន្ទាប់សរបញ្ជាក់ច្បាស់ថា អន្តរជាតិទទួលស្គាល់ និងផ្តល់កិត្តិយសដ៏ខ្ពង់ខ្ពស់ដល់រាជរដ្ឋាភិបាលកម្ពុជា ។ ការដែលបណ្តាមេដឹកនាំបណ្តាប្រទេសលើពិភពលោកផ្ញើសារជូនពរ និងអបអរសាទរក៏ជាការបញ្ជាក់ថា បណ្តាមេដឹកនាំបណ្តាប្រទេសលើពិភពលោកទទួលស្គាល់រាជរដ្ឋាភិបាលកម្ពុជា ។ មេដឹកនាំប្រទេសលើពិភពលោកជាង៥០ប្រទេសនៅក្នុងអង្គប្រជុំ នៅប្រុចសែលបានសម្រេចជាឯកច្ឆ័ន្ទឲ្យកម្ពុជាធ្វើជាម្ចាស់ផ្ទះរៀបចំការប្រជុំកំពូលអាស៊ី-អឺរ៉ុប លើកទី១៣ នៅឆ្នាំ២០២០ ក៏បញ្ជាក់ច្បាស់ថា អន្តរជាតិទទួលស្គាល់ និងផ្តល់កិត្តិយសដល់កម្ពុជាដែរ ។
លោកបញ្ជាក់ថា « បើអន្តរជាតិទទួលស្គាល់ និងផ្តល់កិត្តិយសដល់កម្ពុជាក៏មានន័យថា ទទួលស្គាល់ការបោះឆ្នោត និងលទ្ធផលបោះឆ្នោតផងដែរ ដែលឆ្លុះបញ្ចាំងថា លទ្ធិប្រជាធិបតេយ្យនិងសិទ្ធិមនុស្សនៅកម្ពុជាមានលក្ខខណ្ឌល្អប្រសើរ មិនដូចពួកប្រឆាំងទាំងក្នុង និងក្រៅប្រ ទេសនិយាយមួលបង្កាច់នោះទេ»៕
ចែករំលែកព័តមាននេះ