ខេត្តសៀមរាប ៖ លោកវរសេនីយ៍ឯក ទេព ចាន់ណា អធិការនៃអធិការនគរបាលក្រុងសៀមរាប រួមទាំងលោកនាយប៉ុស្តិ៍ទាំង១២សង្កាត់បានចូលរួមក្នុងកិច្ចប្រជុំបូកសរុបលទ្ធផលការងារប្រចាំខែ និងពិធីប្រគល់ទោចក្រយានយន្តដល់ប៉ុស្តិ៍នគរបាលរដ្ឋបាលទូទាំងខេត្តសៀមរាបនាព្រឹកថ្ងៃទី២០ ខែកក្កដា ឆ្នាំ២០១៨…
ខេត្តសៀមរាប ៖ លោកវរសេនីយ៍ឯក ទេព ចាន់ណា អធិការនៃអធិការនគរបាលក្រុងសៀមរាប រួមទាំងលោកនាយប៉ុស្តិ៍ទាំង១២សង្កាត់បានចូលរួមក្នុងកិច្ចប្រជុំបូកសរុបលទ្ធផលការងារប្រចាំខែ និងពិធីប្រគល់ទោចក្រយានយន្តដល់ប៉ុស្តិ៍នគរបាលរដ្ឋបាលទូទាំងខេត្តសៀមរាបនាព្រឹកថ្ងៃទី២០ ខែកក្កដា ឆ្នាំ២០១៨ នេះ ។
ក្រោមអធិបតីភាពលោកឧត្តមសេនីយ៍ទោ ទិត្យ ណារ៉ុង ស្នងការនៃស្នងការដ្ឋាននគរបាលខេត្តសៀមរាបដោយមានការចូលរួមពីសំណាក់អស់លោក លោកស្រី ជាស្នងការរងនាយនាយរងការិយាល័យជំនាញ លោកអធិការនគរបាលក្រុង-ស្រុកទាំង១២ លោកនាយប៉ុស្តិ៍នគរបាលរដ្ឋបាលទាំង១០០ទូទាំងខេត្តចូលរួមផងដែរ ។
លោកឧត្តមសេនីយ៍ទោ ទិត្យ ណារ៉ុង ស្នងការនៃស្នងការដ្ឋាននគរបាលខេត្តសៀមរាបបានលើកឡើងថា អំណោយជាម៉ូតូចំនួន១០០គ្រឿង រួមទាំងប្រេងសាំងប្រចាំត្រីមាសទី៣ ចំនួន១២០លីត្រ ក្នុង១ប៉ុស្តិ៍ ដែលក្រសួងបានផ្តល់ជូននាពេលនេះ គឺបានបង្ហាញឲ្យឃើញពីការគិតគូរយកចិត្តទុកដាក់ខ្ពស់បំផុតរបស់ក្រសួងមហាផ្ទៃជាពិសេសសម្ដេចក្រឡាហោមស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃដែលតែងតែគិតគូរពីសុខទុក្ខ និងសេចក្ដីត្រូវការរបស់កងកម្លាំងនគរបាលទាំងអស់ ក្នុងគោលបំណងបង្កលក្ខណៈកាន់តែងាយស្រួលដល់បងប្អូន កងកម្លាំងប៉ុស្តិ៍នគរបាលរដ្ឋបាលប្រើប្រាស់សម្រាប់ជាមធ្យោបាយក្នុងការបំពេញប្រតិបត្តិការ ការងារ កាន់តែមានប្រសិទ្ធភាពឆ្លើយតបអន្តរាគមន៍បានទាន់ពេលវេលា ចំពោះរាល់គ្រប់សភាពការណ៍ដែលបានកើតឡើងជាក់ស្ដែងនៅមូលដ្ឋាន ហើយឆ្លើយតបទៅនឹងការគិតគូរយកចិត្តទុកដាក់នេះ នាយប៉ុស្តិ៍ នគរបាលរដ្ឋបាលទាំងអស់ ត្រូវយកម៉ូតូទៅប្រើប្រាស់ឲ្យបានចំទិសដៅបម្រើឲ្យផលប្រយោជន៍រួម ផលប្រយោជន៍របស់ប្រជាពលរដ្ឋទូទៅ និងចៀសវាងឲ្យបាននូវការយកមធ្យោបាយនេះទៅប្រើប្រាស់ខុសគោលដៅបម្រើឲ្យផលប្រយោជន៍បុគ្គល ព្រមទាំងថែរក្សាឲ្យបានគង់វង្សយូរអង្វែង ។
ក្រោយពីបានទទួលម៉ូតូហើយ ត្រូវចេះទុកដាក់ថែរក្សាសម្ភារៈមធ្យោបាយ ដែលមាននេះឲ្យបានគង់វង់ល្អប្រសើរ ជាប្រយោជន៍បម្រើឲ្យកិច្ចប្រតិបត្តិការបានយូរអង្វែង ក្នុងការចេញល្បាតត្រួតពិនិត្យ ក្នុងភូមិសាស្ត្ររបស់ខ្លួន ក្នុងការបង្ការទប់ស្កាត់បទល្មើសគ្រប់ប្រភេទ ក្នុងកិច្ចការពារថែរក្សាសន្តិសុខ សុវត្ថិភាព ជូនបងប្អូនប្រជាពលរដ្ឋយើង នៅមូលដ្ឋានឲ្យបានកាន់តែល្អប្រសើរ និងមានតម្លាភាព ៕
ចែករំលែកព័តមាននេះ