ខេត្តកំពង់ធំ ៖ ជិះម៉ូតូឆ្លងថ្នល់មិនប្រយ័ត្នបុកស្លាប់ម្នាក់របួសធ្ងន់ពីរ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង០៦និង៤៤ព្រឹក ថ្ងៃទី២០ ខែតុលា ឆ្នាំ២០១៨ លើកំណាត់ផ្លូវជាតិលេខ០៦ ចំណុចមុខផ្សារត្រពាំងវែង ស្ថិតនៅក្នុងភូមិពោធិ៍សែនស្នាយ…
ខេត្តកំពង់ធំ ៖ ជិះម៉ូតូឆ្លងថ្នល់មិនប្រយ័ត្នបុកស្លាប់ម្នាក់របួសធ្ងន់ពីរ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង០៦និង៤៤ព្រឹក ថ្ងៃទី២០ ខែតុលា ឆ្នាំ២០១៨ លើកំណាត់ផ្លូវជាតិលេខ០៦ ចំណុចមុខផ្សារត្រពាំងវែង ស្ថិតនៅក្នុងភូមិពោធិ៍សែនស្នាយ សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ ។
សមត្ថកិច្ចប្រាប់ថា គ្រោះថ្នាក់ចរាចរណ៍នេះបង្កឡើងដោយម៉ូតូបុកម៉ូតូបើកបរឆ្លងកាត់ផ្លូវបណ្តាលឲ្យស្លាប់ម្នាក់ និងរបួសធ្ងន់២នាក់ រួមមានម៉ូតូម៉ាកហុងដា C125 ពណ៌ខ្មៅ គ្មានផ្លាកលេខ បើកបរទិសដៅពីជើងទៅត្បូងដោយឈ្មោះ អ៊ឺន សុីម ភេទប្រុស អាយុ២១ឆ្នាំ រស់នៅភូមិព្រៃព្រះ ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ របួសធ្ងន់ផ្នែកក្បាលខាងក្រោយ (មិនពាក់មួកសុវត្ថិភាព) និងអ្នករួមដំណើរឈ្មោះ ផាន ឡៃ ភេទប្រុស អាយុ១៧ឆ្នាំ នៅភូមិ ឃុំជាមួយអ្នកបើកបរម៉ូតូ របួសធ្ងន់(មិនពាក់មួកសុវត្ថិភាព) បន្ទាប់ពីបានបុកជាមួយនឹងម៉ូតូម៉ាកហុងដា C125 ពណ៌ខ្មៅ គ្មានផ្លាកលេខដូចគ្នា ដែលកំពុងតែបើកបរឆ្លងកាត់ផ្លូវពីកើតទៅលិច ដោយឈ្មោះ សួន ម៉ន ភេទប្រុស អាយុ៥៥ឆ្នាំ នៅភូមិត្រពាំងវែង សង្កាត់ស្រយ៉ូវ ក្រុងស្ទឹងសែន បណ្តាលឲ្យស្លាប់នៅកន្លែងកើតហេតុ(មិនពាក់មួកសុវត្ថិភាព) ។
សមត្ថកិច្ចបញ្ជាក់ថា មូលហេតុជាបឋមបង្កឡើងដោយអ្នកបើកបរម៉ូតូឈ្មោះ អុឺន សុីម បើកបរមានល្បឿនលឿនរួមផ្សំនឹងអ្នកបើកបរម៉ូតូឈ្មោះ សួន ម៉ន បើកបរម៉ូតូឆ្លងកាត់ផ្លូវខ្វះការប្រុងប្រយ័ត្ន ។ ក្រោយពេលកើតហេតុវត្ថុតាងយកទៅរក្សាទុកនៅស្នងការដ្ឋាននគរបាលខេត្តកំពង់ធំ ៕
ចែករំលែកព័តមាននេះ