សហរដ្ឋអាមេរិក ៖ ប្រធានាធិបតីអាមេរិកលោកដូណាល់ ត្រាំ កាលពីថ្ងៃទី១៨ តុលា បានគំរាមបិទព្រំដែនជាមួយម៉ិកស៊ិក ដើម្បីរារាំងពួកអន្តោប្រវេសន៍មកពីអាមេរិកកណ្ដាល ច្រើនពាន់នាក់ចូលដែនដីអាមេរិក ដែលនោះហាក់ដូចជាប្រធានបទសំខាន់មួយរបស់លោកក្នុងការឃោសនា…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ ត្រាំ កាលពីថ្ងៃទី១៨ តុលា បានគំរាមបិទព្រំដែនជាមួយម៉ិកស៊ិក ដើម្បីរារាំងពួកអន្តោប្រវេសន៍មកពីអាមេរិកកណ្ដាល ច្រើនពាន់នាក់ចូលដែនដីអាមេរិក ដែលនោះហាក់ដូចជាប្រធានបទសំខាន់មួយរបស់លោកក្នុងការឃោសនា ខណៈសល់ពេលតែ៣សប្ដាហ៍ទៀតដល់ការបោះឆ្នោតសភានាពាក់កណ្ដាលអាណត្តិ។
តាម TWITTER លោកសរសេរថា ក្នុងពាក្យពេចន៍ខ្លាំងៗខ្ញុំត្រូវស្នើដល់ម៉ិកស៊ិកឲ្យបញ្ឈប់ការលុកចូលរបស់ពួកអន្តោប្រវេសន៍ទាំងនេះ ហើយបើពុំអាចធ្វើបាននោះខ្ញុំនឹងអំពាវនាវដល់កងទ័ពឲ្យបិទព្រំដែនភាគខាងត្បូងរបស់យើង។
លោកក៏រំលឹកដែរការគំរាមរបស់លោកកាត់ផ្ដាច់ជំនួយហិរញ្ញវត្ថុដល់បណ្ដាប្រទេសអាមេរិកកណ្ដាលដែលទាក់ទិន។ ប្រមុខការទូតអាមេរិកលោកMIKE POMPEOទៅកាន់ប៉ាណាម៉ាពីថ្ងៃទី១៨ទៅ១៩តុលា បន្ទាប់មកទៅកាន់ម៉ិកស៊ិកទៀត។
ខណៈពួកអន្តោប្រវេសន៍ហុងឌូរ៉ាស់ច្រើនពាន់នាក់កំពុងលើកគ្នាដើរកាត់ប្រទេសសាល់វ៉ាឌ័រនិងហ្គាតេម៉ាឡាឆ្ពោះមកកាន់ម៉ិកស៊ិក ក្នុងបំណងចូលដែនដីអាមេរិក លោកត្រាំក៏អះអាងដែរថា ការលើកគ្នាមករបស់ពួកអ្នកទាំងនេះ ក៏ដោយទាំងបណ្ដាសមាសភាពឧក្រិដ្ឋជននិងពួកញៀនថ្នាំផងដែរ។មេដឹកនាំហ្គាតេម៉ាឡា ហុងឌូរ៉ាស់និងសាល់វ៉ាឌ័រ បានធ្វើតិចតួចបំផុតក្នុងការរារាំងការហូរចូលយ៉ាងគំហុកនៃពួកអន្តោប្រវេសន៍ទាំងនេះ៕
ចែករំលែកព័តមាននេះ