សហរដ្ឋអាមេរិក ៖ យន្តហោះដែលភរិយាប្រធានាធិបតីអាមេរិក លោកស្រីមីឡានីយ៉ាត្រាំជិះ ត្រូវបង្ខំចុះចតបន្ទាន់កាលពីថ្ងៃទី១៧ តុលា ១០នាទីក្រោយការហោះឡើង។
នោះជាការភ័យខ្លាចខ្លាំងមួយសម្រាប់ស្ត្រីទីមួយអាមេរិក ពេលលោកស្រីធ្វើដំណើរទៅកាន់ហ្វីឡាដែលហ្វីយ៉ា យន្តហោះលោកស្រីជិះត្រូវហោះបកក្រោយពេលកំពុងហោះហើរ មកពីបញ្ហាមេកានិក។
បណ្ដាអ្នកកាសែតធ្វើដំណើរជាមួយលោកស្រីមីឡានីយ៉ាត្រាំ និយាយពីការធំក្លិនដូចមានភ្លើងឆេះក្នុងកាប៊ីន ក្រោយយន្តហោះនោះហោះចេញពីមូលដ្ឋានយោធាANDREWS នាជាយក្រុងវ៉ាស៊ិនតោន។
លោកស្រីបានប្ដូរយន្តហោះ ដើម្បីទៅកាន់មន្ទីរពេទ្យសាកលវិទ្យាល័យ THOMAS JEFFERSON ក្រុងហ្វីដែលហ្វីយ៉ាដូចការគ្រោងទុក ក្នុងក្របខណ្ឌនៃយុទ្ធនាមួយរបស់លោកស្រីហៅយុទ្ធនាការ BE BEST(ចូរធ្វើអ្វីដែលប្រសើរ) ផ្ដោតលើសុខមាលភាពនិងសុខភាពរបស់កុមារ៕
ចែករំលែកព័តមាននេះ