ភាពអធិកអធមនឹងកើតឡើងជាលើកទី២ក្នុងពិធីបុណ្យអុំទូកនៅស្ទឹងត្រែង
- ស្ទឹងត្រែង
ខេត្តស្ទឹងត្រែង ៖ ពិធីបុណ្យអុំទូកត្រូវបានអាជ្ញាធរខេត្តស្ទឹងត្រែងរៀបចំជាលើកទី២នៅក្នុងឆ្នាំ២០១៨បន្ទាប់ពិធីប្រពៃណីនេះបានរៀបចំម្តងរួចមកហើយកាលពី២០១៧ដោយមានការចូលរួមគាំទ្រពីប្រជាពលរដ្ឋខេត្តស្ទឹងត្រែងយ៉ាងច្រើន ប៉ុន្តែសមាសភាពនៃបេក្ខភាពប្រឡងប្រណាំងមានតែ០៧ទូកប៉ុណ្ណោះធ្វើការប្រកួតប្រជែងក្នុងពិធីបុណ្យអុំទូកនោះ ។ ដោយឡែកនៅក្នុងឆ្នាំ២០១៨នេះ ខេត្តស្ទឹងត្រែងនឹងរៀបចំប្រារព្ធពិធីបុណ្យអុំទូកម្តងទៀត ប្លែកពីឆ្នាំមុន ដោយឆ្នាំ២០១៨នេះ អាចនឹងមានទូក.ងរហូតដល់១៨ទូកឯណោះ…
ដោយឡែកនៅក្នុងឆ្នាំ២០១៨នេះ ខេត្តស្ទឹងត្រែងនឹងរៀបចំប្រារព្ធពិធីបុណ្យអុំទូកម្តងទៀត ប្លែកពីឆ្នាំមុន ដោយឆ្នាំ២០១៨នេះ អាចនឹងមានទូក.ងរហូតដល់១៨ទូកឯណោះ នេះបើតាមការឲ្យដឹងពីគណៈកម្មាការរៀបចំបុណ្យបុណ្យអុំទូកខេត្តដែលបានបង្ហាញនៅក្នុងកិច្ចប្រជុំពិភាក្សាបញ្ហារៀបចំទូក.ង តាមការកាលកំណត់របស់រដ្ឋបាលខេត្តនាពេលថ្មីកន្លងទៅនេះ។
លោក ហ៊ាង ប៉ូលី ប្រធានគណៈកម្មាធិការផ្គូរផ្គង់ទូក.ង និងជាប្រធានមន្ទីរអប់រំយុវជន និងកីឡាបានបញ្ជាក់ថា ការប្រារព្ធពិធីបុណ្យអុំទូកឆ្នាំនេះ មិនមានអ្វីខុសពីឆ្នាំមុនទេ ក្នុងនោះបណ្តាមន្ទីរអង្គភាពជុំវិញខេត្ត ក្រុង ស្រុក ទាំងអស់បានត្រៀមរួចជាស្រេចហើយដើម្បីចូលរួមពិធីបុណ្យអុំទូក និងប្រព្រឹត្តទៅនៅចុងខែវិច្ឆិកា ខាងមុននេះ ៕
ចែករំលែកព័តមាននេះ