បន្ទាយមានជ័យ ៖ ខេត្តបន្ទាយមានជ័យត្រៀមទូកងចំនួន១២ ប្រឡងប្រណាំងក្នុងខេត្តអបអរសាទរព្រះរាជពិធីបុណ្យអុំទូកបណ្តែតប្រទីប និងសំពះព្រះខែអកអំបុក ឆ្នាំ២០១៨ ត្រូវបានប្រជុំត្រៀមនៅថ្ងៃទី១៩ ខែតុលា ឆ្នាំ២០១៨ នៅសាលប្រជុំសាលា…
បន្ទាយមានជ័យ ៖ ខេត្តបន្ទាយមានជ័យត្រៀមទូកងចំនួន១២ ប្រឡងប្រណាំងក្នុងខេត្តអបអរសាទរព្រះរាជពិធីបុណ្យអុំទូកបណ្តែតប្រទីប និងសំពះព្រះខែអកអំបុក ឆ្នាំ២០១៨ ត្រូវបានប្រជុំត្រៀមនៅថ្ងៃទី១៩ ខែតុលា ឆ្នាំ២០១៨ នៅសាលប្រជុំសាលា ខេត្តបន្ទាយមានជ័យ ។
លោកសួន បវរ អភិបាលខេត្តបន្ទាយមានជ័យមានប្រសាសន៍ថា កិច្ចប្រជុំការបង្កើតគណៈកម្មការអនុគណៈកម្មការទទួលបន្ទុករៀបចំការប្រណាំងទូកបណ្តែតប្រទីប និងសំពះព្រះខែ អកអំបុក និងស្តង់ពិព័រណ៌ភូមិមួយផលិតផលមួយ នៅខេត្តបន្ទាយមានជ័យ ក្នុងឱកាសអបអរសាទរ ព្រះរាជពិធីបុណ្យអុំទូកបណ្តែតប្រទីប និងសំពះព្រះខែអកអំបុក ឆ្នាំ២០១៨ ។
លោកបានបញ្ជាក់ថា ក្នុងពិធីបុណ្យអុំទូកខេត្តបន្ទាយមានជ័យ ត្រៀមទូកងចំនួន១២ ដែលត្រូវប្រណាំងចាប់ពីថ្ងៃទី១៤-១៥ ខែវិច្ឆិកា ឆ្នាំ២០១៨ មាន១-ទូកចំណុះ៧៦នាក់ ឈ្មោះព្រះពន្លាមានជ័យបារមីស្រីខ្មៅ ២- ទូកចំណុះ៦៩នាក់ មានឈ្មោះ មង្គលបូរីមានជ័យបារមីនាយកនសន្តិភាព ៣-ទូកចំណុះ៦៣នាក់ មានឈ្មោះពិសីមានជ័យបារមីស្រីស្អាត ៤-ទូកចំណុះ៤៧នាក់ មានឈ្មោះព្រះពន្លាមានជ័យបារមីស្រីក្រលេកញញឹម ៥.ទូកចំណុះ៤៥នាក់ មានឈ្មោះតេជោមានជ័យបារមីនាគរាជ ៦-ទូកចំណុះ៤៥នាក់ មានឈ្មោះសំរែករាជសីរស្មីទេពធីតា ៧-ទូកចំណុះ២២នាក់ មានចំនួន៦ដែលសរុបកីឡាករអុំទូកចំនួន៤៥៥នាក់ ។
លោកសួន បវរ បានបញ្ជាក់ថា ក្នុងពិធីអបអរសាទរព្រះរាជពិធីបុណ្យអុំទូកបណ្តែតប្រទីប និងសំពះព្រះខែអកអំបុក ឆ្នាំ២០១៨ ខេត្តបន្ទាយមានជ័យ ត្រូវប្រណាំងចាប់ពីថ្ងៃទី១៤-១៥ ខែវិច្ឆិកា ឆ្នាំ២០១៨ នៅដងស្ទឹងសិរីសោភ័ណ បរិវេណសកលវិទ្យាល័យមានជ័យ និងមានបណ្តែតប្រទីប និងសំពះព្រះខែអកអំបុក និងស្តង់ពិព័រណ៌ភូមិមួយផលិតផលមួយនេះ ជាយុទ្ធសាស្ត្រអភិវឌ្ឍន៍កីឡាប្រណាំងទូកប្រពៃណីយខ្មែរ និងវប្បធម៌ ហើយបញ្ចប់ការប្រណាំងទូករដ្ឋបាលសាលាខេត្តបន្ទាយមានជ័យ និងមន្ទីអង្គភាពពាក់ព័ន្ធជូនពានរង្វាន់សម្រាប់អ្នកទទួលជ័យលាភី ៕
ចែករំលែកព័តមាននេះ