ខេត្តបាត់ដំបង ៖ គ្រូពេទ្យស្ម័គ្រចិត្តមកពីសហរដ្ឋអាមេរិក និងប្រទេសអូស្ត្រាលី ដែលដឹកនាំដោយអ្នកស្រី អេវែន ក្នុងបេសកកម្មមនុស្សធម៌នៅកម្ពុជា បានរួមសហការជាមួយ ស.ស.យ.ក ខេត្តបាត់ដំបង តាមរយៈលោក ឡោក ហ៊ួរ តំណាងរាស្ត្រមណ្ឌលបាត់ដំបង ចុះជួយពិនិត្យ និងព្យាបាលជម្ងឺជូនប្រជាពលរដ្ធដោយឥតគិតថ្លៃ និងផ្តល់ជូនវ៉ែនតាជូនចាស់ជរាតាមត្រូវការប្រើប្រាស់ ។
ប្រជាពលរដ្ឋបានទទួលការពិនិត្យ ព្យាបាលមានចំនួន១៩០០នាក់ ដែលជួបការលំបាកនៅតំបន់ដាច់ស្រយាលក្នុងខេត្តបាត់ដំបងមានចំនួន៤ឃុំ ក្នុងនោះ២ឃុំក្នុងស្រុកមោងឬស្សី និង ២ឃុំទៀត គឺឃុំតាប៉ុននិង ឃុំអន្លង់វិល ក្នុងស្រុកសង្កែ ខេត្តបាត់ដំបង កាលពីវេលាព្រឹកថ្ងៃទី១៨ ខែតុលា ឆ្នាំ២០១៨ ។
តំណាងប្រជាជននៅឃុំតាប៉ុន បានបញ្ជាក់ថា អនិច្ចាប្រជាពលរដ្ឋនៅក្នុងឃុំនេះ កន្លងមកបានទទួលរងគ្រោះដោយសារឆ្លងជម្ងឺអេដស៍ តាមរយៈគ្រូពេទ្យម្នាក់ ដែលមិនបានរៀនសូត្រ ឱ្យបានត្រឹមត្រូវ តែដោយបានរាជរដ្ឋាភិបាលយកចិត្តទុកដាក់ បានជំរុញវិស័យសុខាភិបាលកន្លងមក ទើបពេលនេះមានភាពល្អប្រសើរឡើងវិញ ។
កន្លងមក តែងតែមានគ្រូពេទ្យស្ម័គ្រចិត្តជាតិ និងអន្តរជាតិ មកតាមដានជាប្រចាំ ដើម្បីទប់ស្កាត់កុំឲ្យមានការវិលត្រឡប់នៃជំងឺឆ្លងនោះវិលមកជាថ្មីម្តងទៀត តែចំពោះសុខភាពប្រជាពលរដ្ឋទូទៅតែងតែទទួលបានការព្យាបាលដោយយកចិត្តទុកដាក់ផងដែរ ៕
ចែករំលែកព័តមាននេះ