ខេត្តកំពង់ស្ពឺ ៖ សមត្ថកិច្ច និងជំនាញពាក់ព័ន្ធបានញាប់ដៃញាប់ជើងគ្រប់គ្នាក្នុងការជួយសម្រួលដល់នារីដែលបានដួលសន្លប់ កាលពីព្រឹកថ្ងៃទី១៩ ខែតុលា ឆ្នាំ២០១៨ នៅតាមបណ្ដោយផ្លូវជាតិលេខ៣ ស្ថិតនៅភូមិអង្គសុគន្ធា ឃុំមហាឬស្សី…
ខេត្តកំពង់ស្ពឺ ៖ សមត្ថកិច្ច និងជំនាញពាក់ព័ន្ធបានញាប់ដៃញាប់ជើងគ្រប់គ្នាក្នុងការជួយសម្រួលដល់នារីដែលបានដួលសន្លប់ កាលពីព្រឹកថ្ងៃទី១៩ ខែតុលា ឆ្នាំ២០១៨ នៅតាមបណ្ដោយផ្លូវជាតិលេខ៣ ស្ថិតនៅភូមិអង្គសុគន្ធា ឃុំមហាឬស្សី ស្រុកគងពិសី ខេត្តកំពង់ស្ពឺ ។
ប្រភពពីសមត្ថកិច្ចបានឲ្យដឹងថា កម្មករកម្មការិនីប្រមាណជិត១០០នាក់/ ១០,០០០នាក់ មានអាការៈភិតភ័យបែបនេះ ។ ដែលហេតុការណ៍ដំបូងឡើយ ដោយមានបងប្អូនកម្មករកម្មការិនីម្នាក់ឈ្មោះ យ៉េង ស៊ីឌីម ភេទស្រី អាយុ៣៤ឆ្នាំ អត្តលេខQ201890570 ធ្វើការនៅក្រុម H8 ទើបតែនឹងចូលធ្វើការថ្មី កាលពីថ្ងៃទី២៥ ខែកញ្ញា ឆ្នាំ២០១៨ សង្ស័យថា គាត់មានជំងឺប្រចាំកាយបានធ្វើការស្រែកឡូឡាខ្លាំងៗ បណ្ដាលឲ្យកម្មករដទៃទៀតដែលនៅក្បែរបានឃើញ និងឮក៏មានអារម្មណ៍ភិតភ័យ ឃើញដូច្នោះអ្នកខ្លះក៏បានរត់ចេញមកក្រៅ អ្នកខ្លះមានអាការៈស្ទើរខ្យល់ ស្ទើរវិលមុខក៏បានទន់ដៃទន់ជើងដួលសន្លប់ងងឹតមុខ ។
លោកចឹក បូរិន្ទ ប្រធានមន្ទីរកាងារខេត្តបានប្រាប់ថា កម្មករសរុបនៃរោងចក្រវីស្តាស៊ូ ដែលស្ថិតនៅភូមិអង្គសុគន្ឋា ឃុំមហាឬស្សី ស្រុកគងពីសីនេះមានចំនួន១០០០០នាក់ ។
ប្រភពបន្តទៀតថា ក្នុងនោះហេតុការណ៍នេះដែរ ត្រូវបានការជួយសម្របសម្រួល និងជួយសង្គ្រោះបឋមពីក្រុមការងារសន្ដិសុខយាមក្រុមហ៊ុនកងកម្លាំងនគរបាលប៉ុស្តិ៍ ស្រុក និងមានមន្ដ្រីអាជ្ញាធរពាក់ព័ន្ធជាច្រើនបានជួយបញ្ជូនបងប្អូនកម្មករទៅកាន់គ្លីនិកឯកជន និងមួយចំនួនទៀតបានបញ្ជូនទៅមន្ទីរពេទ្យបង្អែកស្រុកគងពិសី ។
តាមការបញ្ជាក់ពីលោកវរសេនីយឯក ឃឹម សុផាន់រ៉ា អធិការស្រុកគងពិសីថា កម្មករដែលបានញ្ជូនចេញទៅមន្ទីរពេទ្យបង្អែក និងគ្លីនិកឯកជន គឺមានចំនួនប្រមាណជិត១០០នាក់ ប៉ុន្តែក្នុងនោះមានអ្នកខ្លះក៏ជាអ្នកជួយគ្រាគេ ហើយអ្នកដែលមានអាការៈធ្ងន់ ស្រាល ទៅដល់ពេទ្យខ្លួនក៏រៀងវិលមុខក៏សម្រាកនៅពេទ្យតែម្ដង ទើបឃើញមានចំនួនច្រើនបែបនេះ ។
បច្ចុប្បន្នកម្មករទាំងអស់មានអាការៈធូស្រាលវិញហើយ មិនបង្កឲ្យមានគ្រោះថ្នាក់ដល់អាយុជីវិតនោះទេ ៕
ចែករំលែកព័តមាននេះ