ខេត្តបាត់ដំបង ៖ ព្រឹកថ្ងៃទី១៨ ខែតុលា ឆ្នាំ២០១៨ លោកឧត្តមសេនីយ៍ត្រី សួន សុន នាយកសាលាពលទាហានទី៥បានចុះជួបសំណេះសំណាល និងពិនិត្យសកម្មភាពលំហាត់បាញ់គ្រាប់ពិតជាក់ស្តែងរបស់សិក្ខាកាមវគ្គហ្វឹកហ្វឺន…
ខេត្តបាត់ដំបង ៖ ព្រឹកថ្ងៃទី១៨ ខែតុលា ឆ្នាំ២០១៨ លោកឧត្តមសេនីយ៍ត្រី សួន សុន នាយកសាលាពលទាហានទី៥បានចុះជួបសំណេះសំណាល និងពិនិត្យសកម្មភាពលំហាត់បាញ់គ្រាប់ពិតជាក់ស្តែងរបស់សិក្ខាកាមវគ្គហ្វឹកហ្វឺន វិក្រិយ្យការ ១.២ ដែលបច្ចុប្បន្នកំពុងហ្វឹកហាត់អស់រយៈពេល១៧១ថ្ងៃកន្លងមកនេះនៅសាលាពលទាហានទី៥ (បឹងជរាជ) ស្ថិតក្នុងភូមិបត់សាលា ឃុំឈើទាល ស្រុកបាណន់ ខេត្តបាត់ដំបង ។
នៅក្នុងសកម្មភាពនៃការបាញ់គ្រាប់ពិតរបស់កម្លាំងសិក្ខាកាមវគ្គហ្វឹកហ្វឺនដើម្បីធ្វើការត្រួតពិនិត្យវាស់ស្ទង់កម្រិតជំនាញ និងការយល់ដឹងសមត្ថភាព គុណភាព ដែលជាកត្តាសំខាន់បំផុតសម្រាប់កងយោធពលខេមរភូមិន្ទក្នុងការបំពេញភារកិច្ចរបស់ខ្លួន និងក្រោយពីបានរៀនសូត្រកន្លងមកនេះទទួលបានកម្រិតណា ។
មុននឹងសិក្ខាកាមធ្វើសកម្មភាពលំហាត់បាញ់គ្រាប់ពិតតំណាងគ្រូយោធាចារ្យបានធ្វើការបង្ហាញលក្ខណៈនៃការហ្វឹកហាត់នៅយុទ្ធវិធី និងកាយវិការផ្តល់ជូនដល់កងកម្លាំងបានយល់កាន់តែច្បាស់ផងដែរ ។
នៅក្នុងសក្មមភាពនៃការបាញ់គ្រាប់ពិតជាក់ស្តែងរបស់សិក្ខាកាមវគ្គហ្វឹកហ្វឺនចំនួន២៣៨នាក់ត្រូវបានចែកចេញជា១១ក្រុមបាញ់ដែលក្នុង១ក្រុមមាន២០នាក់ និងបានចែកចេញ២០បំនូកបាញ់ ដោយប្រើប្រាស់កាំភ្លើង AK47 និងមានចម្ងាយ១០០ម៉ែត្រ ម៉ែត្រតំរង់លេខ៤ កាយវិការបាញ់ដេក បាញ់លត់ជង្គង់ ដោយគ្មានរយៈពេលកំណត់ ។
ជាក់ស្តែងការធ្វើលំហាត់បាញ់គ្រាប់ពិតនៅលើទីលាននេះដែលជាលទ្ធផលស្តែងចេញគួរអោយកត់សំគាល់ហើយវគ្គហ្វឹកហ្វឺនវិក្រិត្យការនេះនឹងត្រៀមធ្វើពិធីបិទនាថ្ងៃទី២២ ខែតុលា ឆ្នាំ២០១៨ ខាងមុខផងដែរ ៕
ចែករំលែកព័តមាននេះ