រាជធានីភ្នំពេញ ៖ ការបើកបរមិនចេះយោគយល់គ្នាគ្រោះថ្នាក់ចរាចរណ៍ប៉ះកៀរគ្នាតិចតួចមិនព្រមដោះស្រាយទេបែរជាចុះមកជេរគ្នានឹងវាយតប់គ្នាពេញផ្លូវទៅវិញ បង្កជាការភ្ញាក់ផ្អើលពេញដងផ្លូវ កាលពីវេលាម៉ោង៨យប់ ថ្ងៃទី១៨ ខែតុលានេះ នៅតាមបណ្ដោយផ្លូវជាតិលេខ២ ទល់មុខនឹងរោងចក្រផលិតបារីសេក សង្កាត់ចាក់អង្រែលើ…
រាជធានីភ្នំពេញ ៖ ការបើកបរមិនចេះយោគយល់គ្នាគ្រោះថ្នាក់ចរាចរណ៍ប៉ះកៀរគ្នាតិចតួចមិនព្រមដោះស្រាយទេបែរជាចុះមកជេរគ្នានឹងវាយតប់គ្នាពេញផ្លូវទៅវិញ បង្កជាការភ្ញាក់ផ្អើលពេញដងផ្លូវ កាលពីវេលាម៉ោង៨យប់ ថ្ងៃទី១៨ ខែតុលានេះ នៅតាមបណ្ដោយផ្លូវជាតិលេខ២ ទល់មុខនឹងរោងចក្រផលិតបារីសេក សង្កាត់ចាក់អង្រែលើ ខណ្ឌមានជ័យ ។
ប្រភពព័ត៌មានពីបុរសជាអ្នករត់រ៉ឺម៉កកង់បីបានប្រាប់ឲ្យដឹងថា មុនកើតហេតុគាត់បើករ៉ឺម៉ក
ម៉ូតូតែម្នាក់ឯង ស្របទិសគ្នាជាមួយរថយន្ត visto ពណ៌ស ពាក់ស្លាកលេខភ្នំពេញ 2AL- 8304 មានដឹកប្រពន្ធ និងកូនតូចក្នុងរថយន្តទិសដៅពីត្បូងទៅជើង ហើយរថយន្តនោះធ្វើដំណើរពីមុខគាត់ដោយបើកបរដៃម្ខាង ហើយម្ខាងទៀតកាន់ទូស័ព្ទនិយាយ ខណៈមកដល់កន្លែងកើតហេតុ រថយន្ដបានងាកចង្កូតមកខាងស្តាំបន្តិចក៏ប៉ះនឹងរ៉ឺម៉កគាត់ បណ្តាលរថយន្តធ្លាក់កាងមុខ ភ្លាមៗគាត់បានអែបមកគៀនចិញ្ចើមផ្លូវ ដើម្បីដោះស្រាយគ្នា តែត្រូវប្រពន្ធភាគីខាងរថយន្តចេញមកស្រែកជេរគាត់ក្តែងៗតែម្តងថា ហ្អែងបើកម៉ូតូកៀរឡានអញ គាត់ក៏បានប្រាប់ទៅវិញថា (មកជេអញប្រយ័ត្ន អញជេវិញ) ភ្លាមនោះភាគីជាប្តីបានដើរមកវាយគាត់ទាំងស្ថានភាពស្រវឹងក៏កើតជាការប្រតាយប្រតប់គ្នាពេញផ្លូវតែម្ដង ។
ប្រភពព័ត៌មានពីកន្លែងកើតហេតុបានប្រាប់ឲ្យដឹងថា គាត់ក៏មិនដឹងពីសាច់រឿងច្បាស់ដែរ ដោយគ្រាន់តែដឹងថា ភាគីទាំងពីរនោះប្រកែកគ្នាយកត្រូវរៀងខ្លួន រឿងគ្រោះថ្នាក់ចរាចរណ៍ក៏មានការឈ្លោះប្រកែកនឹងប្រតាយប្រតប់គ្នាបែបនេះតែម្តង ។ ភ្លាមៗក៏មានវត្តមានខាងអាជ្ញាធរមូលដ្ឋានចុះមកអន្តរាគមន៍ នឹងធ្វើការសម្របសម្រួលភាគីទាំងពីរក៏ត្រូវរូវគ្នាចែកផ្លូវរៀងខ្លួនអស់ទៅគ្មានអ្នកណាសងអ្នកណាទេ ៕
ចែករំលែកព័តមាននេះ