បុរសចំណាស់ម្នាក់ស្រវឹងស្រា ចង.កសម្លា.ប់ខ្លួនបានសម្រេច !
- កំពង់ធំ
ខេត្តកំពង់ធំ ៖ កាលពីវេលាម៉ោងដឹង៩ព្រឹក ថ្ងៃទី១៨ ខែតុលា ឆ្នាំ២០១៨ ស្ថិតនៅក្នុងភូមិគ្រួស ឃុំដូង ស្រុកប្រាសាទបល្ល័ង្ក ខេត្តកំពង់ធំ…
ខេត្តកំពង់ធំ ៖ កាលពីវេលាម៉ោងដឹង៩ព្រឹក ថ្ងៃទី១៨ ខែតុលា ឆ្នាំ២០១៨ ស្ថិតនៅក្នុងភូមិគ្រួស ឃុំដូង ស្រុកប្រាសាទបល្ល័ង្ក ខេត្តកំពង់ធំ…
ខេត្តកំពង់ធំ ៖ កាលពីវេលាម៉ោងដឹង៩ព្រឹក ថ្ងៃទី១៨ ខែតុលា ឆ្នាំ២០១៨ ស្ថិតនៅក្នុងភូមិគ្រួស ឃុំដូង ស្រុកប្រាសាទបល្ល័ង្ក ខេត្តកំពង់ធំ មានករណីបុរសវ័យចំណាស់ម្នាក់ បានចងកសម្លាប់ខ្លួន បង្កឲ្យមានការភ្ញាក់ផ្អើលដល់សមត្ថកិច្ច និងប្រជាពលរដ្ឋដែលរស់នៅក្បែរនោះ។ សមត្ថកិច្ចនគរបាលប្រាប់ថា ជនរងគ្រោះឈ្មោះ ថាវ ថាត ភេទប្រុស អាយុ៦៣ឆ្នាំ មុខរបរធ្វើស្រែ មានកូន៤នាក់ ស្រី៣នាក់ និងប្រុសម្នាក់។
បើតាមការបំភ្លឺរបស់ឈ្មោះ មី កុត ភេទស្រី អាយុ៣៤ឆ្នាំ ត្រូវជាកូនបង្កើតរបស់ជនរងគ្រោះបានប្រាប់ថា ឪពុករបស់នាងជាមនុស្សញៀនស្រា កន្លងមកឲ្យតែគាត់ផឹកស្រវឹងស្រាម្ដងៗ តែងតែរត់ទៅចងកសម្លាប់ខ្លួនឯងចំនួន៣ដងមកហើយ តែត្រូវបានរូបនាង និងម្ដាយនាងតាមទាន់ហើយឃាត់គាត់បាន។ លុះនៅថ្ងៃកើតហេតុវេលាម៉ោង ប្រហែលជា៦ព្រឹក ពេលដែលឪពុកនាងគាត់ត្រឡប់មកពីលើកទ្រូវិញ គាត់ក៏បានសុំលុយនាង មួយពាន់រៀល នាងក៏ឲ្យគាត់ប្រាំរយរៀល ព្រោះខ្លាចគាត់យកទៅទិញស្រាផឹកស្រវឹងទៀត។
បាន៥០០រៀល គាត់ក៏ទៅផឹកស្រាសអស់ ហើយត្រឡប់មកផ្ទះវិញ នាងបានដួសបាយហូបជាមួយគាត់ នៅពេលហូបបាយរួច គាត់ក៏ឡើងទៅដេកនៅលើគ្រែ ចំណែកនាងក៏ទៅរកច្រូតស្មៅឲ្យគោស៊ី។ ដល់ម៉ោងប្រហែល ៩ព្រឹក នាងខ្ញុំត្រឡប់មកវិញឃើញទ្វារផ្ទះបិទជិតពីក្នុង នាងខ្ញុំបានលួចមើលពីក្រោមផ្ទះមិនឃើញមានអ្វីទេ ក៏ស្រែកហៅពុកៗ តែមិនឮឆ្លើយ នាងបានឡើងទៅលើផ្ទះធាក់ទម្លាយទ្វារ ស្រាប់តែឃើញឪពុកនាងចងក និងក្រមាទៅនឹងឃ្នៀបផ្ទះខាងលើ។
នាងក៏បានស្រែកហៅឲ្យអ្នកជិតខាងឲ្យជួយ តែមិនដឹងថាពុកនាងបានចងកសម្លាប់ខ្លួនស្លាប់ពីពេលណាមកនោះទេ។ ក្រោយពីទទួលបានព័ត៌មានភ្លាមកម្លាំងជំនាញ និងប៉ុស្ដិ៍នគរបាលដូង និងអាជ្ញាធរភូមិបានចុះដល់កន្លែងកើតហេតុ និងពិនិត្យសាកសពឃើញថា ជនរងគ្រោះពិតជាបានធ្វើអត្តឃាតចងកសម្លាប់ខ្លួនឯងពិតប្រាកដមែន មូលហេតុស្រវឹងស្រា ក៏ប្រគល់ជូនក្រុមគ្រួសារធ្វើបុណ្យតាមប្រពៃណី៕
ចែករំលែកព័តមាននេះ