អង់គ្លេស ៖ តាមប្រភពព័ត៌មាន Metro បានឲ្យដឹងថា ទារកម្នាក់កើតមកមានជំងឺចម្លែកដែលត្រូវពន្លឺថ្ងៃមិនបានសោះ ហើយតម្រូវឲ្យនៅក្នុងភាពងងឹតជារៀងរហូត។ ទារកអាយុ១ខួបឈ្មោះ Freddie Mason-Perkins…
អង់គ្លេស ៖ តាមប្រភពព័ត៌មាន Metro បានឲ្យដឹងថា ទារកម្នាក់កើតមកមានជំងឺចម្លែកដែលត្រូវពន្លឺថ្ងៃមិនបានសោះ ហើយតម្រូវឲ្យនៅក្នុងភាពងងឹតជារៀងរហូត។
ទារកអាយុ១ខួបឈ្មោះ Freddie Mason-Perkins កើតមកមានជំងឺ Trichothiodystrophy (TTD) ដែលស្បែករបស់គេមានប្រតិកម្មខ្ពស់ពេលប៉ះជាមួយនឹងកាំរស្មី UV។ រូបគេកើតមកមិនគ្រប់ខែទេ ដោយម្តាយពរពោះបានត្រឹម២៨សប្តាហ៍តែប៉ុណ្ណោះ។
កូនតូចនេះ ចេញជាជំងឺរលាកស្បែកយ៉ាងធ្ងន់ធ្ងរ ដែលមិនងាយជាវិញ ក្រោយពីនៅក្រោមពន្លឺថ្ងៃត្រឹមតែប៉ុន្មាននាទីប៉ុណ្ណោះ។ ដោយសារតែហេតុនេះ ទើបម្តាយរបស់គេឈ្មោះ Carlie Perkins អាយុ៣៤ឆ្នាំ ត្រូវបង្ខំចិត្តបិទវាំងននក្នុងបន្ទប់រហូត។ មិនត្រឹមតែស្បែកនោះទេ ដែលប្រតិកម្មជាមួយនឹងពន្លឺថ្ងៃ សូម្បីតែភ្នែកទាំងពីររបស់ Freddie ក៏ចេញជាជំងឺបាយភ្នែកដែរ។
ម្តាយរបស់គេបានបង្ហាញការព្រួយបារម្ភយ៉ាងខ្លាំង អំពីអនាគតរបស់ Freddie។ នាងខ្លាច Freddie បាក់ទឹកចិត្តនៅពេលដឹងថា ខ្លួនឯងមានជំងឺខុសគេបែបនេះ។ នាងដឹងថា មានក្មេងខ្លះដែរ ដែលកើតជំងឺនេះ ហើយអាចរស់បានដល់អាយុ៣០ឆ្នាំ។ បើទោះបីជាយ៉ាងនេះក៏ដោយ ក៏នាងមិនខ្វល់ដែរ សំខាន់គឺ Freddie នៅតែជាកូនរបស់នាង។
គួរបញ្ជាក់ថា ជំងឺ TTD គឺជាជម្ងឺសេនេទិកដ៏កម្របំផុត ដែលនៅលើលោកនេះមានតែមនុស្ស១០០នាក់ តែប៉ុណ្ណោះ ដែលកើតជំងឺនេះ៕ វីដេអូដកស្រង់ចេញពី ៖ Inside Edition
ចែករំលែកព័តមាននេះ