Sergio Aguero ខ្សែប្រយុទ្ធក្លិបមេឃខៀវ Man City ដ៏មានឥទ្ធិពលនៅក្នុងក្របខ័ណ្ឌប្រឺមីញេលីគអង់គ្លេសដែលបានចំណាយពេលទំនេរក្នុងការទៅលេងឲ្យក្រុមជម្រើសជាតិអាហ្សង់ទីន បាននាំនារីរូបស្រស់ និងមានស្នាមសាក់ពេញខ្លួនម្នាក់ចូលក្លិបកម្សាន្តនៅក្រុងឡូសអេនជឺលេស សហរដ្ឋអាមេរិក ។
Aguero មិនមានឈ្មោះលេងឲ្យក្រុមជម្រើសជាតិអាហ្សង់ទីន ក៏មានឱកាសយកពេលសម្រាក
នេះទៅដើរកម្សាន្តនៅក្លិប«The Warwick» នៅក្រុងឡូសអេនជឺលេស សហរដ្ឋអាមេរិក ។ រូបភាពនៃការដើរកម្សាន្តបានបង្ហាញយ៉ាងច្បាស់ថា ខ្សែប្រយុទ្ធជនជាតិអាហ្សង់ទីន អាយុ៣០ឆ្នាំរូបនេះបានជិះរថយន្តមែរ៍សឺដេស«G-Class» មានតម្លៃ១៤០.០០០ផោន ហើយនៅខាងក្នុងនោះមាននារីរូបស្រស់ម្នាក់មានស្នាមសាក់នៅពេញខ្លួនអង្គុយក្បែរ និងមាននារីម្នាក់ទៀតរួមជាមួយកីឡាករLucas Fernandez មិត្តភក្ដិរបស់គេ ។
Sergio Aguero រកបានគ្រាប់បាល់បញ្ចូលទី៨គ្រាប់ និងសង្គ្រោះបាល់បាន២គ្រាប់ពីការប្រកួតចំនួន១១លើក ក្នុងការចូលលេងឲ្យក្លិបMan City រដូវកាល២០១៨-២០១៩ ប៉ុន្តែមិនបានលេងឲ្យក្រុមជម្រើសជាតិជាលក្ខណៈមិត្តភាពផ្ដួលក្រុមជម្រើសជាតិអុីរ៉ាក់៤-០ និងចាញ់ក្រុមជម្រើសជាតិប្រេសុីល០-១កាលពីយប់ថ្ងៃទី១៦ តុលា កន្លងទៅថ្មីៗនេះទេ ៕
ចែករំលែកព័តមាននេះ