រាជវង្សអារ៉ាប៊ីសាអូឌីតចាប់អារម្មណ៍ទិញក្លិបបិសាចក្រហម Manchester United
« Daily Star» របស់អង់គ្លេសផ្សាយថា ព្រះរាជវង្សMohammad Bin Salman ដែលដឹកនាំប្រទេសអារ៉ាប៊ីសាអូឌីត កំពុងផ្ដល់ចំណាប់អារម្មណ៍ទិញក្លិបMan Utd…
« Daily Star» របស់អង់គ្លេសផ្សាយថា ព្រះរាជវង្សMohammad Bin Salman ដែលដឹកនាំប្រទេសអារ៉ាប៊ីសាអូឌីត កំពុងផ្ដល់ចំណាប់អារម្មណ៍ទិញក្លិបMan Utd…
« Daily Star» របស់អង់គ្លេសផ្សាយថា ព្រះរាជវង្សMohammad Bin Salman ដែលដឹកនាំប្រទេសអារ៉ាប៊ីសាអូឌីត កំពុងផ្ដល់ចំណាប់អារម្មណ៍ទិញក្លិបMan Utd នៅក្នុងក្របខណ្ឌប្រឺមីញេលីគអង់គ្លេស ។
ប្រភពខាងលើបានអះអាងថា ការចុះផ្សាយនេះធ្វើឡើងតាមរយៈការលេចឮពីប្រភពព័ត៌មាននៅមជ្ឈិមបូព៌ា ប៉ុន្តែមិនបានបង្ហាញពីឈ្មោះដោយគ្រាន់តែបញ្ជាក់ថា រាជវង្សខាងលើត្រូវចំណាយប្រាក់ប្រហែល៤ពាន់លានផោន ឬ៥.៤៥៤ពាន់លានដុល្លារជាការលួងលោមឲ្យត្រកូល «Glazer» យល់ព្រមលក់ ។
រាជវង្ស Salman មានទ្រព្យស្ដុកស្ដមចំនួន៨៥០ពាន់លានផោនប្រហែល១.១៥៩ពាន់លាន
ដុល្លារ ហើយបច្ចុប្បន្នក៏មានគម្រោងពង្រីកសេដ្ឋកិច្ចរបស់អារ៉ាប៊ីសាអូឌីតដោយមិនពឹងផ្អែកទាំងស្រុងលើជំនួញប្រេង ។ ក្រៅពីនេះព្រះអង្គក៏នៅមានសង្ឃឹមយ៉ាងមុតមាំថា អារ៉ាប៊ីសាអូឌីតនឹងមានការប្រកួតប្រជែងជាមួយប្រទេសកាតា និងអេមីរ៉ាតអារ៉ាប់រួមនៅក្នុងពិភពបាល់ទាត់ផងដែរ ។
គួរបញ្ជាក់ថា បច្ចុប្បន្នលោក Nasser Al-Khelaifi អ្នកជំនួញជនជាតិកាតា ជាម្ចាស់ក្លិប Paris Saint-Germain ចំណែកក្លិប Man City ជារបស់លោក Sheikh Mansour Bin Zayed Al Nahyan សមាជិកក្នុងរាជវង្សអេមីរ៉ាតអារ៉ាប់រួម ៕
ចែករំលែកព័តមាននេះ