ខេត្តបន្ទាយមានជ័យ ៖ ជនសង្ស័យ១ក្រុមមានគ្នា៣នាក់ត្រូវបានកម្លាំងកងរាជអាវុធហត្ថឃាត់ពីបទហិង្សាដោយចេតនា និងប្រើប្រាស់អាវុធខ្លីប្រើហ្គាស១ដើម និងគ្រឿងញៀនត្រូវបានបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី១៧ ខែតុលាឆ្នាំ២០១៨។ ជនសង្ស័យទាំង៣នាក់ខាងលើរួមមាន ១-ឈ្មោះ មាស សុភ័ក្រ…
ខេត្តបន្ទាយមានជ័យ ៖ ជនសង្ស័យ១ក្រុមមានគ្នា៣នាក់ត្រូវបានកម្លាំងកងរាជអាវុធហត្ថឃាត់ពីបទហិង្សាដោយចេតនា និងប្រើប្រាស់អាវុធខ្លីប្រើហ្គាស១ដើម និងគ្រឿងញៀនត្រូវបានបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី១៧ ខែតុលាឆ្នាំ២០១៨។
ជនសង្ស័យទាំង៣នាក់ខាងលើរួមមាន ១-ឈ្មោះ មាស សុភ័ក្រ ហៅចិន ភេទប្រុស អាយុ៣០ឆ្នាំ ២-ឈ្មោះ ចិន ស័ក្តិ ភេទប្រុស អាយុ១៩ឆ្នាំ និង៣-ឈ្មោះ ញ៉ ឆារ៉ាន់ ភេទប្រុស អាយុ១៨ឆ្នាំជនទាំងនេះរស់នៅសង្កាត់ប៉ោយប៉ែត ក្រុងប៉ោយប៉ែត។
លោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា នៅពេលឃាត់ខ្លួនជនសង្ស័យ៣នាក់នេះគឺកម្លាំងកងរាជអាវុធហត្ថក្រុងប៉ោយប៉ែតបានចេញល្បាតដល់ចំណុចបរិវេណកាស៊ីណូផ្កាយប្រាំមានក្រុមជនសង្ស័យ១ក្រុមកំពុងបង្កហិង្សា និងបង្កអសន្តិសុខ ពេលនោះកម្លាំងកងរាជអាវុធហត្ថបានចុះប្រតិបត្តិការឃាត់បានជនសង្ស័យ៣នាក់ និងដកហូតមានអាវុធខ្លីប្រើហ្គាស១ដើម កាំបិតដងវែង១ និងគ្រឿងញៀនប្រភេទមេតំហ្វេតាមីន២កូនថង់តូច កាលពីវេលាម៉ោង២និង៣០នាទីឈានចូលថ្ងៃទី១៦ ខែតុលា ឆ្នាំ២០១៨ ស្ថិតភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត។
លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្តបានបញ្ជាក់ថា ក្រោយពេលឃាត់ខ្លួនជនសង្ស័យ៣នាក់ដកហូតបានវត្ថុតាងរួមមានអាវុធខ្លីប្រើហ្គាស កាំបិត និងគ្រឿងញៀនត្រូវបានកសាងសំណុំរឿងបញ្ចូនទៅសាលាដំបូងខេត្តដើម្បីចាត់ការតាមច្បាប់ ៕
ចែករំលែកព័តមាននេះ