សារព័ត៌មានបរទេសកាលពីពេល ថ្មីៗកន្លងមកផ្សាយថា នាងវីយាម អាល់ដាឃីល(Weam Al Dakheel) ក្លាយជាអ្នកប្រកាសព័ត៌មានលើកដំបូងរបស់ស្ថានីយទូរទស្សន៍រដ្ឋាភិបាលអារ៉ាប៊ីសាអូឌីត ។ នាងបានបង្ហាញខ្លួនក្នុងកម្មវិធីអានព័ត៌មាននៅម៉ោង៩ និង៣០យប់កាលពីថ្ងៃទី២០…
សារព័ត៌មានបរទេសកាលពីពេល ថ្មីៗកន្លងមកផ្សាយថា នាងវីយាម អាល់ដាឃីល(Weam Al Dakheel) ក្លាយជាអ្នកប្រកាសព័ត៌មានលើកដំបូងរបស់ស្ថានីយទូរទស្សន៍រដ្ឋាភិបាលអារ៉ាប៊ីសាអូឌីត ។ នាងបានបង្ហាញខ្លួនក្នុងកម្មវិធីអានព័ត៌មាននៅម៉ោង៩ និង៣០យប់កាលពីថ្ងៃទី២០ ខែកញ្ញា ២០១៨ រួមជាមួយម្នាក់ទៀតជាបុរស ។
ស្ត្រីធ្វើជាអ្នកផ្សាយព័ត៌មានលើកដំបូងបែបនេះក្លាយជាចំណាប់អារម្មណ៍មួយរបស់ពលរដ្ឋអារ៉ាប៊ីសាអូឌីត ។ ពលរដ្ឋជាច្រើនសម្តែងការកោតសរសើរ ដោយសារប្រទេសនេះមានការផ្លាស់ប្ដូរ ។
បម្រែបម្រួលនេះគឺជាផ្នែកមួយនៃផែនការ«Vision 2030» ជាគម្រោងការរបស់ព្រះអង្គម៉ូហាមេដ ប៊ីន សាលម៉ាន(Mohammed bin Salman) ដែលចង់ផ្លាស់ប្ដូរឲ្យអារ៉ាប៊ីសាអូឌីតដើរទាន់សម័យ ។ ក្រៅពីឲ្យស្ត្រីជាអ្នកប្រកាសព័ត៌មាននោះ ព្រះអង្គក៏បានឲ្យស្ត្រីអាចបើកបររថយន្ត ទស្សនាការប្រកួតបាល់ទាត់ និងបម្រើការងារនៅខាងក្រៅផ្ទះបាន ។
តាមការអង្កេតលើគំនិតយល់ឃើញពីសិទ្ធិរបស់ស្ត្រីចំនួន៥៥០នាក់ របស់មូលនិធិ«Thomson Reuters» ដែលផ្សព្វផ្សាយកាលពីខែមិថុនាកន្លងមកបញ្ជាក់ថា អារ៉ាប៊ីសាអូឌីតជាផ្នែកមួយក្នុងចំណោម៥ប្រទេសដែលគ្រោះថ្នាក់បំផុតសម្រាប់ស្ត្រី បន្ទាប់ពីឥណ្ឌា អាហ្វហ្គានីស្ថាន សុីរី និងសូម៉ាលី រួមទាំងមាននយោបាយរើសអើង និងរារាំងដល់ស្ត្រីលើផ្នែកសេដ្ឋកិច្ចស្ថិតក្នុងលំដាប់ទី២នៅលើពិភពលោក ៕
ចែករំលែកព័តមាននេះ