រាជធានីភ្នំពេញ៖ កញ្ញាធី សុវណ្ណថា កាលពីពេល ថ្មីៗកន្លងមកបានទម្លាយរឿងស្នេហារបស់នាង ។ នាងថាបុរសដែលនាងស្រឡាញ់យូរមកហើយនោះ គឺជាស្នេហាពិត និងជាអ្នកអាចយកបេះដូងនាងបាន ។…
រាជធានីភ្នំពេញ៖ កញ្ញាធី សុវណ្ណថា កាលពីពេល ថ្មីៗកន្លងមកបានទម្លាយរឿងស្នេហារបស់នាង ។ នាងថាបុរសដែលនាងស្រឡាញ់យូរមកហើយនោះ គឺជាស្នេហាពិត និងជាអ្នកអាចយកបេះដូងនាងបាន ។ ដូច្នេះហើយមិនអាចពន្យារពេលមើលចិត្តគ្នាយូរតទៅទៀតទេ ។
ធី សុវណ្ណថា បានដាក់គម្រោងរៀបការក្នុងអំឡុងឆ្នាំ២០១៩ ។ នាងបានបញ្ជាក់ប្រាប់អ្នករាយការណ៍ព័ត៌មានយើងផ្ទាល់ ។
ពីក្មេងស្រីសាមញ្ញមួយរូប រហូតធ្វើឲ្យគ្រប់គ្នាបានស្គាល់ទាំងក្នុង និងក្រៅប្រទេស នោះគឺកញ្ញាធី សុវណ្ណថា ។ បច្ចុប្បន្នមិនថាអ្នកយោបាយ និងឥស្សរជនជាន់ខ្ពស់ក្នុងជួររាជរដ្ឋាភិបាលទេ សូម្បីសាមញ្ញជន និងអ្នកសិល្បៈទូទៅគឺសុទ្ធតែស្គាល់នាង ព្រោះនាងមិនត្រឹមតែប្រឡូកក្នុងឆាកនយោយបាយដ៏សកម្មនោះទេ នាងក៏បានធ្វើសកម្មភាពសង្គមជាច្រើន ផងដែរ ។
ពីដំបូងធី សុវណ្ណថា ប្រឡូកក្នុងឆាកនយោបាយជាមួយអតីតគណបក្សសង្គ្រោះជាតិ តែក្រោយមកបានចូលរួមជាមួយគណបក្សប្រជាជនកម្ពុជាវិញ ។
កញ្ញាធី សុវណ្ណថា បានផ្តើមចេញពីការប្រឡូកក្នុងឆាកនយោបាយ តែនាងក៏បានឈានជើងចូលក្នុងវិស័យសិល្បៈផងដែរ ជាក់ស្តែងបានថតពាណិជ្ជកម្មឲ្យសម្អាងការមួយចំនួន ព្រមទាំងបានប្រឡងជាប់ជ័យលាភីក្នុងកម្មវិធី Queen of the Spa រៀបចំនៅប្រទេសកូរ៉េ ។ សុវណ្ណថាបានប្រើប្រាស់ប្រាក់រង្វាន់ពីការប្រឡងសម្រស់នោះសាងសង់ផ្លូវជនបទជូនអ្នកភូមិដើម្បីជាប្រយោជន៍សង្គមទូទៅ ។
រូបថតមួយសន្លឹកអមនឹងខ្លឹមសារបញ្ជាក់ពីការត្រៀមឈានចូលពិធីរៀបអាពាហ៍ពិពាហ៍របស់ធី សុវណ្ណថាជាមួយនឹងគូសេ្នហ៍លោក ផែ សុវណ្ណារិទ្ធ ត្រូវអ្នកគាំទ្ររូបនាងចាប់ពីមន្ត្រីរាជការ និងមហាជនទូទៅចូលរួមអបអរសាទរ ។
ធី សុវណ្ណថា ឲ្យដឹងថាពិធីមង្គលការនាងបើមិនអំឡុងខែចេត្រឆ្នាំក្រោយ ក៏ចុងឆ្នាំក្រោយដែរ ដោយពេលនេះនាងកំពុងគន់គូររើសពេលា។
ធី សុវណ្ណថា ឲ្យដឹងថាអនាគតស្វាមីនាងមានបងប្អូន៤នាក់ ស្រី៣ ក្នុងនោះលោកជាកូនទី១ ។ «មង្គលការយើងគ្រោងរៀបចំឲ្យប្លែកដែរដើម្បីសិរីសួស្តី ។ ក្រោយរៀបការរួចនាងខ្ញុំនៅតែប្រឡូកកិច្ចការនយោបាយ និងសង្គមមនុស្សធម៌ដូចនៅលីវ មិនអាចបោះបង់ចោលទៅណាឡើយ ។
ចំពោះរឿងយកកូនគឺមិនកំណត់ថាពន្យារពេលទេ បើមានគឺយក ហើយក៏មិនកំណត់ថាកូន២ ឬ៣លែងយកទេ គឺឲ្យតែមាន នាងខ្ញុំសុខចិត្តពពោះព្រោះស្រឡាញ់ក្មេង»៕
ចែករំលែកព័តមាននេះ