ក្រុងព្រះសីហនុយ៉ាងណាហើយពេលនេះ?
- ភ្នំពេញ
រាជធានីភ្នំពេញ ៖ ក្រសួងមហាផ្ទៃសម្រេចបង្កើតគណៈកម្មការចំពោះកិច្ចការ ឬក្រុមការងារ ដើម្បីតាមដានសកម្មភាពដែលកើតមាននៅក្រុងព្រះសីហនុ ។ នេះបើតាមសម្តេច ក្រឡា ហោម សខេង…
រាជធានីភ្នំពេញ ៖ ក្រសួងមហាផ្ទៃសម្រេចបង្កើតគណៈកម្មការចំពោះកិច្ចការ ឬក្រុមការងារ ដើម្បីតាមដានសកម្មភាពដែលកើតមាននៅក្រុងព្រះសីហនុ ។ នេះបើតាមសម្តេច ក្រឡា ហោម សខេង…
រាជធានីភ្នំពេញ ៖ ក្រសួងមហាផ្ទៃសម្រេចបង្កើតគណៈកម្មការចំពោះកិច្ចការ ឬក្រុមការងារ ដើម្បីតាមដានសកម្មភាពដែលកើតមាននៅក្រុងព្រះសីហនុ ។ នេះបើតាមសម្តេច ក្រឡា ហោម សខេង ឧបកនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ។
ផ្តល់បទសម្ភាសន៍ជាមួយអ្នកសារព័ត៌មានក្រោយកិច្ចប្រជុំពិភាក្សាការងារជាមួយប្រធានគណៈកម្មាធិការទី៤ នៃរដ្ឋសភាដឹកនាំដោយលោកហ៊ុន ណេង នៅថ្ងៃទី១៨ ខែតុលា ឆ្នាំ២០១៨ នៅទីស្តីការក្រសួង សម្តេចក្រឡាហោម ស ខេង ថា ក្រុមការងារ ឬគណៈកម្មការ ចំពោះកិច្ចនេះមិនដើរតួនាទីជាសមត្ថកិច្ចនៅកន្លែងនោះទេ គ្រាន់តែចូលរួមពិគ្រោះយោបល់តែប៉ុណ្ណោះ ពោល គឺសេចក្ដីសម្រេច គឺសមត្ថកិច្ចខេត្តព្រះសីហនុសម្រេចដដែល ។ សម្តេចបញ្ជាក់ថា «ខ្ញុំមិនឲ្យទៅរហូតទេ គ្រាន់តែឲ្យទៅពី ឬបីថ្ងៃ ដើម្បីស្តាប់សភាពការណ៍ រួចហើយធ្វើការផ្លាស់ប្តូរយោបល់ពីបញ្ហាប្រឈមនានា រួចហើយដោះស្រាយ ។
ក្នុងករណីដោះស្រាយមិនបានរាយការណ៍មកក្រសួង ។ បើក្រសួងដោះបានដោះ ! បើដោះមិនមែនរាយការណ៍ទៅ ប្រមុខរាជរដ្ឋាភិបាល » ។ សម្តេចក្រឡាហោម ស ខេង ក៏បានឲ្យដឹងថា បញ្ហាដែលកើតឡើងនៅក្នុងក្រុងព្រះសីហនុ គឺជាបញ្ហាដែលកើតឡើងថ្មី ហើយប្រឈមមួយថ្មីដែលពីមុនមកកម្ពុជាមិនដែលជួបប្រទះ ។ ប៉ុន្តែស្ថានការណ៍នេះមិនអាចនិយាយថា កម្ពុជាកុងត្រូលមិនបាននោះទេ ។
សម្តេចបញ្ជាក់ថា ៖«បញ្ហានៅទីនោះខ្ញុំឃើញមានបទល្មើសគ្រឿងញៀន, បទល្មើសប្លន់ , បរិស្ថានអានាម័យ និងជម្លោះរឿងដីធ្លី ។ យើងឃើញថា ការវិនិយោគច្រើនដីឡើងថ្លៃ ធ្វើឲ្យមានជម្លោះដីធ្លីកើតមានច្រើន» ។ ទាក់ទងនឹងសំណួរថា មានមូលហេតុ ឬបញ្ហាច្រើនបានជាប្រជាពលរដ្ឋលែងទៅក្រុងព្រះសីហនុ ? សម្ដេច ស ខេង បានបញ្ជាក់ថា «ដោយសាររឿងហ្នឹងហើយ បានជាយើងរៀបចំឲ្យមានក្រុមការងារទៅ ដើម្បីជួយបញ្ហាអស់នឹង ប៉ុន្ដែខ្ញុំជឿថា ប្រជាជនមួយចំនួន ប៉ុន្ដែប្រជាជនភាគីច្រើនមិនទាន់មានអីដែរទេ ។ មួយចំនួនគាត់បារម្ភអាហ្នឹង គឺ ដោយសារ គិតពីការបារម្ភរបស់គាត់ហ្នឹងហើយបានជាយើងយកចិត្តទុកដាក់បញ្ហាហ្នឹង ហើយសៀមរាប ខ្ញុំមិនបានបញ្ជូនទៅទេ បញ្ជូនទៅកំពង់សោមតើ » ។ ជាមួយគ្នានោះសម្ដេចបន្ថែមថា រហូតមកដល់ពេលនេះខេត្តព្រះសីហនុមិនមានបញ្ហាណាមួយធំដុំដោះស្រាយមិនចេញនោះទេ ។ បញ្ហានៅខេត្តព្រះសីហនុសំខាន់ជាងគេ រួមមាន បទល្មើសគ្រឿងញៀន ប្លន់ ការតាមសម្លាប់គ្នាជាដើម ។ ចំណែកបរិស្ថាន អនាម័យវិញក៏មិនទាន់ធ្ងន់ធ្ងរដែរ ។
សូមរឮកថា ក្នុងកម្មវិធីជួបសំណេះសំណាលជាមួយនាយនគរបាលជាន់ខ្ពស់ និងនាយ កនគរបាលនៃអគ្គនាយកដ្ឋានអន្ដោប្រវេសន៍ កាលថ្ងៃទី១៣ កញ្ញា នាយឧត្តមសេនីយ៍សន្ដិ បណ្ឌិត សុខផល រដ្ឋលេខាធិការក្រសួងមហាផ្ទៃបានថ្លែងថា នៅចុងឆ្នាំ២០១៨នេះ ជនជាតិចិននឹងមកកម្ពុជាប្រមាណជាង៥ម៉ឺននាក់ ដើម្បីប្រកបអាជីវកម្មផ្សេងៗ ខណៈកម្ពុជាមានថៅកែចិនកំពុងសាងសង់អាគារធំៗជាច្រើន ហើយគោលដៅសំខាន់ៗដែលចិនឆ្ពោះមកនោះ គឺនៅរាជធានីភ្នំពេញ ខេត្តព្រះសីហនុ និងខេត្តសៀមរាប ។
សូមបញ្ជាក់ថា ខេត្តព្រះសីហនុនាពេលខាងមុខនឹងក្លាយជាទីក្រុងដែលពោរពេញទៅដោយការអភិវឌ្ឍន៍ដូចទីក្រុងភ្នំពេញបច្ចុប្បន្ននេះដែរ ។ គេសង្កេតឃើញថា កាលពេលថ្មីៗកន្លងមកនៅក្នុងខេត្តព្រះសីហនុមានបញ្ហាកើតឡើងជាហូរហែរភាគច្រើនបណ្តាលមកពីជនបរទេស ក្នុងជនជាតិចិនភាគច្រើន ។ ដោយសារតែខេត្តព្រះសីហនុបច្ចុប្បន្នក្លាយជាតំបន់កំពុងអភិវឌ្ឍន៍ និងវិនិយោគយ៉ាងខ្លាំងក្លាដែលភាគច្រើនវិនិយោគដោយជាជនជាតិចិន ហើយមានជន ជាតិចិនមួយចំនួនបានបង្កបញ្ហាឥតឈប់ឈរធ្វើឲ្យប្រជាពលរដ្ឋទៅដំណើរកម្សាន្ដនៅខេត្តព្រះសីហនុមានការភ័យខ្លាចទើបក្រសួងមហាផ្ទៃបង្កើតក្រុមការងារ ដើម្បីដោះស្រាយបញ្ហា នានានៅខេត្តព្រះសីហនុ ៕
ចែករំលែកព័តមាននេះ