រាជធានីភ្នំពេញ ៖ ក្នុងគោលបំណងលើកកម្ពស់វិស័យការងារនៅកម្ពុជាឲ្យកាន់តែមានភាពល្អប្រសើរបន្ថែមទៀតក្រសួងការងារ និងភាគីពាក់ព័ន្ធបានពិភាក្សារៀបចំកម្មវិធីការងារសមរម្យប្រចាំប្រទេសកម្ពុជា ឆ្នាំ២០១៩-២០២៣ ។ លោកអ៊ិត សំហេង រដ្ឋមន្ត្រីក្រសួងការងារបានលើកឡើងថា ក្នុងកិច្ចប្រជុំនាព្រឹកថ្ងៃទី១៨…
រាជធានីភ្នំពេញ ៖ ក្នុងគោលបំណងលើកកម្ពស់វិស័យការងារនៅកម្ពុជាឲ្យកាន់តែមានភាពល្អប្រសើរបន្ថែមទៀតក្រសួងការងារ និងភាគីពាក់ព័ន្ធបានពិភាក្សារៀបចំកម្មវិធីការងារសមរម្យប្រចាំប្រទេសកម្ពុជា ឆ្នាំ២០១៩-២០២៣ ។
លោកអ៊ិត សំហេង រដ្ឋមន្ត្រីក្រសួងការងារបានលើកឡើងថា ក្នុងកិច្ចប្រជុំនាព្រឹកថ្ងៃទី១៨ តុលាឆ្នាំ២០១៨នេះថា កិច្ចប្រជុំមានគោលបំណងចែករំលែកនូវលទ្ធផលនៃសិក្ខាសាលាពិគ្រោះយោបល់ថ្នាក់ជាតិលើកទី១ តម្រង់ទិសកម្មវិធីការងារសមរម្យសម្រាប់ប្រទេសកម្ពុជាឲ្យស្របនឹងក្របខណ្ឌអភិវឌ្ឍន៍ជាតិ (យុទ្ធសាស្ត្រចតុកោណ-ដំណាក់កាលទី៤ របស់រាជរដ្ឋាភិបាលកម្ពុជានីតិកាលទី៥ នៃរដ្ឋសភា និងផែនការយុទ្ធសាស្ត្រអភិវឌ្ឍន៍ជាតិឆ្នាំ២០១៩-២០២៣) និងរបៀបវារៈសម្រាប់ការអភិវឌ្ឍប្រកបដោយចីរភាពរបស់អង្គការសហប្រជាជាតិឆ្នាំ២០៣០(គោលដៅអភិវឌ្ឍន៍ប្រកបដោយចីរភាព និងគោលដៅអភិវឌ្ឍន៍ប្រកបដោយចីរភាពរបស់ប្រទេសកម្ពុជា ។
ដោយមានភាគីពាក់ព័ន្ធចូលរួមយ៉ាងច្រើនលោករដ្ឋមន្ត្រីបានថា កិច្ចប្រជុំក៏កំណត់អំពីអាទិភាពជាគន្លឹះ និងការធ្វើបទបង្ហាញ ដើម្បីអាចឈានទៅកំណត់នូវផែនទីបង្ហាញផ្លូវមួយសម្រាប់កិច្ចអភិវឌ្ឍន៍កម្មវិធីការងារសមរម្យសម្រាប់ប្រទេសកម្ពុជាដែលកម្មវិធីការងារសមរម្យនេះត្រូវរៀបចំឱ្យស្របទៅតាមរយៈពេលអាណត្តិទី៦ នៃរាជរដ្ឋាភិបាលដែលមាន រយៈពេល៥ឆ្នាំ ឆ្នាំ២០១៩-២០២៣ ។
លោកបន្ថែមថា កម្មវិធីការងារសមរម្យសម្រាប់ប្រទេសកម្ពុជា ឆ្នាំ២០១៩-២០២៣នេះត្រូវទាមទារការចូលរួមអនុវត្តពីគ្រប់ភាគីពាក់ព័ន្ធដែលបានកំណត់ច្បាស់ថា ការងារសមរម្យ គឺជាមជ្ឈមណ្ឌលសម្រាប់ការប្រមូលផ្តុំកិច្ចខិតខំនានា ដើម្បីលុបបំបាត់ភាពក្រីក្រ និងជាមធ្យោ បាយសម្រាប់សម្រេចបានកិច្ចអភិវឌ្ឍន៍ប្រកបដោយនិរន្តរភាព សមធម៌ និងបរិយាប័ន្ន ដែលជាកត្តាគន្លឹះបង្កើតឱ្យមានឱកាសការងារ ផលិតភាព ផ្តល់ចំណូលត្រឹមត្រូវ កន្លែងធ្វើការមានសុវត្ថិភាព និងមានការគាំពារសង្គមសមស្របតាមដំណាក់កាលនីមួយៗនៃកិច្ចអភិវឌ្ឍន៍ប្រទេសកម្ពុជា ។ លោករដ្ឋមន្ត្រីក៏បានកលើកឡើងកិច្ចប្រជុំនេះបានកំណត់អាទិភាពចំនួន៣ ប្រមូលផ្តុំទៅលើទី១ លើកកម្ពស់ទំនាក់ទំនងវិជ្ជាជីវៈ និងសិទ្ធិការងារ ២.ការធ្វើឱ្យប្រសើរឡើង បរិយាកាសការងារដែលបង្កឱ្យមានកំណើនការងារសមរម្យ និងសហគ្រាសដែលប្រកបដោយ ស្ថេរភាពដោយយកចិត្តទុកដាក់ចំពោះយុវជន និង៣ . ការលើកកម្ពស់ និងការពង្រីកការគាំពារសង្គម និងអនាម័យ និងសុវត្ថិភាពការងារ ។
លោករដ្ឋមន្ត្រីបានលើឡើកទៀត ការរៀបចំកម្មវិធីការងារសមរម្យសម្រាប់ប្រទេសកម្ពុជាឆ្នាំ២០១៩-២០២៣នេះ គឺជាតម្រូវការចាំបាច់ និងត្រូវរៀបចំឲ្យមានភាពប្រទាក់ក្រឡាគ្នាទៅនឹងក្របខណ្ឌអភិវឌ្ឍន៍ជាតិក៏ដូចជា យុទ្ធសាស្ត្រចតុកោណ-ដំណាក់កាលទី៤ របស់រាជរដ្ឋាភិបាល កម្ពុជានីតិកាលទី៦ នៃរដ្ឋសភា ដើម្បីកំណើនការងារសមធម៌ និងប្រសិទ្ធភាពនៅកម្ពុជា និងផែនការយុទ្ធសាស្ត្រអភិវឌ្ឍន៍ជាតិ ឆ្នាំ២០១៩-២០២៣ ។
សូមជម្រាបថា រហូតមកដល់ពេលនេះកម្ពុជាបានកសាង និងអនុវត្តនូវកម្មវិធីការងារសមរម្យបានចំនួន៤លើករួចមកហើយ ។ កម្មវិធីនេះនឹងជួយចង្អុលបង្ហាញអំពីការកំណត់អាទិភាពលើការគាំទ្រដោយផ្ដោតគោលដៅពិសេសទៅកាន់ក្រុមកម្មករដែលងាយរងគ្រោះ និងដើម្បីភ្ជាប់ការពាក់ព័ន្ធឱ្យមានប្រសិទ្ធ ភាពបំផុតនៅក្នុងចំណុចអាទិភាព អភិវឌ្ឍន៍ជាតិក្នុងការគាំទ្ររបៀ បវារៈឆ្នាំ២០៣០ សម្រាប់ការអភិវឌ្ឍដោយចីរភាព ក្នុងខណៈពេលដំណើរការរបៀបវារៈនៃការងារសមរម្យកម្រិតខ្ពស់នៅកម្ពុជា ៕
ចែករំលែកព័តមាននេះ