ពុទ្ធោ! ពន្លះគ្នាលាន់ដូចរន្ទះ និងស្លា.ប់ម្នាក់
- កំពង់ចាម
ខេត្តកំពង់ចាម ៖ ម៉ូតូម៉ាកហុងដា C 125 ពណ៌ខ្មៅមួយគ្រឿងបានពន្លះគ្នា យ៉ាងពេញទំហឹងជាមួយនឹង ម៉ូតូកង់បីលាន់ដូចរន្ទះ នៅលើផ្លូវជាតិលេខ៧ ត្រង់ចំណុចភ្លើងស្តុបលំហែរ…
ខេត្តកំពង់ចាម ៖ ម៉ូតូម៉ាកហុងដា C 125 ពណ៌ខ្មៅមួយគ្រឿងបានពន្លះគ្នា យ៉ាងពេញទំហឹងជាមួយនឹង
ម៉ូតូកង់បីលាន់ដូចរន្ទះ នៅលើផ្លូវជាតិលេខ៧ ត្រង់ចំណុចភ្លើងស្តុបលំហែរ ស្ថិតនៅភូមិបឹងស្នាយ
សង្កាត់សំបួរមាស ក្រុងកំពង់ចាម ។ ហេតុការណ៍នោះកើតឡើង នៅវេលាម៉ោង១០និង៣០នាទីយប់ថ្ងៃទី១៧ តុលា ២០១៨ បណ្តាលឲ្យស្លាប់ម្នាក់ និងរបួសធ្ងន់ចំនួន០២នាក់ ត្រូវបានបញ្ជូនមកសង្គ្រោះនៅមន្ទីរពេទ្យខេត្តជាបន្ទាន់ផងដែរ ។
នគរបាលចរាចរណ៍ក្រុងកំពង់ចាមបានឲ្យដឹងថា អ្នកដែលស្លាប់នៅក្នុងហេតុការណ៍នោះឈ្មោះ គា
ហុងឆៃ ភេទប្រុស អ្នកបើកប៉ូតូម៉ាក C125 និងរងរបួសធ្ងន់២នាក់ទៀត កម្រិតធ្ងន់ គឺ១- ឈ្មោះ ញិល តារា ភេទប្រុស អាយុ៣២ឆ្នាំ នៅភូមិចំបក់ ឃុំចំបក់ ស្រុកព្រៃឈរ អ្នកបើកម៉ូតូកង់បី ២-ឈ្មោះ កាក់
សេងហួរ ភេទប្រុស អាយុ១៩ឆ្នាំ នៅភូមិតំបែរ ឃុំតំបែរ ស្រុកតំបែរ ខេត្តត្បូងឃ្មុំ ជាអ្នកជិះម៉ូតូ C125 ។
នគរបាលចរាចរណ៍ប្រាប់បន្តថា នៅពេលមុនកើតហេតុម៉ូតូបានបើកបរក្នុងទិសដៅពីលិចមកកើតតាម
បណ្តោយផ្លូវជាតិ ដោយមិនបានពាក់មួកសុវត្ថិភាពនោះទេ ស្របពេលដែលជិះមកដល់ត្រង់ចំណុចភ្លើងស្តុបលំហែរក៏បានបុកជាមួយនឹងម៉ុតូកង់បី ពេញទំហឹង ក្នុងទិសដៅច្រាសទិសគ្នា សុទ្ធតែមិនបានពាក់មួកសុវត្ថិភាពដូចគ្នា បណ្តាលឲ្យមនុស្សផ្លោងចេញពីម៉ូតូរាងៗខ្លួន ។ ក្នុងនោះស្លាប់ម្នាក់ភ្លាមៗអ្នកជិះម៉ូតូម៉ាក C125 និងអ្នកជិះពីក្រោយរងរបួសធ្ងន់ និងអ្នកបើកបរម៉ូតូកង់បីបានរងរបួសធ្ងន់ដែរ ។
ប្រជាពលរដ្ឋបានរាយការណ៍មកសមត្ថកិច្ចជំនាញក៏ប្រញាប់ចុះដល់កន្លែងកើតហេតុ និងបានហៅរថយន្តសាមុយមកដឹកអ្នករងគ្រោះមកសង្គ្រោះនៅមន្ទីរពេទ្យខេត្ត ។ ចំណែកសពត្រូវបានប្រគល់ជូនសាច់ញាតិយកទៅធ្វើបុណ្យតាមប្រពៃណី ហើយវត្ថុតាងត្រូវបាននាំមករក្សាទុក នៅអធិការដ្ឋាននគរបាលក្រុងកំពង់ចាម ដើម្បីដោះស្រាយតាមផ្លូវច្បាប់ ។
សូមបញ្ជក់ថា កន្លងទៅថ្មីៗនេះត្រង់ចំណុចភ្លើងស្តុបផ្សារញ៉ែ ស្ថិតនៅភូមិទី៧ សង្កាត់កំពង់ចាម ក្រុងកំ
ពង់ចាម នៅវេលាយប់អធ្រាត្រមានរថយន្តម៉ាកហាយឡែនឌ័រមួយគ្រឿង ពណ៌ទឹកប្រាក់ បើកបរដោ
យជនមិនស្គាល់ឈ្មោះបានបុកជាមួយនឹងរថយន្តមួយគ្រឿងទៀត បណ្តាលឲ្យរងការខូចខាតរថយន្តទាំង២គ្រឿងកម្រិតធ្ងន់ ។ មូលហេតុត្រូវបាននគរបាលចរាចរណ៍ប្រាប់ថា មកពីរថយន្តហាយឡែនឌ័រប្រើប្រាស់ល្បឿនលឿនបណ្តាលឲ្យក្រឡាប់ខ្លួនឯងថែមទៀត នៅមុខផ្ទះរបស់យាយលាង ៕
ចែករំលែកព័តមាននេះ