ខេត្តកំពង់ឆ្នាំង៖ ត្រឹមតែរយៈពេលពេលជាង៣ម៉ោងប៉ុណ្ណោះ សមត្ថកិច្ចនគរបាលចរាចរណ៍ ក្រុងនិងខេត្ត កំពង់ឆ្នាំង បានដាក់កន្លែងត្រួតពិនិត្យ៣គោលដៅ ហើយចាប់ឃាត់អ្នកជិះម៉ូតូអត់ពាក់មួកសុវត្ថិភាព អត់ដាក់កញ្ចក់មើលក្រោយ និងជិះម៉ូតូបញ្ច្រា សទិស បានចំនួនជាង៦០នាក់ ដើម្បីធ្វើការផាកពិន័យទៅតាមផ្លូវច្បាប់ ។ នេះអាចបញ្ជាក់បានថា អ្នកធ្វើដំណើរមួយចំនួន នៅតែមិនទាន់គោរពច្បាប់ចរាចរណ៍អោយបានត្រឹមត្រូវនៅឡើយ ។
លោកអនុសេនីយ៍ឯក ម៉ុយ អុីម ប្រធានផ្នែកនគរបាលចរាចរណ៍ ក្រុងកំពង់ឆ្នាំងបានអោយដឹងថា៖ នៅព្រឹកថ្ងៃទី១៧ ខែតុលា នេះក្រុមសមត្ថកិច្ចរបស់លោកបានដាក់ប៉ុស្តិ៍ត្រួតពិនិត្យពង្រឹងច្បាប់ចរាចរណ៍ នៅមុខធនាគារខេត្ត ក្នុងសង្កាត់ប្អេរ ជាលទ្ធផលក្នុងរយៈពេល៣ម៉ោង ផាកពិន័យអ្នកជិះម៉ូតូអត់ពាក់មួកសុវត្ថិភាពនិងអត់កញ្ចក់មើលក្រោយ បានជាង២០នាក់ ។ ដោយតាមច្បាប់អ្នកអត់ពាក់មួកសុវត្ថិភាពផាក១៥.០០០រៀល រួមនិងអត់ដាក់កញ្ចក់មើលក្រោយសរុប២០.០០០រៀល ។
លោកវរៈសេនីយ៍ឯក ឈឹម សារុន នាយការិយាល័យគរបាលចរាចរណ៍ផ្លូវគោកខេត្តកំពង់ឆ្នាំងបានអោយដឹងថា នៅព្រឹកថ្ងៃទី១៧ ខែតុលានេះ ក្រៅពីសមត្ថកិច្ចនគរបាលចរាចរណ៍ ក្រុងកំពង់ឆ្នាំង ឈរជើង នៅមុខធនាគារ១គោលដៅ គឺមានសមត្ថកិច្ចនគរបាលខេត្តឈរជើង ២គោលដៅទៀត គឺនៅមុខមន្ទីរប្រៃស ណីយ៍និងទូរគមនាគមន៍ខេត្ត មួយគោលដៅ បានដាក់ប៉ុស្តិ៍ត្រួតពិនិត្យចាំឃាត់ស្ទាក់ចាប់អ្នកជិះម៉ូតូបញ្ច្រាសទិសពីផ្សារលើសំដៅមកលើសាលាខេត្ត និង គោលដៅទី៣ គឺដាក់ប៉ុស្តិ៍ត្រួតពិនិត្យនៅមុខមន្ទីរសុរិ យោដីខេត្ត ។
ជាលទ្ឋផល ទាំង៣ក្រុមខាងលើ ក្នុងរយៈពេល៣ម៉ោង ផាកពិន័យអ្នកជិះម៉ូតូអត់ពាក់មួយសុវត្តិភាព អត់កញ្ចក់មើលក្រោយ និងជិះម៉ូតូបញ្ច្រាសទិស សរុបបានជាង៦០នាក់ ។
លោកបានបញ្ជាក់ថា ក្នុងកិច្ចប្រតិបត្តិការប្រចាំខែតុលា គិតចាប់ពីថ្ងៃទី១៧ ខែកញ្ញា ដល់ថ្ងៃទី១៤ ខែតុលា ៖ នគរបាលចរាចរណ៍គ្រប់ក្រុងស្រុកទាំង៨ ត្រួតពិនិត្យយានយន្តល្មើលច្បាប់និងធ្វើការផាកពិន័យ បានចំនួន៣៤៥គ្រឿង ស្មើនិងទឹកប្រាក់សរុបចំនួន៥.៦៣៥.០០០រៀល ។
ចំណែកគ្រោះថ្នាក់ចរាចរណ៍កើតឡើងមាន ៨ ករណី បណ្តាលអោយស្លាប់៤នាក់ ប្រុសទាំង៤នាក់ របួស១៣ នាក់ ស្រី៦នាក់ ប្រៀបធៀបខែតុលា ឆ្នាំ២០១៧ កើនឡើង៦ករណី កើនអ្នកស្លាប់១១នាក់ របួសកើនឡើង១១នាក់។ មូលហេតុនៃគ្រោះថ្នាក់ខាងលើនេះបណ្តាលមកពី៖ បើកបរ ក្នុងល្បឿនលឿន២ករណី បើកជែងក្នុងស្ថានភាពគ្រោះថ្នាក់៣ករណី បើកប្តូរគន្លងមិនប្រយ័ត្ន២ករណី មិនពាក់មួកសុវត្តិភាព៧ករណី និងកត្តាផ្សេងៗ១ករណី ៕
ចែករំលែកព័តមាននេះ