ឃើញសង្ស័យ ជិះម៉ូតូដេញតាមរហូតដល់ផ្លូវទាល់ច្រកបោះបាវចោល
- កណ្តាល
ខេត្តកណ្តាល ៖ នៅល្ងាចថ្ងៃទី១៧ តុលា ២០១៨ លោក ផូង វណ្ណ ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លូនក្រុមចោរនាំគ្នាលួចម៉ូទ័រ…
ខេត្តកណ្តាល ៖ នៅល្ងាចថ្ងៃទី១៧ តុលា ២០១៨ លោក ផូង វណ្ណ ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លូនក្រុមចោរនាំគ្នាលួចម៉ូទ័រ ដាក់ពន្ធនាគារបណ្តោះអាសន្នពីបទ«លួច» ដែលប្រព្រឹត្តនៅភូមិអង្គរជ័យ ឃុំបន្ទាយដែក ស្រុកកៀនស្វាយ ខេត្តកណ្តាល កាលពីវេលាម៉ោង៩និង១៥នាទី ថ្ងៃទី១៥ តុលា២០១៨ តាមមាត្រា៣៥៣ មាត្រា៣៥៦ នៃក្រមព្រហ្មទណ្ឌ។ បទល្មើសនេះត្រូវផ្តន្ទាទោសពី៦(ប្រាំមួយ)ខែ ទៅ៣(បី)ឆ្នាំ និងពិន័យជាប្រាក់១.០០០.០០០ (មួយលាន)រៀល ទៅ៦.០០០.០០០ (ប្រាំមួយលាន)រៀល។
ជនត្រូវចោទទី១-ឈ្មោះ សំ គន្ធា ភេទប្រុស អាយុ២២ ឆ្នាំ មុខរបរមិនពិតប្រាកដ ២-ឈ្មោះ សុក មករា ភេទប្រុអាយុ២១ឆ្នាំ មុខរបរមិនពិតប្រាកដ ៣-ឈ្មោះ សុក វិន ភេទប្រុស អាយុ២២ឆ្នាំ មុខរបរមិនពិតប្រាកដ ។ អ្នកទាំងបីនាក់មានទីលំនៅភូមិអង្គរជ័យ ឃុំបន្ទាយដែក ស្រុកកៀនស្វាយ ខេត្តកណ្តាល។
ជនរងគ្រោះឈ្មោះស្រៀន សុខុន ភេទស្រី អាយុ៤៩ឆ្នាំ ជនជាតិខ្មែរ មានទីលំនៅភូមិអង្គរជ័យ ឃុំបន្ទាយដែកស្រុកកៀនស្វាយ ខេត្តកណ្តាល មុខរបរកសិករ ។
នគរបាលស្រុកកៀនស្វាយបានអោយដឹងថា នៅវេលាម៉ោងកើតខាងលើ កូនជនរងគ្រោះបានដើរទៅកន្លែងបូមទឹក ពេលទៅដល់ស្រាប់តែបាត់ម៉ូទរ័បូមទឹក ពេលនោះក៏បានដើររកម៉ូទ័រ ហើយបានឃើញឈ្មោះ សំ គន្ធា ភេទប្រុស អាយុ២២ឆ្នាំ ជិះម៉ូតូមានដាក់បាវពីមុខ ដោយមានការសង្សយ័ក៏ជិះម៉ូតូដេញតាមមក ដល់ផ្លូវទាល់ច្រក ឈ្មោះសំ គន្ធា បានបោះបាវនោះចោល ក៏ទៅមើលឃើញថាពិតជាម៉ូទ័ររបស់ខ្លួនក៏បានផ្តល់ព័ត៍មានដល់កំលាំងប៉ុស្តិ៍នគរបាលរដ្ឋបាលបន្ទាយដែកដើម្បីឃាត់ខ្លួនជនសង្ស័យទាំងនោះតែ
ម្តង ។
ក្រោយពីទទួលបានពត៍មានកំលាំងប៉ុស្តិ៍ បន្ទាយដែកបានចុះទៅដល់កន្លែងកើតហេតុសួរនាំឈ្មោះ សំ គន្ធា បានសារភាពថា ខ្លួនរួមគ្នា៣នាក់ទៀតដូចមានឈ្មោះខាងលើពិតជាបានលួចម៉ូទរ័បូមទឹកប្រាកដមែន ។
ជនសង្ស័យត្រូវបានបញ្ជូនមកអធិការដ្ឋាននគរបាលស្រុកដើម្បីបន្តចាត់ការតាមនីតិវិធី៕
ចែករំលែកព័តមាននេះ