ខេត្តមណ្ឌលគិរី ៖ ចៅក្រមស៊ើបសួរសាលាដំបូងខេត្តបានសម្រេចដោះលែងជនជាប់ចោទម្នាក់ភ្លាមៗ ក្រោយពេលនគរបាលចាប់បញ្ជូនទាំងសំណុំរឿងកាលពីថ្ងៃទី១៤ ខែតុលា ទៅកាន់សាលាដំបូង ។ ការសម្រេចរបស់ចៅក្រមស៊ើបសួរដោះលែងជនជាប់ចោទនេះ ធ្វើឲ្យមន្ត្រីនគរបាលនិងព្រះរាជអាជ្ញារង អមសាលាដំបូងខេត្ត…
ខេត្តមណ្ឌលគិរី ៖ ចៅក្រមស៊ើបសួរសាលាដំបូងខេត្តបានសម្រេចដោះលែងជនជាប់ចោទម្នាក់ភ្លាមៗ ក្រោយពេលនគរបាលចាប់បញ្ជូនទាំងសំណុំរឿងកាលពីថ្ងៃទី១៤ ខែតុលា ទៅកាន់សាលាដំបូង ។ ការសម្រេចរបស់ចៅក្រមស៊ើបសួរដោះលែងជនជាប់ចោទនេះ ធ្វើឲ្យមន្ត្រីនគរបាលនិងព្រះរាជអាជ្ញារង
អមសាលាដំបូងខេត្ត ជាពិសេស គ្រួសារជនរងគ្រោះមានការមិនពេញចិត្តចំពោះការអនុវត្តនីតិវិធីរបស់ចៅក្រមស៊ើបសួរនៃសាលាដំបូងខេត្ត ខណៈជនរងគ្រោះកំពុងស្ថិតក្នុងស្ថានភាពធ្ងន់ធ្ងរនៅមន្ទីរពេទ្យ ។
លោកឧត្តមសេនីយ៍ត្រី សូ សុវណ្ណ ស្នងការរងនគរបាលឲ្យដឹងថា «ក្រោយពេលលោកចៅក្រមស៊ើបសួរសាលាដំបូងខេត្ត ដោះលែងជនសង្ស័យក្នុងករណីអំពើហិង្សាដោយចេតនាឲ្យនៅក្រៅឃុំ វាជាអំពើស្តែងឲ្យឃើញនូវភាពអយុត្តិធម៌មួយសម្រាប់ជនរងគ្រោះខ្លាំងណាស់ ដ្បិតរហូតមកដល់ពេលនេះ ជនរងគ្រោះកំពុងស្ថិតនៅក្នុងសភាពយ៉ាប់យឺុន និងក្នុងការសង្គ្រោះបន្ទាន់នៅឯមន្ទីរពេទ្យនៅឡើយ» ។
ព្រះរាជអាជ្ញានៃសាលាដំបូងខេត្ត លោក ម៉មវណ្ណដា និងជាអ្នកនាំពាក្យផងនោះ បានឲ្យដឹងនៅព្រឹកថ្ងៃទី១៦ ខែតុលាថា «ការសម្រេចឱ្យនៅក្រៅឃុំឬត្រូវឃុំ ជាឆន្ទានុសិទ្ធិរបស់ចៅក្រមស៊ើបសួរជាអ្នកសម្រេច ។ នគរបាលយុត្តិធម៌បានកសាងសំណុំរឿងត្រឹមត្រូវហើយ និងបានឃាត់ខ្លួនជនជាប់ចោទបញ្ជូនមកកាន់អយ្យការអមសាលាដំបូង ដើម្បីសាកសួរនិងធ្វើការចោទប្រកាន់តាមនីតិវិធី ។ ស្របពេលដែលបញ្ជូនជនជាប់ចោទទៅចៅក្រមស៊ើបសួរនោះ ព្រះរាជអាជ្ញាបានស្នើឲ្យមានការឃុំខ្លួនជនរូបនោះដែរ ដោយបញ្ជាក់អំពីស្ថានភាពនៃរបួសរបស់ជនរងគ្រោះ» ។
លោកព្រះរាជអាជ្ញារងបន្តថា «ចៅក្រមស៊ើបសួរមិនបានយល់ព្រមតាមការស្នើសុំរបស់ព្រះរាជអាជ្ញាទេ ថែមទាំងបានដោះលែងឲ្យនៅក្រៅឃុំ ក្រោយពីបញ្ជូនទៅដល់រយៈពេលតែជាងកន្លះថ្ងៃ ។ ក្នុងករណីនេះ ព្រះរាជអាជ្ញាបានសម្រេចប្តឹងឧទ្ធរណ៍រួចរាល់ហើយ» ។ លោក អឿន កុសល្យមុនី ចៅក្រមស៊ើបសួរនៃសាលាដំបូងខេត្ត នាព្រឹកថ្ងៃទី១៦ ខែតុលា បានបញ្ជាក់ខ្លីថា «បានដោះលែងជនសង្ស័យឲ្យនៅក្រៅឃុំ
មែន តែបានកំណត់ឲ្យស្ថិតក្នុងការត្រួតពិនិត្យតាមផ្លូវតុលាការ» ។
សូមរំឭកថា គ្រូបង្រៀនជនជាតិដើមភាគតិចម្នាក់ ដោយទប់កំហឹងមិនបានក៏ទាញពូថៅវាយគូទំនាស់បែកក្បាលរងរបួសធ្ងន់ ដែលហេតុការណ៍នេះកើតឡើងកាលពីថ្ងៃទី១៣ ខែតុលា កន្លងទៅ វេលាម៉ោង៦និង៣០នាទីល្ងាច នៅភូមិពូរង៉ោល ឃុំមេម៉ង់ ស្រុកកែវសីមា ។លោក វ៉ាន់ ដានីន អធិការនគរបាលស្រុកកែវសីមា បានឲ្យដឹងថា «ករណីហិង្សាដោយចេតនានេះ បង្កឡើងដោយឈ្មោះ ភេទ សម្បត្តិ ភេទប្រុស អាយុប្រហែល២៥ឆ្នាំ ជនជាតិព្នងនិងជាគ្រូបង្រៀន ។ ចំណែកជនរងគ្រោះឈ្មោះ ព្រុំ សុខណេង ភេទ
ប្រុស អាយុ៣០ឆ្នាំ ជាកសិករ រងរបួសចំក្បាលក្រោយ ។ អ្នកទាំង២នាក់ មានទីលំនៅក្នុងភូមិពូរង៉ោល ឃុំមេម៉ង់៕
ចែករំលែកព័តមាននេះ