ប្រទេសអ៊ីស្រាអែល ៖ កងយន្តហោះអ៊ីស្រាអែល កាលពីព្រឹកថ្ងៃទី១៧ តុលា បានទម្លាក់គ្រាប់បែកលើជ្រោយហ្គាហ្សា ជាការសងសឹកចំពោះការបាញ់គ្រាប់រ៉ុក្កែតរបស់ពួកប៉ាឡេស្ទីន។ នេះជាលើកដំបូងចាប់តាំងពីច្រើនសប្ដាហ៍មកហើយ ដែលមានការបាញ់គ្រាប់រ៉ុក្កែតចេញពីដែនដីប៉ាឡេស្ទីន ដាក់អ៊ីស្រាអែល…
ប្រទេសអ៊ីស្រាអែល ៖ កងយន្តហោះអ៊ីស្រាអែល កាលពីព្រឹកថ្ងៃទី១៧ តុលា បានទម្លាក់គ្រាប់បែកលើជ្រោយហ្គាហ្សា ជាការសងសឹកចំពោះការបាញ់គ្រាប់រ៉ុក្កែតរបស់ពួកប៉ាឡេស្ទីន។ នេះជាលើកដំបូងចាប់តាំងពីច្រើនសប្ដាហ៍មកហើយ ដែលមានការបាញ់គ្រាប់រ៉ុក្កែតចេញពីដែនដីប៉ាឡេស្ទីន ដាក់អ៊ីស្រាអែល ខណៈភាពតានតឹងមានកាន់តែខ្លាំង។
ក្នុងសេចក្ដីប្រកាសមួយចលនាអ៊ិស្លាមនិយមហាម៉ាស់ ដែលត្រួតត្រាជ្រោយហ្គាហ្សា ហើយដែលអ៊ីស្រាអែល ទម្លាក់ការទទួលខុសត្រូវលើការបាញ់គ្រាប់រ៉ុក្កែត បានថ្កោលទោសចំពោះការវាយប្រហារតាមអាកាសទាំងនេះរបស់អ៊ីស្រាអែល។
ម្យ៉ាងទៀតអ៊ីស្រាអែលប្រកាសពីការបិទ ក្នុងរយៈពេលមួយមិនកំណត់ច្រកទ្វារឆ្លងកាត់២ជាមួយហ្គាហ្សា ដោយពង្រឹងថែមទៀតការហ៊ុំព័ទ្ធជ្រោយហ្គាហ្សា ដែលមានច្រកឆ្លងកាត់មួយទៀតជាមួយអេហ្ស៊ីប។
នាពេលយប់គ្រាប់រ៉ុក្កែត២គ្រាប់ ត្រូវបានបាញ់ចេញពីហ្គាហ្សា ដាក់អ៊ីស្រាអែល។ គ្រាប់មួយបានធ្លាក់ចំផ្ទះគ្រួសារមួយមានកូន៣នាក់ នាំឲ្យខូចធ្ងន់ធ្ងរ។ ម្ដាយអាចដាស់ពួកកូនៗនាំរត់ទៅរកទីជម្រក។ គ្រាប់រ៉ុក្កែតមួយទៀតបានធ្លាក់ក្នុងសមុទ្រ នាដែនទឹកក្រុងតែលអាវីវចម្ងាយ៧០គីឡូម៉ែត្រខាងជើងជ្រោយហ្គាហ្សា៕
ចែករំលែកព័តមាននេះ