ខេត្តកំពង់ធំ ៖ អ្នកបើកបររថយន្តងោកមួយភាំងបានបុកជាមួយម៉ូតូជ្រុលទៅបុករទេះ បណ្តាលឱ្យមនុស្ស២នាក់ស្លាប់ របួសធ្ងន់នាក់ និងងាប់ក្របី៣ក្បាល ។ គ្រោះថ្នាក់ចរាចរណ៍នេះបានកើតឡើងកាលពីព្រឹកថ្ងៃទី ១៧ ខែតុលា…
ខេត្តកំពង់ធំ ៖ អ្នកបើកបររថយន្តងោកមួយភាំងបានបុកជាមួយម៉ូតូជ្រុលទៅបុករទេះ បណ្តាលឱ្យមនុស្ស២នាក់ស្លាប់ របួសធ្ងន់នាក់ និងងាប់ក្របី៣ក្បាល ។ គ្រោះថ្នាក់ចរាចរណ៍នេះបានកើតឡើងកាលពីព្រឹកថ្ងៃទី
១៧ ខែតុលា ឆ្នាំ២០១៨ លើកំណាត់ផ្លូវជាតិលេខ៦ ស្ថិតនៅក្នុងភូមិស្ពានគ្រង ឃុំចំណារក្រោម ស្រុកស្ទោង ខេត្តកំពង់ធំ ។
លោកវរសេនីយ៍ឯក យ៉ង សំ អធិការនគរបាលស្រុកស្ទោងបានឲ្យ កោះសន្តិភាព ដឹងថា រថយន្តបង្កម៉ាកហ៊ីយ៉ាន់ដាយ ពណ៌ស ពាក់ស្លាកលេខ ព្រះសីហនុ ៣A-៧២៥០ បើកបរដោយឈ្មោះ រឿន វណ្ណេត ភេទប្រុស អាយុ២៦ឆ្នាំ នៅភូមិចុងកៅស៊ូ ឃុំស្លរក្រាម ក្រុងសៀមរាម ខេត្តសៀមរាប ត្រូវបានឃាត់ នឹងនាំខ្លួនទៅអធិការដ្ឋាននគរបាលស្រុកស្ទោង ។
ចំណែកភាគីខាងម៉ូតូមួយគ្រឿងជិះគ្នា២នាក់ម៉ាកហុងដា ធុនC125 ពណ៌ខ្មៅ គ្មានស្លាកលេខ បើកបរដោយឈ្មោះ ពុធ ធីតា ភេទស្រី អាយុ១៨ឆ្នាំ នៅភូមិ ឃុំកើតហេតុខាងលើ បានរបួសធ្ងន់ និងអ្នករួមដំណើរឈ្មោះ ហ៊ាន តន ភេទស្រី អាយុ៧៤ឆ្នាំ ត្រូវជាជីដូន រស់នៅភូមិ ឃុំកើតហេតុខាងលើ ស្លាប់នៅកន្លែងកើតហេតុ រីឯអ្នកបររទេះក្របីឈ្មោះ កង ញន ភេទប្រុស អាយុ៦១ឆ្នាំ ជាប្តី នៅភូមិឃុំកើតហេតុខាងលើ បានរបួសធ្ងន់ និងអ្នករួមដំណើរជាប្រពន្ធឈ្មោះ ហ៊ីង លី ភេទស្រី អាយុ៦៤ឆ្នាំ បានរងរបួសធ្ងន់ ហើយក៏បានស្លាប់នៅមណ្ឌលសុខភាពបង្អែកស្ទោង ។
ប្រភពដដែលបានឱ្យដឹងថា ករណីគ្រោះថ្នាក់ចរាចរណ៍ខាងលើបង្ករឡើងដោយរថយន្តម៉ាកហ៊ីយ៉ាន់ដាយ ដែលបើកបរដោយបុរសម្នាក់ក្នុងល្បឿនលឿនបានទៅបុកម៉ូតូមួយគ្រឿងជិះគ្នា២នាក់ ហើយរថយន្តបង្កបន្តបុកចំរទេះក្របី ក្នុងទិសដៅស្របគ្នា បណ្តាលឲ្យស្លាប់មនុស្សពីរនាក់ រងរបួសធ្ងន់ពីរនាក់ ហើយងាប់ក្របីចំនួន៣ក្បាល ក្នុងនោះមានក្របីធំពីរ និងកូនក្របីមួយក្បាល ។
ក្រោយកើតហេតុ វត្ថុតាង និងអ្នកបើកបររថយន្តត្រូវបានសមត្ថកិច្ចនាំយកមកកាន់អធិការដ្ឋានស្រុក ដើម្បីចាត់ការតាមនីតិវិធីច្បាប់។
លោកអធិការបញ្ជាក់ថា គ្រោះថ្នាក់ចរាចរណ៍មូលហេតុជាបឋមបង្កឡើងដោយអ្នកបើកបររថយន្ត បើក
បរក្នុងស្ថានភាពងងុយដេក (ងោក) ហើយមានល្បឿនលឿន និងមិនប្រកាន់គន្លងរបស់ខ្លួន ចូលទៅបុកក្នុងគន្លងម៉ូតូ និងរទេះក្របី ៕
ចែករំលែកព័តមាននេះ