មិនមែនមានតែប្រុសៗទេ ពេលនេះមានទាំងស្រីៗទៀត
- ភ្នំពេញ
រាជធានីភ្នំពេញ ៖ ចោរគាស់បន្ទប់ដែលនគរបាលបង្ក្រាប និងចាប់ខ្លួនបានក្នុងពេលកន្លងមកភាគច្រើនគឺជាបុរសៗ ចំណែកឯស្ត្រីមិនសូវជាមាននោះឡើយ ប៉ុន្តែជនសង្ស័យចំនួន២នាក់ដែលត្រូវកម្លាំងនគរបាលប៉ុស្តិ៍ចោមចៅ១ឃាត់ខ្លួនបាននាពេលនេះគឺស្ត្រីដែលបានធ្វើសកម្មភាពឆ្គឹះសោបន្ទប់ជួលរបស់កម្មកររោងចក្រដើម្បីលួចទ្រព្យសម្បត្តិ ប៉ុន្តែមិនបានសម្រេចនោះឡើយ ដោយត្រូវបានប្រជាពលរដ្ឋឃើញក៏រាយការណ៍ជូននគរបាលចុះធ្វើការឃាត់ខ្លួនភ្លាមៗតែម្តង ។ ហេតុការណ៍នេះបានកើតឡើងកាលពីវេលាម៉ោង២រសៀល…
ហេតុការណ៍នេះបានកើតឡើងកាលពីវេលាម៉ោង២រសៀល ថ្ងៃទី១៧ ខែតុលា ឆ្នាំ២០១៨ នៅចំណុចបន្ទប់ជួល ក្នុងភូមិត្រពាំងថ្លឹង១ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ ។
តាមប្រជាពលរដ្ឋបានឲ្យដឹងថា នៅមុនពេលកើតហេតុម្ចាស់បន្ទប់បានចេញទៅធ្វើការហើយបានចាក់សោចោល បន្ទាប់មកស្ត្រីដែលជនសង្ស័យ២នាក់ខាងលើបានធ្វើសកម្មភាពឆ្គឹះសោបន្ទប់ចូលលួចទ្រព្យសម្បត្តិកម្មករ ប៉ុន្តែត្រូវបានអ្នកជិតខាងឃើញទាន់ក៏រាយការណ៍ទៅនគរបាលចុះទៅឃាត់ភ្លាមៗតែម្ដង ៕
ចែករំលែកព័តមាននេះ