ក្នុងដែលបានធ្វើដំណើរទៅកាន់វត្ត២កន្លែងស្ថិតក្នុងទឹកដីខេត្តតាកែវ ដើម្បីចូលរួមពិធីបុណ្យភ្ជុំបិណ្ឌ ក៏បានជួបរឿងរ៉ាវធ្វើឱ្យចាប់អារម្មណ៍ខ្លាំង ហើយក៏នៅតែមិនអស់ចិត្ត ចំពោះរឿងដែលឃើញព្រះសង្ឃទាញទូរស័ព្ទមកថត ក្រោយទទួលសាដក់សូត្រឧទ្ទិសបង្សុកូលពីពុទ្ធបរិស័ទរួចមក ។
កោះសន្តិភាពបានជួបនិងឃើញផ្ទាល់ភ្នែកថា នៅពេលដែលបានប្រគេនសាដក់ជូនដល់ព្រះសង្ឃមួយអង្គ ហើយព្រះអង្គក៏បានទទួលហើយសូត្រធម៌តាមប្រពៃណីធម្មតា ។ ប៉ុន្តែក្រោយមក ព្រះអង្គក៏បានទាញទូរស័ព្ទមកថតពុទ្ធបរិស័ទ រួមទាំងសាដក់ដែលប្រគេនដល់ព្រះអង្គនោះ មុនពេលយកមកទុក ។
ដំបូងខ្ញុំមិនសូវឆ្ងល់ថាហេតុអ្វីទេ ? ប៉ុន្តែក្រោយមក ក៏ឃើញមានពុទ្ធបរិស័ទផ្សេងទៀត មកប្រគេនសាដក់ដល់ព្រះសង្ឃអង្គនោះដូចគ្នា ហើយព្រះសង្ឃដដែលក៏ទាញទូរស័ព្ទស្មាតហ្វូតមកថតរូបដូចគ្នា មុនពេលយកទៅទុកដដែល ។
ដោយសារឃើញព្រះសង្ឃថតសែលហ្វីសាដក់ម្តងហើយម្តងទៀត ហើយកើតឡើងនៅក្នុងវត្តកន្លែងដូចគ្នាបែបនេះ ក៏បានធ្វើឱ្យខ្ញុំកាន់តែមិនយល់អំពីមូលហេតុនៃការថតបែបនេះ? ។ តើការថតសែលហ្វីនោះគឺព្រោះតែចំណូលចិត្តរបស់ព្រះសង្ឃអង្គនោះ? តើការថតសែលហ្វីសាដក់នោះ អាចមានមូលហេតុអ្វីផ្សេងពីនេះ? តើព្រះសង្ឃថតសែលហ្វី នៅពេលពិធីបុណ្យទានបែបនេះខុសឬក៏ត្រូវ?
តើមិត្តអ្នកអានកោះសន្តិភាព មានយោបល់យ៉ាងណាដែរចំពោះចម្ងល់របស់ខ្ញុំ?
ចែករំលែកព័តមាននេះ