ខេត្តព្រះសីហនុ ៖ នគរបាលអោយដឹងថា កាលពីវេលាម៉ោង៨និង៣០នាទីយប់ថ្ងៃទី១៦ ខែតុលា ឆ្នាំ២០១៨ លោកវរសេនីយ៍ត្រីហួរ យ៉ៃ អធិការរងនៃអធិការដ្ឋាននគរបាលស្រុកព្រៃនប់ បានដឹកនាំកម្លាំងចុះអនុវត្តដីកាបង្គាប់ឲ្យចាប់ខ្លួន-ឃុំខ្លួន១ច្បាប់លេខ២០៥…
ខេត្តព្រះសីហនុ ៖ នគរបាលអោយដឹងថា កាលពីវេលាម៉ោង៨និង៣០នាទីយប់ថ្ងៃទី១៦ ខែតុលា ឆ្នាំ២០១៨ លោកវរសេនីយ៍ត្រីហួរ យ៉ៃ អធិការរងនៃអធិការដ្ឋាននគរបាលស្រុកព្រៃនប់ បានដឹកនាំកម្លាំងចុះអនុវត្តដីកាបង្គាប់ឲ្យចាប់ខ្លួន-ឃុំខ្លួន១ច្បាប់លេខ២០៥ តព/១៧ ចុះថ្ងៃទី៥ ធ្នូ ២០១៧ ។
ដីកាបង្គាប់ឱ្យចាប់ខ្លួនខាងលើ ដែលចុះហត្ថលេខាដោយលោក គួន ចន្ថា ចៅក្រមស៊ើបសួរនៃសាលាដំបូងខេត្តព្រះសីហនុ គឺបានបង្គាប់ឲ្យចាប់ខ្លួន-ឃុំខ្លួនឈ្មោះ ទុយ សំអាត ហៅសេង សំអាត ភេទ ប្រុស អាយុ ២២ ឆ្នាំ មុខរបរ មិនពិតប្រាកដ មានទីលំនៅ ភូមិអូរឧកញ៉ាហេង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ពីបទអំពើលួចដោយមានស្ថានទម្ងន់ទោសដែលប្រព្រឹត្តនៅចំណុចក្រុម២ ភូមិ៦ សង្កាត់លេខ២ ក្រុង-ខេត្តព្រះសីហនុ កាលពីថ្ងៃទី ២០ តុលា ២០១៧។
ជនសង្ស័យខាងលើត្រូវបាននគរបាលចាប់ខ្លួននៅចំណុចភូមិអូរឧកញ៉ាហេង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ក្រោយពីស្វែងរកអស់រយៈពេល១០ខែមកហើយ ដោយជនសង្សយ័ខាងលើនេះបានគេចទៅលាក់ខ្លួននៅក្រុងប៉ោយប៉ែត ខេត្តបន្ទាយមានជយ័៕
ចែករំលែកព័តមាននេះ