រាជធានីភ្នំពេញ ៖ នារីម្នាក់បានរងរបួសធ្ងន់សន្លប់ស្តូកស្តឹងត្រូវបានរថយន្តសង្គ្រោះដឹកទៅព្យាបាលនៅមន្ទីរពេទ្យភ្លាមៗ ពេលនាងជិះម៉ូតូតែម្នាក់ឯងហើយត្រូវជនសង្ស័យមានគ្នា២នាក់ជិះម៉ូតូមួយគ្រឿងធ្វើសកម្មភាពឆក់កាបូបបានសម្រេច បណ្តាលឱ្យដួលបោកនឹងថ្នល់រងរបួសហើយជនសង្ស័យគេចខ្លួនបាត់ស្រមោលដោយសុវត្ថិភាព។
ហេតុការណ៍នេះបានកើតឡើងកាលពីវេលាម៉ោង៣ទៀបភ្លឺ ថ្ងៃទី១៧ ខែតុលាឆ្នាំ២០១៨ នៅចំណុចមុខវត្តស្ទឹងមានជ័យ តាមបណ្តោយផ្លូវព្រះមុន្នីរ៉េត សង្កាត់ស្ទឹងមានជ័យ១ ខណ្ឌមានជ័យ។
តាមសាក្សីអ្នកលក់សាំងដបនៅកន្លែងកើតហេតុដែលឃើញហេតុការណ៏បានប្រាប់អោយដឹងថា មុនពេលកើតហេតុ គាត់បានឃើញនារីម្នាក់ជិះម៉ូតូមួយគ្រឿងម៉ាកធូដេ ពណ៍ទឹកប្រាក់ ពាក់ស្លាកលេខ ភ្នំពញ ១CT-៧៤០៧ ធ្វើដំណើរតាមបណ្តោយផ្លូវព្រះមុនីរ៉េត ក្នុងទិសដៅពីជើងទៅត្បូង លុះមកដល់ចំណុចកើតហេតុ ។
ស្រាប់តែមានជនសង្ស័យចំនួន២នាក់ជិះម៉ូតូមួយគ្រឿងម៉ាកនិច ពណ៌ស មកពីក្រោយបានធ្វើសកម្មភាពឆក់កាបូបពីនារីរងគ្រោះ ដែលព្យួរនឹងក្បាលម៉ូតូបានសម្រេច បណ្តាលអោយនារីរងគ្រោះដួលបោកនឹងថ្នល់អូសម៉ូតូជាង១០ម៉ែត្ររងរបួសធ្ងន់សន្លប់ស្តូកស្តឹង ចំណែកជនសង្ស័យបានគេចខ្លួនបាត់ស្រមោលដោយសុវត្ថិភាព។
ក្រោយកើតហេតុ នារីរងគ្រោះត្រូវបានរថយន្តសង្គ្រោះដឹកទៅសង្គ្រោះនៅគ្លីនិកឯកជនភ្លាមៗ ចំណែកម៉ូតូត្រូវបានសមត្ថកិច្ចមកទៅរក្សាទុក រង់ចាំសាច់ញាតិយកឯកសារមកបញ្ចាក់ ដើម្បីយកម៉ូតូត្រឡប់ទៅ
វិញ ៕
ចែករំលែកព័តមាននេះ