បើយើងនិយាយពីសេចក្ដីសុខរបស់មនុស្សលោកគឹមានជាប់ទាក់ទងជាមួយនឹងការងារណាដែលប្រាសចាកទោស ការងារទុច្ចរិតប្រព្រឹត្តខុសច្បាប់ ។
តាមពិតទៅសេចក្ដីសុខព្រោះមានទ្រព្យសម្បត្តិសម្រាប់ប្រើប្រាស់ សម្រាប់បរិភោគគឺមានមិនចេះខ្វះទេ ប៉ុន្តែបើធៀបជាមួយនឹងការងារប្រាសចាកទោសវិញ សេចក្ដីសុខដែលជាប់ទាក់ទងជាមួយនឹងទ្រព្យសម្បត្តិនោះ មានទំហំតិចតួចណាស់ ចំណែកការងារប្រាស់ចាកទោសនឹងនាំមកនូវសេចក្ដីសុខដ៏ធំទូលាយ ទាំងដែលជាសេចក្ដីសុខដ៏បរិសុទ្ធទៀតផង ។
សូមមនុស្សលោកទាំងឡាយ នាំគ្នាគោរពបូជានូវការងារដែលប្រាសចាកទោស ត្រូវរក្សាខ្លួនដោយខ្លួនឯង កុំព្រោះតែប្រាក់ហ៊ានលក់ឧត្តមគតិរបស់ខ្លួន ហ៊ានធ្វើការងារទុច្ចរិតប្រកបដោយទោសនោះឲ្យសោះ ត្រូវតែធ្វើការងារដែលមិនមានទោស គឺសុចរិតប្រព្រឹត្តត្រឹមត្រូវតាមសម្មាអាជីវោ ។
សាធុជនគប្បីដឹងថា ការងារប្រាសចាកទោសគឺជាព្រះពុទ្ធមួយអង្គគង់នៅចាំជួយថែរក្សាមនុស្សណាដែលធ្វើការងារមិនមានទោស។ ការងារប្រាសចាកទោសជាអ្នកបង្កើតមនុស្សទេវតាផងដែរ។ ការងារប្រាសចាកទោសបានជួយមនុស្សដែលប្រុងធ្លាក់នរកទៅហើយឲ្យបានជាទេវតាវិញបាន ។
ចែករំលែកព័តមាននេះ