រាជធានីភ្នំពេញ ៖ ទីបំផុត លោកសួន វិសាល បានជាប់ជាប្រធានគណៈមេធាវីនៅក្នុងអាណត្តិទី១២ នេះបន្តទៀត ក្រោមសំឡេងឆ្នោតគាំទ្រចំនួន៩៣០សំឡេង ក្រោយមហាសន្និបាតគណៈមេធាវី ទើបតែបញ្ចប់នារសៀលថ្ងៃទី១៦ តុលា នេះ ។
អង្គមហាសន្និបាត ត្រូវបានប្រព្រឹត្តទៅរយៈពេលពេញមួយថ្ងៃ ដោយស្ថិតក្រោមអធិបតីភាពលោកអង្គ វង្សវឌ្ឍនា រដ្ឋមន្ត្រីក្រសួងយុត្តធម៌ ព្រមទាំងមានការចូលរួមពីសមាជិក សមាជិកាគណៈមេធាវីជាច្រើនរូបទៀតផងដែរ ។
គួរបញ្ជាក់ថា លោកសួន វិសាល បានជាប់ឆ្នោតជាប្រធានគណៈមេធាវី១អាណត្តិកន្លងមកហើយ ។ ហើយរយៈពេលដែលលោកបានដឹកនាំជាប្រធានគណៈមេធាវីចំនួន២ឆ្នាំមកនេះ គឺមានការកែទម្រង់ជាច្រើននៅក្នុងគណៈមេធាវីទាំងមូល ។ ក្នុងនោះ លោកសួន វិសាល បានទទួលការស្ងើចសរសើរច្រើនពីសមាជិក សមាជិកាពីគណៈមេធាវី ទើបលោកឈានមកជាប់ឆ្នោតជាប្រធានគណៈមេធាវីនេះបន្តទៀត ។
ចែករំលែកព័តមាននេះ