ខេត្តមណ្ឌលគិរី ៖ សេចក្តីរាយការណ៍បានឲ្យដឹងថា សមត្ថកិច្ចបង្ក្រាបបានរថយន្តដឹកឈើខុសច្បាប់១គ្រឿងទាំងព្រឹកព្រលឹម រួចបញ្ជូនឲ្យជំនាញបរិស្ថាន ករណីនេះបានធ្វើឡើងនៅវេលាម៉ោង៥និង៣០នាទីព្រឹក ថ្ងៃទី១៦ ខែតុលា ឆ្នាំ២០១៨ នៅចំណុចភូមិអូរអាម…
ខេត្តមណ្ឌលគិរី ៖ សេចក្តីរាយការណ៍បានឲ្យដឹងថា សមត្ថកិច្ចបង្ក្រាបបានរថយន្តដឹកឈើខុសច្បាប់១គ្រឿងទាំងព្រឹកព្រលឹម រួចបញ្ជូនឲ្យជំនាញបរិស្ថាន ករណីនេះបានធ្វើឡើងនៅវេលាម៉ោង៥និង៣០នាទីព្រឹក ថ្ងៃទី១៦ ខែតុលា ឆ្នាំ២០១៨ នៅចំណុចភូមិអូរអាម ឃុំស្រែខ្ទុម ស្រុកកែវសីមា ។
សេចក្តីរាយការណ៍បន្ត បច្ចុប្បន្ននៅស្រុកកែវសីមាឈ្មួញឈើនៅតែ បន្តសកម្មភាពដឹកឈើយ៉ាងអនាធិបតេយ្យដដែល ដែលសកម្មភាពទាំងនេះត្រូវបានពួកគាត់សង្ស័យថា អាចក្រុមឈ្មួញ និងមន្ត្រីសមត្ថកិច្ចដែលឈរជើងចាំដេញឡានដឹកឈើទាំងនេះត្រូវរ៉ូវគ្នា បើបង់លុយរាប់ក្បាលឡានឲ្យអាចដឹកឈើបានយ៉ាងរលូន តែបើលួច ឬគេចគឺចាប់បង្ក្រាបហើយបើនិយាយមិនត្រូវថ្លៃគ្នា គឺបញ្ជូនទៅជំនាញតែម្តង ។ សេចក្តីរាយការណ៍ថា គេឃើញមានមន្ត្រីសមត្ថកិច្ចដែលឈរជើងនៅតាមផ្លូវរួមមាននគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ មន្ត្រីអាវុធហត្ថ ទាហានដឺបេ ។
ក្នុងករណីបង្ក្រាបបទដឹកឈើខុសច្បាប់ខាងលើមន្ត្រីបរិស្ថាន មិនទាន់បានរាប់ចំនួនឈើច្បាស់លាស់នៅឡើយ រថយន្តម៉ាកសាំយ៉ុង ពណ៍សំបកឱឡឹក ស្លាកលេខភ្នំពេញ 2Q- 1363 ដឹកឈើសុក្រំ បច្ចុប្បន្នបានប្រគល់វត្ថុតាងទៅដែនជម្រកសត្វព្រៃកែសីមា ដើម្បីបន្តនីតិវិធី ៕
ចែករំលែកព័តមាននេះ