ខេត្តកំពង់ធំ ៖ រថយន្ត២គ្រឿងបានបុកគ្នា កាលពីវេលាម៉ោង៦និង៣៥នាទីល្ងាចថ្ងៃទី១៤ ខែតុលា នៅលើកំណាត់ផ្លូវជាតិលេខ៦ចំណុចផ្លូវប្រសព្វអក្សរY ស្ថិតក្នុងសំព្រោច ស្រុកស្ទោង ។ លោកវរសេនីយ៍ត្រី តាន់ ឆេងនឿន អធិការរងនគរបាលស្រុកស្ទោង ទទួលខាងសណ្តាប់ធ្នាប់និងចរាចរណ៍ថ្លែងថា រថយន្តទាំង២គ្រឿងនេះ មួយគ្រឿងជារបស់ក្រុមហ៊ុនដឹកអ្នកដំណើរមេគង្គអុិចប្រេស្ស ម៉ាកហុីយ៉ាន់ដាយ ពណ៌លឿងលាយស ពាក់ផ្លាកលេខភ្នំពេញ ៣A-១៣៦៥ធ្វើដំណើរក្នុងទិសដៅពីខាងត្បូងទៅខាង ជើង ។
អ្នកបើកបរមិនត្រូវបានស្គាល់អត្តសញ្ញាណ ព្រោះក្រោយកើតហេតុបានរត់គេចខ្លួនបាត់ ។ នៅពេលទៅដល់ចំណុចខាងលើ រថយន្តរបស់ក្រុមហ៊ុនដឹកអ្នកដំណើរនេះ ក៏បានបុកជាមួយនឹងរថយន្តសាំយ៉ុង ពណ៌
ស ពាក់ផ្លាកលេខ ភ្នំពេញ២N-១៨៤៨ ធ្វើដំណើរក្នុងទិសដៅទិសដៅផ្ទុយគ្នា បណ្តាលឲ្យស្លាប់២នាក់ គឺអ្នកបើកបររថយន្តសាំយ៉ុង ឈ្មោះ គាម តូ ភេទប្រុស អាយុ២៦ឆ្នាំ រស់នៅភូមិត្នោត ឃុំត្នោតចុងស្រង់ ស្រុកបន្ទាយមាស ខេត្តកំពត និងអ្នករួមដំណើរឈ្មោះឌិន ចន្ទថន ភេទប្រុស អាយុ៣៦ឆ្នាំ នៅភូមិពោធិ៍ខ្វិត ឃុំព្រះបាទជាន់ជុំ ស្រុកគិរីវង់ ខេត្តតាកែវ ។ ចំណែកអ្នកដំណើរដែលជិះនៅលើរថយន្តដឹកអ្នកដំណើររបស់ក្រុមហ៊ុនមេគង្គអុិចប្រេស្សជាច្រើននាក់រងរបួសស្រាល ។
ក្រោយពេលកើតហេតុ ខាងក្រុមហ៊ុនបានឲ្យរថយន្តផ្សេងមកដឹកសាងយកភ្ញៀវទាំងយប់ ។ លោកអធិ ការរងបញ្ជាក់ថា គ្រោះថ្នាក់នេះមូលហេតុជាបឋមបង្កឡើងដោយអ្នកបើកបររថយន្តក្រុងដឹកអ្នកដំណើររបស់ក្រុមហ៊ុនមេគង្គអុិចប្រេស្សបើកបរមិនប្រកាន់ស្តាំ រួមផ្សំនឹងអ្នកបើកបររថយន្តសាំយ៉ុងមានល្បឿនលឿនផង ៕
ចែករំលែកព័តមាននេះ