រាជធានីភ្នំពេញ ៖ រថយន្តកូរ៉ូឡាមួយគ្រឿងបើកបរខ្វះការប្រុងប្រយ័ត្ននៅផ្លូវកែងអក្សរតេ ក៏ត្រូវរថយន្តដឹកទំនិញចំនុះ៥តោន បានបើកជ្រុលទៅកៀរបណ្តាលអោយរងការខូចខាតយ៉ាងដំណំ ភ្លាមៗនោះដែរអ្នកបើករថយន្តដឹកទំនិញមិនព្រមឈប់ដោះស្រាយនៅនិងកន្លែងកើតហេតុនោះទេ គឺព្យាយាមបើករថយន្តរត់គេចជិត២គីឡូម៉ែត្រ ទើបខាងរថយន្តកូរ៉ូឡា ដេញឃាត់បានមកវិញ ។…
រាជធានីភ្នំពេញ ៖ រថយន្តកូរ៉ូឡាមួយគ្រឿងបើកបរខ្វះការប្រុងប្រយ័ត្ននៅផ្លូវកែងអក្សរតេ ក៏ត្រូវរថយន្តដឹកទំនិញចំនុះ៥តោន បានបើកជ្រុលទៅកៀរបណ្តាលអោយរងការខូចខាតយ៉ាងដំណំ ភ្លាមៗនោះដែរអ្នកបើករថយន្តដឹកទំនិញមិនព្រមឈប់ដោះស្រាយនៅនិងកន្លែងកើតហេតុនោះទេ គឺព្យាយាមបើករថយន្តរត់គេចជិត២គីឡូម៉ែត្រ ទើបខាងរថយន្តកូរ៉ូឡា ដេញឃាត់បានមកវិញ ។
ហេតុការណ៍នេះដែរបានកើតឡើងនៅវេលាម៉ោង១១និង៣០នាទីយប់ ថ្ងៃទី១៥ ខែតុលា ឆ្នាំ២០១៨ ជិតស្តុបសេះមាស ផ្លូវវ៉េងស្រេង កែងផ្លូវ៣០ម៉ែត្រ ភូមិដំណាក់ធំ៣ សង្កាត់ស្ទឹងមានជ័យ៣ ខណ្ឌមានជ័យ ឃាត់រថយន្តបាននៅចំណុចជិតស្តុបស្ពានដែក ចំការដូង ផ្លូវ៣៧១ ភូមិឫស្សីស្ទឹងមានជ័យ៣ ខណ្ឌមានជ័យ ។
តាមប្រភព័ត៌មានពីកន្លែងកើតហេតុបានអោយដឹងថា មុនពេលកើតហេតុ គេបានឃើញ បុរសម្នាក់បើករថយន្តម៉ាក កូរ៉ូឡា ពណ៌ខ្មៅ ពាក់ស្លាកលេខ ភ្នំពេញ ២E-២១១៩ បានធ្វើដំណើរតាមផ្លូវ៣០ម៉ែត្រ ក្នុងទិសដៅពីជើងទៅត្បូង តែខណៈមកដល់ចំណុចកើតហេតុ ដែលជាផ្លូវកែងអក្សរតេ ព្រមទាំងមានភ្លើងស្តុបផងនោះ ក៏ស្រាប់តែមានរថយន្តដឹកទំនិញចំណុះ៥តោន ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ ៣E-០៩៥២ ជិះគ្នា៣នាក់ ប្តីប្រពន្ធនិងកូនតូច ដោយបុរសជាប្តីជាអ្នកបើក បានធ្វើដំណើរតាមផ្លូវវ៉េងស្រេង ក្នុងទិសដៅពីលិចទៅកើត ក្នុងល្បឿនលឿន ព្រមទាំងខ្វះការប្រុងប្រយត្ន័ដូចគ្នា បានជ្រុលទៅបុកកៀររថយន្តកូរ៉ូឡា បណ្តាលអោយរងការខូចខាតខ្ទេចផ្នែកខាងមុខចំហៀងខាងស្តាំយ៉ាងដំណំ តែមិនមានគ្រោះថ្នាក់ដល់មនុស្សនោះទេ ។
ភ្លាមៗនោះដែរ រថយន្តបង្កដឹកទំនិញរងការខូចខាត កាងខាងក្រោយបន្តិចបន្តួច តែមិនបានឈប់ដោះស្រាយនៅនិងកន្លែងកើតហេតុនោះទេ គឺព្យាយាមបើករថយន្តរត់គេចរហូតដល់ជិតស្តុបស្ពានដែកចំការដូង ផ្លូវ៣៧១ កែងនឹងផ្លូវ២១៧ ភូមិឫស្សី ស្ទឹងមានជ័យ៣ ខណ្ឌមានជ័យ ទើបខាងរថយន្តកូរ៉ូឡារងគ្រោះ ដេញតាម ឃាត់រថយន្តនិងអ្នកបើកបរបាន ។
ក្រោយពេលកើតហេតុ ដោយសារតែភាគីទាំងសង្ខាងធ្វើការសម្របសម្រួលគ្នាអត់ត្រូវ រថយន្តទាំងពីរគ្រឿងត្រូវបានសមត្ថកិច្ចជំនាញខណ្ឌមានជ័យ បានចុះទៅធ្វើការវាស់វែងយកទៅរក្សាទុកនៅអធិការដ្ធានខណ្ឌមានជ័យដើម្បីរងចាំធ្វើការដោះស្រាយនៅពេលក្រោយជាបន្តទៀត ៕
ចែករំលែកព័តមាននេះ